美心大酒樓 上水

美心大酒樓 評價 相片

有日去飲茶,叫o左個斑塊炒麵,個麵脆脆地,唔會太滯,四個人食加幾個點心都夠~另外去酒樓食蘿蔔糕都係美心好~脆脆的,味道較特別~次次去都會食~

17.1.2007 (Wed)嘩！真係唔係好得，點解美心依家變成咁？記得舊年我同屋企人分別都去過上水、沙田美心打邊爐，雖然未算得上十分好，但都O.K.，琴晚去食，真係唔得！我一家3口，叫個鴛鴦鍋($28) –冇咩特別，個沙爹湯底好鬼傑，滾多兩滾已經一pat。

另外，叫9款配料，包括：肥牛($20) –一般醬爆豬肉丸($20) 一般，出時仲未溶雪魚皮餃($18) –好難食，一陣腥味，出時仲未溶雪炸魚皮($18) –好脆，但好碎手打四寶丸($30) –最好味係喱個，有墨魚丸、鯪魚肉、牛丸、豬肉丸油麥菜($13) –好硬，煲好耐先淋，而且唔新鮮米線($13) –可接受牛葉($18) –一大抽，都冇剪細佢，食菜餃($18) –味道O.K.，但出時仲未溶雪另外，醬油茶芥每位$8，連埋加一，都唔駛$260，平就真係好平，但以前都唔係咁差，而且配料選擇比以前少，冇我最鍾意食蟹籽醬爆丸。

我唯一會讚就係佢俾一大盤調味料我自己撈，出面好多酒樓都只提供豉油，其他要另外俾錢。

和簡生,仔仔同Christine & Judy共５人在上水食飯,我們到時六点左右,只有十張枱有客,離開時八時左右,但全滿座, 我們先看中一$338的四人套餐有五個菜;1)帶子大蝦炒蜜豆..好大粒帶子和大蝦,清得來好鮮味.2)鮑鱼菰片扒生菜..似去飲宴食的鮑片生菜.3)义燒拼乳豬..美心义燒一向都好好食,乳豬皮勁脆.4)大石班一條..好大條,又新鮮,蒸得剛剛好.5)竹生海皇渼..多料又好味.另我們再加三個菜6)香橙大蝦球...大蝦皮脆香甜,仔仔最鐘意.7)蒜蓉炒菜芯...標準貨式8)獵味羅米飯..好好食,但比較油.那個$338嘅餐真係好抵,份量又足.而且服務重好好添!

因要去古洞探望一位婆婆, 之後同她出去飲茶, 一行六人在早上十一時許去到, 等位等左半粒鐘到, 由於大家都肚餓, 所以叫左不少點心.牛什 汁濃, 幾入味, 又夠淋, 唔錯蝦米煎腸粉 太大條, 有D粗製濫造, 又唔夠煙勒, 無米香家鄉煎魚餅 皮脆, 鯪魚味是太香, 但我都覺得好食上湯銀針粉 湯呈奶白色, 幾香魚湯, 料少, 但銀針粉幾好, 唔會淋pat pat棉花雞 偏油灼通菜 幾嫩無渣炸豆腐 外脆內嫩節瓜釀蝦膠蝦膠爽彈牙仲有金粟魚肚粥, 銀魚肉片飯, 馬拉糕,...overall都唔錯gei, 可能肚餓啦, hehe~~

美心的點心從未令我失望，近幾次飲茶都有吃她的蒜蓉蝦春卷，長長的幾條春卷放在個壺型樽裡面幾特別，色同味都有，真係幾正；燒賣蛋達仔哩走唔到雞，睇住車仔推黎推去，我比較鐘意哩多過劃紙仔，當然佢地亦有提供點心紙。

另外佢地既油鹽水鳳爪都係我至愛，可以一個人幹掉大半碟，咁就有個非常滿足既下午。

美心大酒樓餐單提供粵菜, 廣東, 點心, 中菜館, 酒樓等推介美食位於上水區，餐廳座位數未知人均消費約$51-100，結賬可以用現金。

您對於上水餐廳「美心大酒樓」有何 comment？

美心大酒樓餐廳詳細資料：

• 美心大酒樓地址:
  上水龍琛路39號上水廣場
  Maxim's Chinese Restaurant, Landmark North,, Sheung Shui
• 美心大酒樓電話:  
• 美心大酒樓價錢: $51-100
• 分類: 粵菜, 廣東, 點心, 中菜館, 酒樓
• 座位: 未知
• 付款: 現金
• FB專頁: 美心大酒樓 Facebook

更多美心大酒樓相關資料:

• 美心大酒樓分店
• Youtube
• Facebook
• Twitter
• Google