興記麵食 上水

興記麵食 評價 相片

天氣炎熱🌞行行下又熱又肚餓就去了石湖墟熟食中心搵食~那兒是有一大堆茶檔、大排檔feel的好地方😎重點是有冷氣雖然冷氣不是超級大但配上掛牆風扇吹下💨💨💨在咁熱的天氣下已經很不錯了~🤪🤪🤪今次選了一間從未食過的麵店 興記麵家🍲決定食一碗自選四寶湯麵 ($36)🍜🥢選了貢丸、墨丸、雞翼、生菜本來想配米粉但但但……米粉竟然無曬😖😖😖而侍應姐姐說可以改選米線、菠菜麵果d咁菠菜麵好似好健康咁🤭一於就試下啦~🎈🎈🎈登登登~四寶菠菜麵登場🎉🎉🎉冬菇貢丸有驚喜一食就有好香的豬肉味裡面有不少冬菇粒粒~冬菇味很濃厚完全增加了貢丸的口感~~值得一叫~~墨丸就相比貢丸失色了佢好彈牙，有嚼勁~~😬但如果當中的墨魚粒粒可以多一點~口感上一定會更豐富~~😝😝😝鹵水雞翼相當入味鹵水帶甜味~不是淡淡的，濃厚的味道~~🤤🤤鹵得夠耐，雞肉輕輕一撕就與骨頭分開非常值得一叫🙋‍♀️生菜分量很足夠，而且算新鮮的啊~~至於第一次嘗試將菠菜麵放湯吃~~🍲麵條有淡淡的菠菜味🌿🌿厚實且有嚼勁~~😬但菠菜麵不太吸湯的🤷‍♀️如果將菠菜麵用來做拌麵~麵條沾上醬汁一起吃的話味道可能會更美味呢🤤🤤🤤跟餐送一杯冷/熱飲冷飲也不要加錢啊~~🤭🤭🤭叫了一杯凍奶茶少甜🥃不知是否叫了少甜茶底有點澀澀的……🤔油占包 (跟餐+$6)🍞吃不出有牛油但就是果醬配上煉奶🥛🥛🥛煉奶味道很突出蓋過了果醬的味道果醬是橙味🍊的嗎？有些分不出來~因為我是醬怪所以整體感覺還是不錯🤪但如果是多士底應該更好吃🤭🤭🤭喜歡在這種熟食中心💕裡面茶檔、小炒店都保留著一種小時候和家人去吃飯的回憶和感覺~💭就是那種叫個餐蛋治配凍朱一起圍著一張大排檔那種大大的圓形摺枱美好的回憶👨‍👩‍👧‍👧P.S.下次要再來試菠菜撈麵先得😊😊😊

再次興記早餐午餐加下午茶一剔過，慳返兩餐真經濟又可以減肥，何樂而不為啫。

上水食肆眾多，花多眼亂，左諗右諗，最終都回歸興記。

我真係有點碎了 ﹗黑啤、香檳、滴其那、即釘療、啫根媽史打、等等，多到唔記得。

罕有地飲酒到天光，宿醉未清，呆到兩點先爬到落樓食個麵乍。

終於都放假喇，剛發現原來上次放假係四個多星期前，唔覺唔覺踩左成個月，人工雞碎咁多，想做死人咩 ﹗食個橫財就手先！食珍苑、林德、潮興食到厭，要發掘新地方，搵下其他隱世麵檔先得！興記麵食？似乎食得過喎。

