永發茶餐廳 上水

永發茶餐廳 評價 相片

今次係我第一次寫食評。

我地一行5人七點三左右到達...已經好多人啊!! 即時拎飛 「飛仔14」...但當時只係嗌到「飛仔3」...心諗:「咪有排等?」但友人話舖頭對面有個樓上單位都係依間舖既~所以應該好快有位...咁我地就繼續等...結果...樓上單位沒有了!!!! 只靠舖入面的5張枱........(仲要有3張係卡位...兩張係大圓枱...=_____=)最後, 九點三終於入座。

其實晚上去食都一定係醉雞煲, 分大同細~我地叫左大既...好香既藥材同酒味啊!!!而且D雞好嫩好滑!!!不得講一句「等兩個鐘係值得咖!!!」D野好抵食，我地5個人叫左一個大雞煲+一份大雞(後加)+生菜+響鈴卷+雜丸+豆卜+蟹柳+鮮牛肉+十幾罐汽水都只不過係五百幾蚊!!!不過要等兩個鐘真係耐左d...一邊食既期間見到好多人買外賣, 細心留意下才發覺原來打邊爐都可以外賣。

下次我諗我會試下買包湯底材料返屋企自己打邊爐會好d。

幫襯左呢間餐廳好多年喇，最鐘意食佢既鮮雞湯米，d雞好新鮮，每次食完都好滿足架^.^。

仲有佢既雲吞麵，配出前一丁食簡直係一流呀！d雲吞係老闆娘自己包架，第二度食唔到架！夜晚好多時都會同老公去食佢既醉雞窩，個窩好香藥材味好足料，食過好多間火窩店都無一間夠佢好食呀！

fd介紹喱到既醉雞鍋唔錯,於是一行7人來試下,八點幾去到已好多人排隊,估唔到咁出名呀多人食,間店好細既,入面得5~6張枱,仲要得2張大枱咋,其他都係細枱來,佢其實仲有另一個地方有位坐的,係對方馬路好似要上樓既,不過我諗都唔係大囉,so即係一定等好耐了,等左差唔多一個鐘到先入到去呀,入到去即叫野食啦,佢只有一樣野食架唧就係醉雞鍋,我地叫左大呀,所有既配料都要,因為太肚餓又凍同太想食了~!醉雞窩,打開又好有藥材味,好正呀,有好足料既紅棗同紀子好保,好奇試左少少湯底,幾甘甜唔錯呀,差唔多來齊晒配料即開餐呀,肥牛~都幾貴,不過必食呀要,雞一隻,幾好味,仲有支竹,芝士腸,雲吞,雜丸,豆卜,金菇,生菜,個湯底好濃之下,食落好入味唔錯呀,出前一丁and烏冬,喱個最唔抵呀要$10~!綜合來講個醉雞鍋真係幾好味,好足料又保身食落好滿足,值得一試呀,個鍋價錢合理,不過佢某部份既配料就偏貴,個場細之下等得好耐,會唔會加大個場呀~~~~~~~~!

醉雞煲~~~~~~~~!!!+肥牛+支竹+雜丸+公仔面+啤酒=十個"正"四個人都係300幾蚊.....底底底底底底底!!!!!!醉雞煲落左超多....熱氣左D!!!不過個公仔面吸曬D湯汁.....超正!!!!另外D茶餐廳menu都OK 正!!推介鮮雞湯飯/米, 乾牛河, 涼瓜牛肉飯

堅係正!!!醉雞煲....細雞..夠嫩...無雪味牛肉...普通貨..30蚊一碟..咁既價錢算ok支竹...係炸完再浸番軟個隻...煮完好入味...幾好...雲吞...無"鹽西"...幾好味!!烏冬公仔面雞煲送既菜一碟個煲真係好夠味...兩杯凍飲...三個人飽晒...埋單都係220蚊但係得一個人做野...雖然佢好做得野...但係都會慢...環境一般...街坊茶餐廳...但係唔算污糟...係廁所差小小...女士無咩必要我都唔建議用...個醉雞煲因為佢落左好多紅棗同龍眼肉...所以最尾會好甜..如果怕太甜既朋友...不妨叫佢落小d...因為佢每個醉雞煲都係即製既...所以有d咩要求都可以出聲先...服務態度都幾好...即使一個人做晒咁多樣野佢都好有禮貌...

永發茶餐廳餐單提供港式, 茶餐廳, 冰室等推介美食位於上水區，餐廳座位數未知人均消費約$50以下，結賬可以用現金，Booking訂位可以電話致電 2671-8168 查詢。

您對於上水餐廳「永發茶餐廳」有何 comment？

永發茶餐廳餐廳詳細資料：

• 永發茶餐廳地址:
  上水新祥街2號地下E3號
  Wing Fat, E3, G/ F,2 San Cheung St, Sheung Shui
• 永發茶餐廳電話: 2671-8168
• 永發茶餐廳價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 永發茶餐廳 Facebook

更多永發茶餐廳相關資料:

• 永發茶餐廳分店
• Youtube
• Facebook
• Twitter
• Google