悅來好棧客家菜館 上水

悅來好棧客家菜館 評價 相片

今日去食飯，伙記阿姐同我講，間o野做埋今個月以後就"休息"‧‧‧雖然佢冇解釋"休息"兩字點解，但我聽得明，所以今次可能會係最後一次幫呢食店寫食評‧‧‧呢篇當回憶錄啦~~1) 平時午餐我都係叫炒飯/炒粉食，因為呢間o野d炸/炒做得好出色，當廚房煮得唔拿西，d炒飯香噴噴，顏色靚，材料配搭好，飯本身夠乾，油量o岩o岩好，飯粒味道均勻，簡直可以列入煮食既教材‧‧‧上面左圖既係某次午餐既咖哩干炒牛河(好抱歉，比我食左幾啖，碟粉比我用筷子搞左幾搞，賣相好核突)，o係原先已經和味既牛河再加上咖哩粉，d咖哩粉少少辣多多香，比起用麵鼓醬撈牛河更美味!!2) 而右圖既係上星期既晚餐，蒜香骨，魚腐湯，腐乳通菜。

i) 炸得唔濕(我最憎d炸o野濕的的淋晒)，脆口，冇過度煎炸，好味，唯一缺點係冇香味傳出黎@@ii) d魚腐質感似豆腐卜，淡味，初食覺得好奇怪，但諗下諗，可能係佢d魚腐自製，冇落到太多魚膠粉/味精iii)阿媽大方地承認，比佢自己炒得好味以上係某次午餐同晚餐既描述最後，我再次向我食左兩年既餐館致敬，天下無不散之筵席，我祝貴館上下身體健康，未來有錦繡前程~!

客家梅菜扣肉用來餸飯最好啦！一直飼開客家菜，上水D朋友就介紹我來呢間客家菜館啦。

但系間店O既位置就麻麻啦，又D難搵囖...來過幾次，呢度D嘢真系好抵飼！份量夠多，又落足料！有住家餸O既感覺，唔似以前去過O既一間鋪頭，明明系客家菜，整到好似西餐O甘 大大碟得DD嘢...言歸正傳，今日上來主要系想講下個客家梅菜扣肉，事關我好中意呢道餸。

正如呢間店O既風格：夠份量！份梅菜扣肉都好夠量。

D扣肉仲好大塊添！最重要O既系D扣肉肥瘦適合，唔會好肥。

飼果時最好系一嘆咬落去 有肥有瘦，無油膩感！呢度D梅菜鹹淡適合，梅菜至緊要既系洗得夠乾淨，無沙。

如果唔系飼落去，個牙齒就要受罪啦...個汁系呢道餸好味與否既關鍵。

呢度個廚師好犀利！唔知系咩用D咩 秘制醬汁定系火候既原因，整到D汁好好味！，我就最中意用來撈飯飼啦。

1) 鮮茄豆卜慒仔魚($80)第一次食慒仔魚，又幾好味喎！2) 王酒煮雞($58)酒味唔夠，多仲好！3) 客家梅菜扣肉($50)梅菜勁正，尤其用撈飯。

4) 椒絲腐乳通菜($30)炒得夠獲氣，唔錯！5) 香煎蠔仔烙($48)煎得夠香脆，好味！喱度，份量夠，價錢合理，地方又舒適，仲唔駛加一，真係好抵食！

見到上面三個食評，就試下啦!!地方都幾難去...因為側近都係車房、士多咁..條街又黑麻麻..感覺不太好..同埋好入!!點知..去到門口...明明星期二，入面都坐得七七八八滿wo~~睇一睇餐牌，都差唔多$60~80一個招牌菜..好..試下!!坐低..勁..張櫈好大張..中國式木櫈...唔錯..叫左"蘿蔔乾豆卜懵仔魚"$80同埋"什菌浸時菜"$38(白菜仔)什菌浸時菜大大碗..什菌(冬菇、磨菇、雞脾菇)同白菜仔都勁多.好夠..不得不提係個湯底好正..好好飲..好夠味...蘿蔔乾豆卜懵仔魚一上...弊!!仲大碟..大過我個頭..味道好正..好有魚味..0的魚啖啖肉..好足料..可能我唔係咁喜歡食淡水魚la...唔緊要..因為佢0的豆卜好有味..蘿蔔乾又好正wo...湯就正la..叫左兩個飯...仲有花生糖水送..花生好有南乳味，糖水唔係太好啦!!!可惜..太飽食唔晒~埋單$135..比左$2 tips..**下次一定要試京都排骨，雖然無叫，隔離台叫左..好香呀..可惜得兩個人食.食唔晒..服務態度唔錯wo~~有傾有講..7點食到8點...8:00居然全場坐滿..!如果要試...我諗閒日黎好啦!!!

同男朋友去過食過幾次,都唔錯,本身我又鍾意食中菜!佢d粥就算叫個細都好大鍋,d野都幾大碟,價錢又ok,所以都好鍾意去........

悅來好棧客家菜館餐單提供客家菜, 中菜館等推介美食位於上水區，餐廳座位數40人均消費約$51-100，結賬可以用現金。

您對於上水餐廳「悅來好棧客家菜館」有何 comment？

悅來好棧客家菜館餐廳詳細資料：

• 悅來好棧客家菜館地址:
  上水新成路105-107號地下
  悅來好棧客家菜館,  
• 悅來好棧客家菜館電話:  
• 悅來好棧客家菜館價錢: $51-100
• 分類: 客家菜, 中菜館
• 座位: 40
• 付款: 現金
• FB專頁: 悅來好棧客家菜館 Facebook

更多悅來好棧客家菜館相關資料:

• 悅來好棧客家菜館分店
• Youtube
• Facebook
• Twitter
• Google