姐姐話只得生菜供應，那就算了罷，我對生菜一般，最好有水通、菜芯、芥蘭、西洋菜、韮菜花、白菜仔。

熱齋啡，跟一般茶記犯同一錯誤，水溫實在太高，沖出來的咖啡酸咪咪。

其實溫度跟奶茶差不多之麻，不過奶茶有加入淡奶降溫呢。

熱奶茶，達標可口滿足，茶味夠、奶味夠，各有千秋。

茶可以再濃一點，質地可以再幼滑一點。

自家製辣椒油，試過多次真係難以下嚥，唔敢再試。

真係唔好掂喎，不討好的味道，沒有再想添食的慾望，一滴至命。

微弱的辣味，油感霸道，咸咸的不香辣，寧願不加辣油淨食。

老闆真係要諗諗辦法，不香不辣，只油只濁，陰沉暗淡的味道，堅難食 ﹗無辣不歡的我，有諗過自己帶辣椒油黎幫襯架。

同場可以去參考強記、林德記或走到老遠的珍苑或燉奶佬架。

我強烈推介街市地下雜貨舖買潤智香辣辣椒油，超讚﹗珍苑及燉奶佬都係用依隻，打去公司訂貨，平靚正包送貨添，經濟實惠啦。

淨滷水雞翼，剛才路過街市地下滷水店雞全翼新鮮出爐，出晒煙香噴噴，望到即刻流晒口水啦 ﹗搞到我勁想買黎食，不過諗住幫襯興記滷水雞翼，忍下口要留肚。

最敝試完情緒跌到落谷底，肉質乾硬鞋霉，滷水味混濁，劣質難食。

樓下街市滷水店 $10 蚊 3 隻，熱辣辣肥嘟嘟，飽滿肥美嫩滑多汁雞全翼呀 ﹗雲呑牛筋伊麵細走蔥，竟然伊麵都分大細，真有心。

伊麵烚得高水準，幼細嚥韌充滿甜美蛋香，質地沒有發脹沒有變腍，原味沒有流失，滋味無窮。

牛筋切得太大件，切成條狀就最方便品嚐。

巨形兩舊躺在湯底，太大舊使到炆得不夠徹底、不夠入味、不夠軟腍，幸好較細的一件嫩滑棉棉帶點膠黏，濃濃的柱侯醬汁十分甜美。

較大的一件很艱難才能夠咬斷呢﹗質地硬韌，不容易容嘴嚼，比多點牙力吧﹗醃味淡淡的，麻麻地。

神州來的鼻屎雲吞？餡肉鼻屎那麼細，拖著大大塊雲吞皮，以 1 比 6 程現眼前，食皮都夠飽，極討厭﹗鮮肉雲吞沒有蝦，一篤仔肉碎難得還食得出豬肉甜味。

淨食掉餡，雲吞皮唔食，放棄。

蘿蔔牛腩撈粗走蔥，送兩舊膠棉滑彈牛筋，還有彈牙實淨的牛腩，不乾不硬不鞋又無渣，兩者同樣散發濃厚柱侯醬的甜美，加入香料調味出色不馬虎，暖笠笠蠻喜歡。

白蘿蔔就太過凍咯，幸好甜甜的充滿水份，不酸不澀，半腍有爽感，不過我要熱辣辣的蘿蔔啊，落落滾湯浮沉一下再出貨會更加好啦。

粗麵就烚得一般，未算太腍但已有少少黏糊。

這牌子粗麵的蛋味不夠香濃突出，過於平淡悶悶的。

柱侯腩汁衝漬著強烈果皮味道，在混濁及清香間徘徊，可以少一點果皮呢。

粗麵捲上濃郁腩汁捉埋鬆化牛腩齊齊趙，濃汁掛在粗麵之間大大力啜入口，一索而盡將嘴仔塞得脹卜卜，十級滿足啊﹗撈麵份量也不少，開心食得飽飽飽。

紫菜三寶河加腩汁走蔥，追加熱奶茶都只係 $34 蚊，平到笑、扺到爛，仲要出品蠻不錯呢，真心平靚正 ﹗墨丸雪白結實，略咸可接受的外購貨。

貢丸太普通太平凡，微弱的菇味未見突出。

牛丸非常有咬口，牛味濃濃肉汁四射，足料滿意。

紫菜早前係對面試個紫菜湯，嚇到我口都震埋，瀰漫嚴重腥味霉味，立即整碗掉低放棄。

依家仍猶有餘悸，鼓起勇氣再次放膽一試，正常清甜喎，才安心地大啖飲大啖食乍。

爽爽質地帶著咸香的海藻味道，歡喜若狂，我勁愛飲紫菜湯架。

加入腩汁的濃湯更香甜味美，忍不住呷多三四五啖添。

河粉咁短既，師傅專登剪短的嗎？未能一氣呵成地大啖啜啜啜，一段段斷斷續續，一小啖一小啖，疾住疾住好辛苦呀﹗小朋友咩，討厭﹗餐蛋多士，得兩滴牛油份量太少，完全食唔出到味道 ﹗新鮮烘多士十分香口，金黃鬆脆，外脆內軟，索一聲咬開，感覺十分良好。

