騏隆 上水

騏隆 評價 相片

上次食完志興，今次就走去試下呢間騏隆，做來做去做極都係得一間梗有原因，我同朋友嗌咗兩碟飯，一碟雙蛋豬扒飯，一碟粟米汁班腩飯，都唔知佢係咪貪平用咗啲劣質油，炸出嚟啲嘢暗暗黑黑冇嚟光澤，或者可能啲油冇換所致，啲飯又難食，又冧又難食，啲飯都唔係一粒粒，都唔知係咪貪平用咗啲越南米所至，啲食物質素再係噉，我諗你連呢間都保唔住，希望日後有所改善

本來充滿期待,幾個月無食嘅椒豬雙蛋飯。

有少少退步。

豬扒份量少左,口感硬左。

飯粒都有少少口感不一嘅情況。

但兩隻生蛋仍然好味。

3x蚊有熱飲,性價比算唔錯呢。

多學生哥幫襯。

送完美女玉琪搭火車就飄去嘆個早餐，宿醉必須食點熱食物舒緩一下。

大量座位任君選擇，早起的曉奧有麵吃！衞生情況真心使我側目，檯面油淋淋，餐牌黐笠笠，調味架鋪滿塵。

全部餐牌黐笠笠油淋淋，極度可怕！摸完餐牌成手油淋淋黏黏的，有點嘔心！立即用濕紙巾捽捽手，抹得乾乾淨淨消毒下。

四眼嬸永遠扮聽唔到，只自顧自行出行入傳菜，不理食客的呼喚落單。

摸不著頭腦客似雲來，為何會一檯接一檯呢？可能真的有可取之處，但我這十幾次的探訪依然發掘不得出來。

除了那碗餐蛋福麵讚口不絕外，全部出品都遠遠遠低於水平。

好奇心驅使，詳細看看食評，何解全部食家都係笑臉，莫非真的是我口味格外獨特嗎？望落師傅似乎年紀尚算後生，還跟我打招呼呢。

落單傳菜、食物品質、廚藝功夫、環境衛生、等等，真係十分抱歉，我實話實說，強差人意。

老闆加油努力，祝好運。

見到寫住炸菜，什麼來的？曾經食過泰式炸通菜。

質素保持穩定暗裡食泥，但眼測座上食客也不少，莫非客飯小炒才是主打招牌？羗字好冷門喎，簡單點用薑更好啦。

豬膶不是潤，還有冬蔭功、雞中翼、出前一丁不是出煎一丁，捍衛廣東話、捍衛繁體字、捍衛香港地！菜色包羅萬有千百家菜又如何？重量不重質，粗製濫造絕不會得到食家認同，必殺招牌菜一道已足夠打天下。

菜色沒怎樣歸類，有點混亂。

可抽出加工食品類、罐頭類、小菜類，下面再選粉麵米飯、湯炒撈、豉油豉汁茄汁洋蔥汁咖哩汁粟米汁沙嗲汁、時菜味菜涼瓜。

可以再分餐腿蛋腸仔紅腸煙肉、肉丁回鍋肉沙嗲牛榨菜雪菜。

雞扒豬扒炸雞翼滷雞翼、魚蛋雲吞、斑腩肉片牛肉。

暗裡食泥系列，我一定可以堅持到搜集到足夠資料一日既來臨。

埋單時老闆娘十分熱情有禮感覺良好，可能我叫錯野食啦。

依間係茶餐廳，正常潮州粉麵檔會更出色，會再黎幫襯比多次機會既。

凍檸樂，先來杯回魂曲讓頭腦清醒，我仍有少少醉。

凍菊花蜜，滿心歡喜還以為自家製，外購成品跟維他菊花茶沒大分別，只是更甜，入口甜到漏頂唔緊。

凍齋啡走甜，典型茶記味道，可以入得口。

繼續暗裡食泥系列，我係唔會怕您架，聽日再挑戰！熱奶茶，奶茶兩羹糖，平凡無特別。

熱檸茶走甜，來杯熱飲醒醒神。

濃濃的茶不見底，澀澀的檸散發清清的酸，熱熱灌入暖胃舒服。

紫菜湯走蔥，我話走蔥唔該，不過嬸嬸話無蔥架，但黎到有大量蔥鋪面呢，嚇得我！嬸嬸即刻幫我換過，免強原諒您。

新一碗送到，何解有股酸縮氣味飄來？我用鼻左索右索，似乎源頭就是此紫菜湯，好驚喎！膽粗粗淺嚐兩口，再來多兩口試真一點，真係堅有霉味有泣味，唔敢再飲，整碗掉低，怕飲完肚仔會唔舒服呢。

