The Chef Kit 上環

The Chef Kit 評價 相片

五一勞動節西餐放題試新店，上環有新一店，是以前蝦麵店的位置。

食品水準一般，除了龍蝦汁之食物。

大蝦龍蝦汁意大利飯，我不吃忌廉及芝士的人亦能入口，米飯吸滿是龍蝦汁，忌廉不多，軟硬恰當，味道調得好。

龍蝦汁意大利雲吞同樣好吃，就是醬汁做得美味，雲呑皮薄滑滑，只是饀料太少，好在有醬汁補充。

檸檬芝士餅，酸味醒胃。

因為見到上年兩個好好嘅comments，我地見到有團購個tasting menu就立即買咗。

點知未book枱就見到七個非常差嘅comments，已心知不妙。

但既然買咗，只好抱住中伏嘅心態去試食。

當晚，因為我地遲了少許，餐廳職員有立即致電，幾好！我地到步坐低，餐廳職員立即給我地一杯水及講解佢地兩小時tasting menu係分上下部分，如之前comments提及。

不過佢有特別提到如果唔再order前菜同pasta，可以無需等候一小時就直接進入第二小時叫main或甜品。

（其實我地去之前我都諗，死喇，如果硬要等一個鐘先可以叫第二part，我會中間瞓一陣先囉）結果，有職員詳細講解後，我地明明地玩法，開始order嘢食...第一部分因為怕中伏嘅情況，我地第一個叫南瓜湯都係先叫一份，免得叫兩碗太水就岀事。