滾熱辣香噴噴的炒蛋啊，真正的炒蛋，並不是發爛隻蛋煎平出貨，值得一讚﹗厚蛋充滿層次感，一層層縐摺有序，之間還留有空氣，口感嫩滑一流。

再加上肥美厚切餐肉，如虎添翼，軟塾的質地散發強烈豬油香跟肉汁，靜靜地迅速消滅。

豬扒雞扒出前一丁，竟然出前一丁都落蔥，我唔食蔥架。

麵條烚過火，質地粉粉地腍劈劈非常失望啊 ﹗還以為鴛鴦扒丁麵平到只需要 $30 蚊咁誇張，原來只得四份一塊雞扒仔啫，合理。

賣相就真係麻麻，看似燒焦乾爭爭，整塊掉入口一趙，出奇地香口喎。

皮脆肉嫩，白肉滑嘟嘟，啡皮脆卜卜，醃味可口非常，食得我津津有味。

整塊的有骨豬扒，第一啖都彈牙有趙頭，不乾不硬。

落味重手略咸，咬多幾啖後，漸漸散發燶燶的苦澀味道，發現邊位全部燒焦，救命﹗辣椒油試過多次都唔掂，試埋您樽辣椒醬啦，味道一樣好唔掂﹗只有咸味，不香不辣，還有股怪味，好難食喎，什麼品子來的？豬手撈伊麵走蔥，每次見到豬手無收甲都使我卻步，依鑊仲要腳毛無剃乾淨添呢，驚驚啊 ﹗眼不見為乾淨，咬走當無見過啦，哈哈。

滷水味道充滿內內外外，清新淡口，不咸不濁還可以的。

薄薄豬皮非常軟綿，少少黏少少膠，筋爽肉嫩，骨頭大大舊，瘦肉丁丁點，一試無妨。

滷水豬手汁撈起麵來就更加淡喎，撈濃郁腩汁會更加好味道。

伊麵嚥韌爽彈，應該唔係個個接受得了。

我最喜歡有嚼勁的麵條，就算拉麵都要食特硬架。

咖哩牛腩撈麵走蔥，咖哩牛腩跟幼麵分開上，真係估您唔到喎。

想撈幾多就撈幾多，依個方法相當唔錯，可以繼續。

雖然我必定全部倒晒落去，半滴不漏地撈均勻，哈哈。

咖哩汁太厚身太杰撻撻成劈醬，好采有碗清湯可幾溝稀一下。

幼麵撈咖哩汁再撞湯變左紅色既？非常有趣得意喎。

以前係民康車仔麵都試過幼麵變紅色，我仲以為有什麼甩色添呀﹗特濃咖哩汁比茶記可口，厚厚香辣非凡我鍾意。

牛腩鬆化結實，肉質不乾不硬又無渣，醃味清爽味甜。

爽彈幼麵捲著鬆化牛腩掛埋大量咖哩汁，百味交雜，質地豐富，兩三啖就被我完全消滅，梗係好食啦﹗紫菜牛肚豬腸炸魚皮河走蔥加腩汁，自選百搭四寶河非常方便，硬係覺得似足車仔麵。

乾爽鬆脆炸魚皮不硬不韌，香口脆卜卜無油益味，浸埋熱湯半脆半濕更過癮。

豬腸滷味濃濃剛剛好不過咸，彈滑腸皮食得津津有味。

毛肚外面軟棉裡面有趙頭，醃得透徹有質素。

滾熱辣的湯，實淨完整的河粉，甜美濃郁腩汁，咸香爽脆紫菜，百鳥歸巢一鑊熟倒入嘴仔塞得滿滿，食得豪氣又暢快，開心滿足。

紅腸回鍋肉出前一丁，麵條半溶黏黏的，幸好未到粉口質地。

覺得曾經沖過水放涼變軟，煮既時候灼廿多秒就食得喇。

紅腸唔係炸既？未試過烚喎。

竟然肥美彈牙，水潤可口，香噴噴咸香帶肉甜，無得頂﹗估您唔到烚紅腸都可以那麼神級味道。

香辣竹筍少少渣，可以接受。

回鍋肉半肥瘦，鬆化辛辣，掛在麵條上連湯帶麵齊齊食更加美味﹗蛋牛治烘底，最初我叫普通三文治的，但姐姐竟然問不要烘底嗎？我心諗 menu 無寫喎，既然您問，當然要烘底好啦﹗等著等著，我都奇怪為何耐得利害呢？我碗出前一丁都已經食完，可能慢功出細貨掛，可能麵檔要走去處理三文治需更長時間掛，可能烘底慢一點掛。

好采我放假完全唔趕時間，慢慢唔急。

天堂的味道，新鮮度爆燈呀 ﹗剛剛烘起的多士熱辣辣，麵包味香噴噴，鬆脆無比，咬到索索聲，十分悅耳﹗家庭式的咸牛肉炒蛋，真係好有趣﹗大量咸牛肉分佈平均，每一口都食到嫩蛋加厚厚肉碎，蛋香味濃可口多汁，美味絕倫，拍爛手掌，美侖美奐 100 分無得彈﹗乾炒牛河全走，依家食碟乾牛河加杯凍飲只係 $35 蚊邊度搵呀！雖然味道不怎麼出眾非凡，起碼質素合格，味道滿意。