冬菇雲吞蠔油撈麵，高潮疊疊起，心血少一點都頂唔順！見到個賣相再次嚇親我，凌亂不堪成堆掉係碟度，我要親手執返靚仔少少才拍張遺照，太過馬虎求其。

師傅做得唔開心嗎？在場得四五個食客，完全唔繁忙。

凍冰冰的冬菇，車仔麵更有質素。

厚身滑嘟嘟，帶著鞋韌的質感，沒什麼味道，只有淡淡的菇味。

外暖內凍的鮮肉雲吞，不是鮮蝦雲吞，平凡得來唔難食。

都係決定撈辣椒油求其食完閃，辣油桂林風味重，咸味重麻麻地。

蠔油亦太咸，麵質都還可以。

蠔油生菜，罕有地用唐生菜，不是玻璃生菜，白灼不甜帶澀味，硬實不爽脆，兩口放棄。

依個套餐份量超多，抵食夾大件，但居然難食到如此地步，我真的受傷了！本來想係隔離食碗麵，見坐錯位都照食，嚴重中伏！格硬頂住吞左個冬菇雲吞撈，唔想浪費食物。

不過生菜、紫菜湯應負不到，唯有放棄。

甜不辣珍寶腸併炒蛋蛋配混醬西多磚，睇錯晒添！我想要椒鹽雞扒，唔係炒蛋。

甜不辣珍寶腸？跟估計一樣，甜酸泰式雞醬，甜笠笠洗洗去好食一點。

皮脆滿意，肉腍味濁不愛。

無味炒蛋，蛋味微弱，夠嫩滑但無鑊氣。

混醬西多磚，腍劈劈不香不脆，唔香脆那會是西多，激死我！鍊奶花生醬勁甜受不了，花生醬搽係麵包中間較好，整個套餐十足兒童餐甜甜的，炒蛋還要沾到鍊奶花生醬，救命！雪菜肉絲出前一丁，雪菜份量過份地多，唔係多就好食，份量只需依堆三份一已足夠。

從未食過雪菜切到大大棵，豆苗般大條，味道咸濁兼備，用滾湯沖沖浸浸才入得口。

出前一丁滾水烚麵白雪雪無味，湯底被混濁雪菜咸味所染污，完全唔想飲。

咖哩雞扒撈出前一丁，碎上唔算雞扒喎，叫咖哩雞丁或雞柳還可以。

眼見師傅都有少少誠既，用洋蔥及青紅椒兜咖哩增添香氣及味道，但賣相不堪入目，馬虎凌亂大力隊個汁係麵底上，咖哩汁飛到四圍都係，演繹過份狂野！石頭雞肉，乾硬鞋共冶一爐，趙得好痛苦！醃味淡如水，基本無怎醃過，原汁原味雪藏雞，好采有咖哩汁頂住。

雖然雞扒劣質，不過咖哩撈丁烹調得蠻滿意出色。

熱辣辣惹味濃郁咖哩汁擁著濕潤腍滑出前一丁麵，大口大口地吸啜，感覺暢快舒服迅間消滅，竟然出現唔夠喉既感覺添呢！椒鹽豬扒，經過油地獄洗禮嗎？油浸立立令，似用鑊兜椒鹽，油多溫度低，不香口不惹味，只食到成口油。

