VCourt 上環

VCourt 評價 相片

V Court係新紀元廣場裡面一個新開嘅美食廣場，記得以前喺度返工時，哩個位係大家樂，雖然多人幫趁，但如果唔係落雨或趕時間唔想出去，大部份人都寧願出去食唔想留喺度食頹飯。

V Court嘅裝修走明亮簡潔路線，座位唔會太迫太侷促，有多人圓枱、四人餐枱同面壁位。

食客除左可以喺收銀枱點餐，仲可以喺哩幾部自助點餐機落餐，俾錢後等叫籌號就可以出去櫃枱攞餐。

哩度除左普通咖啡奶茶檸茶檸水，仲有好多款唔同嘅果汁同汽水，可以散買亦可以跟餐加錢換購。

喺取餐櫃枱附近亦有飲水機同洗手盤可以洗手，哩一點而家真係好重要呀！其中一邊牆有自助調味吧，要幾多自己拎，繁忙時間都唔怕要問職員拎。

最貼心係靠窗吧枱位都有叉電設施，手機呂夠電都可以邊食飯邊叉電，慳返唔少時間。

瑤柱福建炒飯($70)中式午市套餐一至五會包熱飲或中湯，由於我當日係周末，所以兩款都會有，我加$6轉左紅豆冰。

福建炒飯賣相幾得，上面有紅蘿蔔、西芹、火腿、蝦同雹柱，茨汁足夠，濕濕地幾好食。

中湯係粟米蛋花湯。

普通罐頭湯味道。

大蝦茄蓉意大利粉($67)意大利飯粉份量幾多，上面有三隻大蝦，蝦都幾大隻。

意粉賣相冇福建炒飯咁吸引，不過茄蓉味都幾突出，酸酸地幾開胃。

紅典紅豆冰(跟餐加$6)紅豆冰紅豆煲得夠腍，奶香味都可以。

總結，雖然價錢比一般快餐店貴，但無論食物賣相定環境都交足功課，以地區黎講定價合理，喺附近返工嘅朋友第日就算冇時間都唔洗焗住食頹飯。

太座在上環購買行山鞋，約我下班後找她會合，她在新紀元廣場等我。

記得上次來時，這位置是一間連鎖快餐店，現已轉為另一間，同樣是以先購票形式，自己找個位，服務員會送食物來。

餐廳地方非常寬闊，有些面壁位還可USB充電，中上環食肆日間勁難搵位，晚市例靜，這晚只得十數人。

選了兩個套餐主菜，黑毛豬鞍擺盤近似高級餐廳，伴菜有薯蓉，茄子，青瓜，車厘茄，蘋果蓉燒汁，豬鞍連骨，顏色烤得不錯，肉質尚可，套餐還包餐湯和沙律，餐湯為南瓜忌廉湯，可喝到打爛的南瓜蓉纖維，而沙律因廚房事故改以串燒代替，雞肉串燒，也可解饞。