大大碟夠飽肚，本想叫多個淨韮菜餃，最後都係取消計劃較好。

熱騰騰芬芳送上，感受得到的鑊氣微飄，急急夾注試試。

有點散碎不易處理，唯有半夾半畢塞到嘴仔內，河粉黏黏濕濕還有點漿嘴，不會將河粉烚完再炒吧？溶溶地欠乾爽滑溜質感，散發清香濃郁豉油味，撈上蛋花齊炒有創意，有陣陣蛋香點綴。

正統唔會有蛋架喎，星洲炒米或泰式炒河就加蛋炒。

牛肉甜美可口，走完油的焦香，彈彈的肉質，無鬆到腍劈劈滑潺潺，Good 呀﹗早前試過辣椒醬勁難食，發覺轉左新樽新牌子就比多次機會您啦。

味道咸辣正常，撈上豉油河粉蠻不錯，味道比以前有進步，樽口太細好難唧出黎，花上半分鐘先倒出足夠辣椒醬呢。

排骨炒河走蔥走芽菜，Menu 無寫點炒法喎？豉椒、菜遠、豉油皇？好緊張呀 ﹗終於隆重登場，原來跟乾炒牛河一模一樣係豉油皇炒河。

一模一樣半溶黏黏的，還有部份河粉未有炒開，黐埋一注注。

上色未夠平均，好多依然程白色，生老抽調味，味道適中合格。

豉油皇炒河底淋上蠔汁芡汁，撈混再食好味多了﹗上品排骨，原汁原味又鮮甜，豬甜味香濃，肉多骨少，質地彈而有趙口，滿意滿意。

興記, 我諗好多老上水街坊都食過~ 由細細個時係舊墟到後來市政街市3樓,其實真係幾扺食~一碗四寶(即係自選四樣餸) 都係34蚊仲要送野飲, 凍飲不加收, (學生仲要平多2蚊)必食有豬手, 韮菜餃, 牛筋, 雞翼, 魚皮.豬手同牛筋炆得好入味, 又無炆到過哂火, 爽口但又好易咬, 腩汁不時有少少果皮碎, 成件事清香哂.雞翼係佢地招牌餸, 非常之林, 兩條骨一lon就自己退出~(雞翼好快賣哂, 要食早少少去)魚皮佢用帶骨帶魚旗個種酥香魚皮, 已經好少麵家會用哩一種魚皮了~因為好多人都覺得好硬好難咬~但係炸酥了的魚骨+魚皮可以為係另一個層次~

星期日訓到晏晏地，游游閒去街市熟食中心食個麵就啱哂，light light地又夠哂飽肚四寶河，今次選擇左雞翼，炸魚皮，豬手，牛筋。

雞翼是一整隻雞全翼，抵食味道甜甜地，肉質細滑。

炸魚皮有別於一般茶餐廳既炸魚皮，呢度既魚皮係連骨炸的硬脆有咬口，幾特別豬手唔係南乳味，味道同雞翼幾似，不過啲豬毛去唔淨。

牛筋既味道都係同雞翼一樣甜。

所以成碗粉既味道偏甜。

有好多河粉，但質感偏硬和“鞋”，非常參次。

如果純粹是作為填肚既午餐，以31蚊既價錢有四個餸連冷熱飲，連一般車仔麵檔都做唔到呢個價錢，但不能期望食物有好質素

放工後要順道買菜,自不然係熟食中心食午飯.又不想四圍找光時間,興記夠平,又有飲品,最啱窮鬼如我光顧今次要了豬手雲吞米粉,當然豬手其實係豬腳,想食真正豬手既,非要去聯和墟群記,但總不成特意坐車去食碗麵吧!豬手真的炆得又未夠腍,雲吞又包得比較鬆散,講真,比起之前幾次水準真的差很遠,可惜,就算加點辣椒油似乎幫不了多少.希望下次會回復正常.

興記麵食餐單提供港式, 粉麵, 米線等推介美食位於上水區，餐廳座位數未知人均消費約$50以下，結賬可以用現金。

您對於上水餐廳「興記麵食」有何 comment？

興記麵食餐廳詳細資料：

• 興記麵食地址:
  上水石湖墟市政大廈2樓23號舖
  興記麵食, Shop23,2/ F, Shek Wu Hui Municipal Services Building, Sheung Shui
• 興記麵食電話:  
• 興記麵食價錢: $50以下
• 分類: 港式, 粉麵, 米線
• 座位: 未知
• 付款: 現金
• FB專頁: 興記麵食 Facebook

更多興記麵食相關資料:

• 興記麵食分店
• Youtube
• Facebook
• Twitter
• Google