結果，又唔係想像咁差，湯都濃，味道幾好，好夠熱！沙律，我地叫咗個蘋果沙律share，ok嘅，唔錯。

小食，我地先叫雞翼、意式雲呑。

雞翼ok嘅，唔太差。

雲吞都好味，只係塊雲吞皮大片咗D，視覺上會麻麻，但味道ok。

原本我地想叫三個pasta試，經職員解釋可能會太多，所以我地帶子意粉同carbonara，岀乎我地意料之外。

係好味嘅。

之後，我喺進入第二部分前加個肉丸小食同雜菜湯。

肉丸咬落去感覺自己製作，唔似買番嚟嘅。

唔係難食，只係肉質一般同唔夠熱。

雜菜湯，夠熱多菜，不過味道唔似自己做。

相比，南瓜湯會好味D。

由於食咗第一部分後可跳到第二部分，咁我地就試主菜了。

我地先叫，豬、羊、三文魚，上碟岀嚟，同之前食家comments講嘅一樣，無乜裝飾，三件羊、兩件豬、三件魚。

我地先食羊，件件有筋，但味道ok。

然後試豬，皮脆肉嫩，好surprise。

反而三文魚一般，三文魚好難好嫩。

試完第一round，我再加單豬同試油鴨。

呢次上碟比第一碟賣相靚。

件豬都仲好好味，反而鴨較乾身，麻麻。

甜品，檸檬tart係好食啲，不妨一試。

結論：由於我地買咗團購後，突然太多負評，我地都好擔心。

但我地好想支持小店，將標準同要求降低，好好享受晚餐。

後記：職員好有耐性同細心，用時間慢慢講解，用餐不停同我地加水、收碟、換碟。

讚！由於人少，佢可以用時間講解，但人多的話，就未必可以枱枱講解咁花時間。

Main嘅豬、羊一件件嘅做法，細細件嘅方法的確可以令我地試多幾款食品。

但如果啲食客落幾次單，對廚房嚟講會麻煩。

係好矛盾。

餐廳嘅酒杯好乾淨，仲特別用個櫃存放，估佢唔倒。

食物整體ok嘅，團購價正常。

給老闆一點建議：喺中上環開店一D都唔容易，做餐館食物要轉流快，樓面要好招呼，廚房要味道好。

如果晚飯人流少，可以考慮引入多幾款紅、白酒，將你tasting menu內嘅食品，以小食形式，做happy hour + snack。

例如，紅、白酒配燒乳豬兩件、羊、雞翼。

應該可以吸引附近人幫襯。

我地支持小店，你地服務好好，希望你地做得更好。

所謂既自助餐。

完全係垃圾！一坐低服務生解釋點叫 仲講食到就叫。

再黎限制客人過一個鐘後先可以叫扒。

千奇唔好再有人中伏去食。

從未見過一間西餐廳點扒類係求其炒埋一碟咁出去俾客人！所謂羊扒係一舊肉。

真係小家到唔恨。

意大利飯更是無味又硬！飲完一杯檸檬茶後。

想再叫多杯時，竟然發現服務生將茶繼續沖落同一杯。

檸檬都冇換過。

簡直大開眼界！用差不多五百蚊食粒粒扒 請都唔再去食。

食到一肚火

Groupon 2⃣️小時tasting Manu 購買前看了有2⃣️篇正面之食評.而之前亦購買Groupon 推介的餐廳試後也不錯.於是便買下此tasting manu Qpon 嘗試一下..但可惜這次失望而回.大跌👓餐廳不算大.但裝修尚算可以. 2⃣️囗子入到餐廳內.有2⃣️名服務生接待.坐下片刻.侍應介紹我們如何order 食品. 侍應遞上4張紙.說明頭1⃣️小時可任叫頭2張食品紙(包括:湯.沙津.小食.意粉).尾1⃣️小時可叫尾2張食品紙(包括:主菜.甜品)湯: 2⃣️款南瓜忌廉湯.雜菜湯湯呈上時連同一細片多士.但多士微暖偏涷.湯亦與普通餐廳或茶餐廳無異.極為普通.喝了一碗沒有encore小食: 4⃣️款茄汁肉丸.水牛城雞翼.雜肉雲吞.茄汁魷魚由於我們2⃣️口子不愛吃魷魚所以無order.茄汁肉丸: 一般🐖肉攪拌已成.口感較鞋及多筋.主要味道來至濃茄汁醬.好似而X傢私D肉丸還好味.失望雜肉雲吞: 一丁點的小雲吞.完全吃不到味道.水牛城雞翼: 只吃到辣味.肉質較淋&梅.似是經過一輪炆煮後加辣汁上碟.由於無嘢好叫.所以encore 了2隻.2⃣️囗子共吃了4隻沙津: 吃了3款凱撒沙津,蝦沙津配黑醋汁.蘋果牛油果醬沙津沙津上的蔬菜較為新鮮.但味道及賣相都是一般.凱撒沙津: 切碎生菜+麵包粒+沙津汁+少許煙肉粒蝦沙津配黑醋汁: 2⃣️隻小蝦+沙津菜+黑醋汁蘋果牛油果沙津: 2⃣️小薄片蘋果+1小匙牛油果醬+沙津菜意粉/飯: 吃了龍蝦汁意大利飯.黑松露什菌長通粉.茄汁什菌長通粉.忌廉什菌意粉龍蝦汁意大利飯: 意大利飯煮得不夠火喉.飯粒生骨.中間飯心沒有煮熟透.完全沒有煙un囗感.但汁料味道尚算可以.但我們儘量想不浪費.但飯實在太硬毎人也吃了3⃣️囗才彈走.告知侍應飯沒有煮熟.黑松露什菌長通粉.茄汁什菌長通粉.忌廉什菌意粉.除了汁醬不同(茄汁＆白汁).基本上吃到的配料都是一樣.沒有任何特別.但是不知為何我們點的都是每款1個份量.但上來的卻是每款一大碟的份量第2小時開始.主菜+甜品主菜: 油封鴨脾,烤乳🐖,🐐扒,三文🐟,2⃣️口子每款order 2件. 最嚇人的是廚房竟然將8件黑炆炆的嘢放在一個大碟上呈上.完全沒有任何配菜或裝飾.tasting menu喎.我們在吃放題嗎?就係油封鴨脾,烤乳🐖,🐐扒,三文🐟油封鴨脾: 將脾分上下2邊切開.賣相黑炆炆.似煲完湯剩底湯料一樣.好淋一切就散乳豬: 疑似經過炆完之五花腩.一層層.頂層肥肉.中/底層好鞋.完全無烤乳豬的香軟脆口味道三文魚: 2折手指頭大小的魚塊.尚算有魚油味道.但魚肉不夠嫰滑.有點鞋囗羊扒:又是得手指頭大小之份量.我沒有吃.但老公吃完之後似牛舌.而且沒有食完..可想而知....又是失望之作甜品: 檸檬撻.蜜桃撻.朱古力撻.雲尼拿雪糕甜品應該是外購貨.再加上"牛記"雪糕.意想不到竟然是全個menu 的亮💡點.檸檬🍋撻尚算清新可回.蜜桃🍑撻爽口淸甜.朱古力🍫撻味道亦算濃郁而不太甜.餅底尚算脆囗.雖説租金昂貴.經營環境艱難.但經營者或負責人也得了解餐廳食品質數.客人反應等因素去維持經營及輓留食客呢...總括而言.今次中伏🎯後.只此一次.後會無期👋

西式自助放題, 挺新穎, 款式不多, 好食就可, 致電確認餐牌上的都有, 放心買券.訂位6點, 我們3人早到了, 是第一檯客, 服務員解釋食物由6:30開始供應, 湯/沙拉/小食在頭1小時供應. 哪先來飲品吧! 6:40湯先來, 只有2款, 什菜及南瓜, 一嚐, 心知不妙, 淡淡的罐頭湯也不如. 沙拉OK啦," 蝦仔"倒爽口, 菜及水果也壞不到那裡去, 可是Asparagus欠奉喎.小食味道還不錯, 只是份量極小, 雞翼/肉丸各再柯打3件, 卻只各來2件.  由7:10開始檯上空空的, 菜也沒多來一塊. 追嘛, 再追, 等呀等, 廚房竟傳來臭罵聲伴著摔東西聲, 傳遍整個餐館，頓時鴉雀無聲，心想餘下的主菜等還是不等？7:50檯面還是空的，決定先食甜點，免得餓著肚子回家。

最後主菜來了，牛扒欠奉（說是這日無貨，西餐廳無牛扒，其實網上早有人投訢這項目是不供應的），令人笑話的份量：一份三文魚扒／羊鞍扒是一片（比超市一片剌身還小），燒豬是一丁方。

真的不飽，百般＂哀求＂下，才再來了一客菜沙拉 。

從內到外，從樓面到廚房，那一點看出＂美國國會廚師＂的典範？以上所說句句屬實，絕無誇張，如此餐廳，不可再存期望。

The Chef Kit餐單提供意大利菜, 法國菜, 多國菜, 西餐廳等推介美食位於上環區，餐廳座位數36人均消費約$401-800，結賬可以用Visa,Master,現金,銀聯。

您對於上環餐廳「The Chef Kit」有何 comment？

The Chef Kit餐廳詳細資料：

• The Chef Kit地址:
  上環皇后大道中181號新紀元廣場低座2樓201室
  The Chef Kit, Flat201,2/ F, Lower Block, Grand Millennium Plaza,181 Queen's Road Central, Sheung Wan
• The Chef Kit電話:  
• The Chef Kit價錢: $401-800
• 分類: 意大利菜, 法國菜, 多國菜, 西餐廳
• 座位: 36
• 付款: Visa,Master,現金,銀聯
• FB專頁: The Chef Kit Facebook

更多The Chef Kit相關資料:

• The Chef Kit分店
• Youtube
• Facebook
• Twitter
• Google