真係掉入炸爐會更加好，再回鑊猛火兜椒鹽先可以香辣惹味乾爽微脆。

暗裡食泥硬食豬扒，真係趙到我牙骹軟，給點力吧﹗乾硬肉質，醃味單調清淡不甜美，外層炸粉腍劈劈油淋淋，救命！試用咖哩汁洗洗，好少少但都係質劣。

椒鹽雞扒，雞皮微暖味道像鹽酥雞，油淋淋掉落湯洗洗去，室溫白肉無味味，淡茂茂腍劈劈不彈滑，師傅得閒醃醃去比較好喎。

扒類不要樣樣都碎上吧，肉汁精華都流失，畫蛇添足，多此一舉，原汁原味讓食客慢慢品嚐更好。

淨雞中翼，餐牌沒有注明什麼雞翼，預計會出炸雞翼，最後收到的只是滷水雞翼。

冰糖甜味突出不混濁，皮濕肉滑不霉，難得難得。

榨菜肉絲出前一丁，賣相真的不敢苟同，眼測已知成堆罐頭榨菜肉絲連油連汁隊落去，激咸吃不消！可憐我雙腎仔呢。

試試撈撈湯再用麵夾著吃都難解其咸度，本身肉咸菜咸連汁都咸，解不了！連煮個即食麵都煮唔好，不如算罷。

那麼多樣化複習的套餐不用 3 分鐘全部送齊上檯，榨菜肉絲出前一丁、香煎西冷扒蜜糖豆炒滑蛋混醬西多磚，心知不妙滴晒汗。

出前一丁質地超爽彈清新，只不過白烚麵沒有味道，連湯粉齊齊煮讓其吸收甜湯精華才是皇道。

香煎西冷扒蜜糖豆炒滑蛋混醬西多磚，一心黎試牛仔骨，無意中發現西冷扒被吸引過去，不幸地強差人意。

西冷扒明顯外購，醃味咸濁鬆到腍劈劈程瘀黑色，微暖翻炸油滴滴。

炒嫩蛋真的很滑同樣只得微溫，何解要畫蛇添足灑上椒鹽？味道不配合而且太咸啊！混醬西多磚最正常，外層蛋皮暖暖地脆脆地，裡面室溫麵包沾上奶醬味道，甜甜可以的。

整碟無一樣係熱辣辣，使我食得非常不開心！最好食豉蜜味焗豆，童年回憶令人回味。

椒鹽雞扒地獄拉麵，成堆求期屍橫遍野隊出黎，亂糟糟凌亂不堪，左一舊右一舊，唯有親自執回靚仔拍長遺照。

售價 $40 蚊，就是 $40 蚊的味道，就是 $40 蚊的質素、就是 $40 蚊的態度！腍劈劈噹噹即食拉麵，潮州滷蛋幻想真係會給溏心半熟蛋，我諗多左喇！那您煎隻蛋比我仲好過啦。

雪藏味竹輪，知否什麼叫鳴門卷？是有縲旋紋的日本魚蛋片。

依碌叫竹輪，俗稱獅子狗魚蛋卷。

多謝十餘粒瘦瘦粟米點綴，真係生息不少。

招牌椒鹽雞扒唔係掛？醃味淡茂茂，湯浸椒鹽雞扒碎上，起碼不咸不油。

湯底水汪汪少少辣少少咸，配搭不倫不類。

豬仔牌餐肉煎蛋福麵，需要強調豬仔牌？其實我食開日本或韓國午餐肉。

驚喜地終於有一味好食，唔洗暗裡食泥堅係老懷安慰！爽彈福麵吸收湯汁份外可口，湯底味道厚厚醇美有水準。

厚切餐肉鬆軟綿綿爆汁，油潤咸香極具吸引力，如果煎到兩面金黃焦香就更多姿多彩。

荷包蛋煎得高質超級好！熱熱蛋漿甘甜黏稠，蛋白微脆滑嘟嘟。

劣質生菜硬掘掘粗糙又帶澀，不如唔好比啦，掃晒我既雅興，要扣分。

點解我碗湯那麼多雜物？芽菜、洋蔥、大光麵碎，有點嘔心！梗係要再扣分啦。

淨清湯牛腩，最少已講 3 次走蔥，嬸嬸放下時我頓時呆一呆。

用湯碗出貨？不會有粉麵底吧，幸好無搞錯。

牛腩屬爽彈類，不是軟塾綿腍，質地蠻可愛。

腩肉羶味強勁，隱藏少少酸味，免強頂得住。

湯汁羶味更濃厚更霸道，而且略為油膩飲不到。

薑絲豬膶福字伊麵，點解唔係生麵？豬膶份量實在太多，雖然豬膶下欄內臟價錢平，跟麵比例近乎一比一太誇張，唔係一味多就好食，重質不重量！厚切豬膶似足午餐肉，鬆到連質感都似五餐肉。

醃味偏咸，濃濁陰沉無鮮味，咸豬膶味已溶入湯汁中，連我最喜歡的福麵湯底都過咸飲唔到喇。

驚嚇指數高企，淨清湯牛腩、豬膶福字伊麵，救救我！粟米斑腩飯炒底，暗裡食泥系列！炒飯加鐵線，補充鐵質身體好？應該係開罐頭時的碎片。

粟米汁罐頭直接淋就算，無雞湯無調味無蛋花，糊糊甜淋淋討厭。

炒飯濕度極高，漿嘴黏牙濕笠笠，稀少蛋碎無蛋味無炒飯香無鑊氣，食到我好希虛，開始懷疑人生！斑腩硬殼包著一丁點魚肉，無腥無嗅無味。

魚香茄子飯炒底，放兩片生青椒想點呢？裝飾擺設來的嗎？再挑戰，最後一次挑戰！師傅廚藝前無古人後無來者，到底師成何處？使得我魂歸天國。

阿嬸您四隻眼都睇唔到成條鐵線係飯面照隊比我！仲要有塊生番茄皮裝飾，汁同飯射到四圍都係，混亂甩皮甩骨，見到都唔想食！灰色爽脆茄子食幾片試真一點，確定真的出水帶酸味，有點反胃全部挑走不吃。