熊本雪花西冷，同樣是擺盤認真，除茄子和青瓜外，還有整個烤蒜，海鹽和芥辣。

西冷肉質因部位問題，為牛扒中稍具嚼勁的，與牛柳截然不同，以價論價，不過不失。

想吃得豐富點，加錢可追加迷你意粉，紐倫布腸，蜜糖雞翼等。

迷你意粉用茄醬，黑水欖，蒜等煮，富意大利風情，意粉不太腍，很喜歡。

紐倫布腸，肉的成份多，口感實在，蜜糖雞翼香甜可口。

整體而論，廚師造藝應該不錯，只因應售價和地方的限制，有能力做得更好。

之前聽朋友介紹, 知道上環新紀元廣場開左間高級的Food Court, 提供多國菜式, 當中以西餐最為出色。

今日趁同老婆都收早, 6點左右就去到試一試。

😙餐廳名叫V Court, 位於新紀元廣場2樓, 地方非常寬敞, 樓底高, 加上簡約而時尚的裝修設計, 感覺比較似一間高級西餐廳。

由於未到晚市繁忙時間, 所以客人唔多, 我地點左一份豬鞍同一份西冷牛扒share, 套餐包括餐湯薯蓉同小食, 應該夠食。

😁南瓜忌廉濃湯是日餐湯南瓜忌廉濃湯南瓜味非常濃郁, 口感綿滑, 加上少少果仁碎加強口感, 非常出色。

👍串燒雞肉跟餐配的沙律今日轉左做串燒雞肉, 而且每人有兩串, 味道唔錯。

煙肉焗青口 $12套餐+$12可加配小食, 呢款煙肉焗青口芝士味濃, 青口肉質鮮甜, 非常抵食。

👍熊本雪花西冷 $108熊本雪花西冷賣相很吸引, 西冷肉質鮮嫩, 牛肉味濃, 薯蓉份量好多, 烤製的配菜都非常高質。

👍黑毛豬鞍 $128豬鞍熟度剛剛好, 肉質彈牙多汁, 黑毛豬肉味非常濃, $128呢個套餐相當超值。

Bless 冷壓蘋果汁 $26Bless 菠蘿茉莉茶 $24埋單每位$150有找, 性價比超高。

👍

今日有幸被委派過海公幹，來到上環附近找美食，人生路不熟，上網look look，這食店不錯呢！這間位於新紀元廣場的西餐廳，環境舒適。

因為樓底高，所以感覺幾闊落同光猛。

入到去，自己於門口counter付錢點菜，搵位坐低後會有侍應送餐。

我們點了兩個套餐，分別都有餐湯同沙律。

餐湯是紫薯忌廉湯，質地好滑且好香紫薯味，感覺好特別，值得推介。

另外個沙律有生果，作為前菜都幾開胃。

首先係黑松露帶子意大利飯~賣相好好，意大利飯有淡淡黑松露香，軟硬度都做到意大利飯的效果，個帶子亦出奇地煎得好香，鮮味夠，十分滿意。

第二個餐是黑毛豬鞍，個份量非常大，一個女孩子差點吃不消，塊扒好厚但不會好韌，肉味重，即使肥肉的地方都不會覺得好油膩，配上清新嘅蘋果醬，更加去除油膩感。

配菜都燒得不錯，廚師給的份量絕不手軟，好香滑。

另外加了兩隻雞翼，味道不太特別，不過抵吃。

整體感覺不錯，以這個地區食西餐都算價錢相宜，氣氛環境舒適，兩個女仔食得好飽。

下次會再來試其他套餐。

2019年12月21日 星期六呢日因為要趕住同女朋友去中環嘅關係，冇乜時間食嘢，唯有諗住喺附近求其搵啲嘢食，好彩係中環搵到呢個美食廣場喺門口見到電子餐牌，有分中式同西式午餐，可以照顧唔同人嘅需要，價錢係中環來講都算幾平電子餐牌隔離仲有個飲品櫃，都提供好多款唔同既飲品，有部份仲係鮮榨果汁添，應該好適合返工人士提神最後我要左一支菠蘿汁，而女朋友就要咗一支蘋果汁，飲落去淨係飲到生果嘅鮮甜，仲食到少少渣添俾完錢入到去美食廣場先發現原來裡面都幾大，有好多位置俾客人坐，仲有幾張圓枱添，空間感唔錯等左一陣我叫嘅牛扒就煮好啦，係熊本雪花西冷伴藜麥煙肉薯蓉，西冷牛扒大塊得黎又夠厚，仲要係唔洗好用力就切得開，入口即融，真係好似食和牛咁，牛味好重，配埋燒蒜粒一齊食，味道更加豐富，完全食到停唔到口冇諗過仲會送埋餐湯，係紫薯忌廉湯，一眼睇落去已經知道有紫薯味好重，飲落嘅時候好幼滑，紫薯同忌廉都幾配合真係估唔到美食廣場都可以食到咁高質素嘅牛扒，完全可以媲美高級扒房，性價比十分之高，下次一定會再嚟食！！

VCourt餐單提供多國菜等推介美食位於上環區，餐廳座位數220人均消費約$51-100，結賬可以用AlipayHK,支付寶,現金,八達通，Booking訂位可以電話致電 36121072 查詢。

您對於上環餐廳「VCourt」有何 comment？

VCourt餐廳詳細資料：

• VCourt地址:
  上環皇后大道中181號新紀元廣場低座2樓208-214號舖
  VCourt, Shop208-214,2/ F, Low Block, Grand Millennium Plaza,181 Queen's Road Central, Sheung Wan
• VCourt電話: 36121072
• VCourt價錢: $51-100
• 分類: 多國菜
• 座位: 220
• 付款: AlipayHK,支付寶,現金,八達通
• FB專頁: VCourt Facebook

更多VCourt相關資料:

• VCourt分店
• Youtube
• Facebook
• Twitter
• Google