御八築地 上水

御八築地 評價 相片

上水搵壽司舖唔係好多， 又要好食大大件就仲難搵添，依間築地喺上水都好多年， 因為佢款式多所以我都幾鍾意黎呢間日本店海膽壽司幾新鮮， 同埋啲三文魚都大大件 個元貝都好鮮甜刺身拖羅甜蝦拼盤 都是新鮮甜美的。

我個人覺得如果店主可以裝修一下會更加好， 因為畢竟開業好多年。

💡 職員服務態度好好💡 環境衛生都想ok

上水食日本野既餐廳坦白講唔算太多，所以築地可以算係數一數二，不過平時walk in 去我諗至少等3045mins 或以上，所以我今次係叫外賣自取，而且外賣自取仲平啲添😂😂不過不得不推介佢個火龍卷，差唔多次次去食我都必叫，因為入面真係好脆，都算係我食過咁多間日本餐廳做火龍卷做得最好味既一間，至於其他野，例如刺身，蟹籽青瓜沙律個啲就正常貨色拉。

整體黎講都野食方便都中規中矩，有時都會有啲驚喜，價錢就合理，出菜時間都快既，由打電話到叫我地去拎都係40mins 左右，service 都好好，又有禮貌👍

今日又黎上水食日本菜 當然去返我嘅老地方築地啦 我就已經食過無數次但係啲朋友呢未食過所以就嚟食啦😊😊😊呢間舖頭開1145hrs 我哋三個就最早去到所以就唔需要等位✌🏻之前都講過呢間舖頭細細地 但係食物質素就非常之高 加上lunch時間價錢好優惠先俾大家睇吓個餐牌先咁我哋一共叫咗三樣嘢食炸蝦天婦羅拉麵 HK$54 拉麵都係主要豬骨湯底 香濃 唔油不過天婦羅蝦得兩件 如果多番少少就仲抵食蒜香肥牛拉麵 HK$54 佢個拉麵湯底都係豬骨 啲肥牛就好多基本上成碗都係汁燒鰻魚飯 HK$57 鰻魚就有半條左右 咬落去都好新鮮好似細咗一嚿嚿俾我 所以食落去都好方便同埋每一個餐都會跟一啲小食嘅或者係麵豉湯如果唔想夜晚食咁貴可以試吓晏晝

玉子壽司舊玉子凍冰冰，衰過食雪條，不知所謂！店舖環境陰暗擠迫，豚肉拉麵啲豬肉唔好食。

三文魚刺身唔新鮮，剩係得火龍卷一樣食得下，其他食物可以不理！仲要收加一服務費，離晒大譜！垃L圾！

<<Daily 豬仔尋食記🐖>>作為北區友，由細到大都會同屋企人去上水築地食嘢，可以話能夠開到10幾年有佢嘅原因，刺身個啲佢就唔係幾岀色嫁喇，但啲特別卷就真係值得試下，所以今次好想同大家推介一下幾款築地必食嘅嘢！首先，必叫嘅就一定係佢嘅火龍卷，差唔多每枱都會叫一碟！顧名思義其實即係炸蝦卷 ，不過佢呢個會係上面加大量嘅蟹籽，滿！到！瀉！🤭次次都會將剩左嘅蟹子加埋入其他飯到！好正！中間再夾住一條炸得十分之香脆嘅大蝦 🍤🍤就好似一條火龍咁！🤣🤣即係可以話佢係築地嘅招牌菜，次次黎到會二話不說點左先，每都覺得好好味🥳🥳😋第二樣係佢嘅月見牛肉石頭鍋飯 雖然我唔知咩叫月見 但係佢呢個石頭鍋飯 足料 肉多飯多汁多 （唔鍾意太鹹嘅朋友可以叫佢少汁）重點係佢仲有飯焦🤣小小飯焦真係好香口，加上呢個係普通嘅牛肉飯嘅高級版本，成個飯都好豐富🤪😋絕對值得一試再試！最後我會推薦大家試一試佢嘅香芒蟹肉pizza ，🍕呢個真係聽到都覺得好特別，唔係度度到有，就咁聽個名可能你會覺得幾樣野未必好夾，但係我同你講佢係最好食嘅Pizza ，係好意想不到咁配搭！芒果嘅酸甜 配上🧀芝士嘅濃郁口感 然後佢喺餅底加啲特製嘅醬料，有小小wasabi 味！簡直令到呢個Pizza升華左，就係神一般嘅境界！🤣🤣🤣🤣🥰因為真係好中意 好推薦，所用詞都誇張左啲！但真係可以試下！🥳而其他嘢其實都幾值得試下！但如果aim食靚刺身，自己就唔係幾推薦🤪同埋拉麵都麻麻！

御八築地餐單提供日本菜, 壽司, 刺身等推介美食位於上水區，餐廳座位數58人均消費約$50以下，結賬可以用Visa,Master,AlipayHK,支付寶,現金，Booking訂位可以電話致電 26796128 查詢。

您對於上水餐廳「御八築地」有何 comment？

御八築地餐廳詳細資料：

• 御八築地地址:
  上水符興街10號A座地下
  Mihachi Tsukiji, G/ F., Block A, No.10, Fu Hing St., Shek Wu Hui, Sheung Shui, N. T., Sheung Shui
• 御八築地電話: 26796128
• 御八築地價錢: $50以下
• 分類: 日本菜, 壽司, 刺身
• 座位: 58
• 付款: Visa,Master,AlipayHK,支付寶,現金
• FB專頁: 御八築地 Facebook

更多御八築地相關資料:

• 御八築地分店
• Youtube
• Facebook
• Twitter
• Google