芡汁味道怪怪的，仲有幾條米粉點綴，是否炒完米粉無洗鑊？沒蒜味沒辣味，單調的蠔油生抽老抽。

見到鐵線後有點壓力，細心地毯式檢查翻弄清楚，左兜右兜確認沒有異物才安心進食。

心裡有陰影，只敢續小啖續小啖地放入口。

炒飯濕濕爛爛，頂硬上食四五啖都係要投降。

何解可以煮得如此難食，實在太有料到！

我們又到上水石湖墟熟食中心搵食啦😎今次我們去食騏隆✌或說我一向好欣賞佢的椒鹽雙蛋雞排飯🐥🥚我們一去到就有位坐啦🎉🎉🎉因為除左椒鹽雙蛋雞排飯我們仲想試下其他就將餐牌翻來翻去……也想不到什麼……🤔侍應姐姐好友善😚見到我們想不到吃什麼主動介紹~又慢慢等我地想一下~真好~❣❣❣登登登登~我們最終叫了三個飯麵~🍛🍛🍝洋蔥豬排飯🐷 ($30)豬排大大一塊煎得剛剛好~不會乾乾的~🐷雖然佢已經是碎上但佢鬆軟的情度是只要用匙羹都可以拮到佢再細細粒咁食🥄醬汁酸甜適中但比較稠了一點~💦如果能夠調稀一點，會更好拌飯吃整體來說味道不錯不錯~🤗🤗🤗韓式辣醬撈出前一丁 🍝(配椒鹽雞排+雞蛋)(我忘記價錢lu)雞排外脆內嫩🐥配上生雞蛋拌著公仔麵一起一啖吃真的好不錯😌😌😌只是如果你是期待吃韓式辣醬的味道從這個麵中好像吃不太出來這個醬🤔不過整體來說味道不錯啊~❣❣❣椒鹽雞排雙蛋飯🐥🥚 ($30)雞排同上面配撈丁的雞排一樣雞皮香脆可口雞肉仍嫩嫩的~不會柴柴的😋😋😋而最好的是椒鹽和醬油都是可以由自己任落的~~🤤🤤醬怪的我當然是會狂落啦🤭🤭🤭醬油是稠稠的味道是咸的，不是偏甜的那種~~~😎如果不怕吃生雞蛋🍳用生雞蛋拌飯連同脆皮椒鹽豬排一起吃絕對美味~~~💕P.S.佢這幾天好像休息啊~27號再開市啊~❣

星期六唔知邊度食飯好， 諗住去街市食平嘢算， 但街市咁多檔，都唔知揀邊檔好，睇openrice 見到呢間算係有啲評價，就嚟咗呢間食飯啦。

第一次嚟上水街市食飯，其實環境就唔係幾舒服，如果接受到就ok，呢度食嘢係好平，飯連凍飲都係$31。

咁今次就叫咗最大路嘅椒鹽雞扒雙蛋飯同咖哩雞扒撈麵，味道我覺得唔錯， 如果擺喺商場度賣，都要六十蚊一個飯。

另外我覺得呢間啲姨姨服務態度幾好，好值得一讚，又會教你落甜豉油同椒鹽。

騏隆餐單提供港式, 茶餐廳, 冰室, 熟食中心等推介美食位於上水區，餐廳座位數未知人均消費約$50以下，結賬可以用現金，Booking訂位可以電話致電 26733355 查詢。

您對於上水餐廳「騏隆」有何 comment？

騏隆餐廳詳細資料：

• 騏隆地址:
  上水智昌路13號石湖墟街市2樓熟食中心22號舖
  騏隆, Shop22, Cooked Food Centre,2/ F, Shek Wu Hui Market,13 Chi Cheong Road, Sheung Shui
• 騏隆電話: 26733355
• 騏隆價錢: $50以下
• 分類: 港式, 茶餐廳, 冰室, 熟食中心
• 座位: 未知
• 付款: 現金
• FB專頁: 騏隆 Facebook

更多騏隆相關資料:

• 騏隆分店
• Youtube
• Facebook
• Twitter
• Google