Balencia Bakery & Cafe 上水

Balencia Bakery & Cafe 評價 相片

食過兩次，今次星期日三點鐘去，坐滿人，我同家人嗌左兩個餐，質素保持到，本身我個沙律唔知點解冇左粒芝士，叫咗個侍應，佢都補返一粒芝士俾我，btw因為之前食過，嗰隻芝士唔salty，淡香嘅上水好難搵到呢類型餐廳，最鍾意佢個餐配沙律，再加個牛角包，成件事健康左😊用埋着數app仲有半價，性價比超高

職員態度十分之有問題，冇禮貌之餘仲要黑面。

夜晚啲食物係主餐牌要加錢先有野飲，加$12要左橙汁同凍檸茶。

檸茶係正常滿一個玻璃杯嘅，但杯橙汁真係嚇死人，得半杯都唔知有冇，O左咀，唔講以為係人地飲淨!! 問佢點解得半杯，個侍應即刻黑面加反白眼咁拎走杯野，後尾另一個貌似高級啲嘅拎返黎話呢個係正常份量😯 下，真係冇expect過加成$12得半杯橙汁，拎出黎俾人都寒酸啦!!! 嬲到叫佢退話唔要，真係後悔冇影低比大家睇。

一係你寫明份量係幾多，唔係你俾一滴都得架啦🙄

諗住係A1門下的一間餐廳 會有質素保證。

點知中伏中到應一應！見到餐牌有寫可以+16蚊加杯梳打特飲，個侍應竟然話冇得咁加，加的話要比正價，聽到咁當然唔加算數啦，就簡簡單單叫杯橙汁黎算啦，點知原來佢地餐廳的標準係得半杯，話所有都係咁。

咁一氣之下我都取消埋橙汁的order。

食食下又聽到隔離枱落單，點知聽到佢地有得加16蚊order特飲，聽到當然立即反映，店長表示係新手侍應店員唔識，我就得啖笑，果斷將呢間餐廳黑名單。

呢間Balencia Bakery & Cafe係上水廣場入面,係火車站行過黎5分鐘一定到,如果我果日唔係趕住入古洞,我一定寧願行入D 去熟食中心食我都唔會黎。

睇呢間野門面光鮮, 又坐落係新鴻基D 商場入面, 諗住無死啦,先講個湯, 冬蔭公湯, 飲完真係無陰公,個湯上高果層油同脂肪浮下浮下, 熱又唔熱, 油淋淋。

好, 印尼炒飯到一筆第一匙飯就知奶野, 個飯只係得個「暖」, 我知西式餐廳無可能食到有鑊氣的炒鈑,但我最憎D飯熱都唔熱,我真係好想知究竟個飯整定左幾耐呢?78蚊一個午市, 唔係平, 但當我落單果刻, 你攞入去微波爐到叮, 我其實需唔需要比78蚊去食D 唔係即刻煮既飯呢?Btw, 餐廳分店開係屯門開係上水, 當然唔會志在香港人的感受,呢餐我食完一肚火,希望此食評作為警示, 唔好比佢外在而吸引到。

真正美食唔會係到搵到。

好少黎上水，因為貪方便，就去左上水廣場呢間食晚餐，諗住望落去都正正常常，又唔洗等位，點知伏到極點！印尼炒飯$78連加一$85.8，無飲品無湯剩係碟飯！一上枱成碟野望落已經好迷你迷你唔緊要，好食咪得，最慘又難食又小家細碟兩隻蝦無咩味但食落都爽口串燒無咩肉好似「損」緊支簽咁沙律無醬咩味都無最好食係塊蝦片，夠脆又有蝦片味！最精彩就係個飯，真係食到想講粗口炒飯入面本身無餸，而個飯完全唔知嘜野味再望下張相，炒飯！竟然可以炒到濕笠笠、一撻撻唔好以為係我撈左汁影，呢匙係我係飯中間筆出黎！！佢個炒飯係由內到外都咁爛飯！！！廚房真係好有問題，唔該公司管理層正視下，搵人放蛇落去試食下，唔好再浪費食物！

Balencia Bakery & Cafe餐單提供西式, 麵包店, 咖啡店等推介美食位於上水區，餐廳座位數60人均消費約$51-100，結賬可以用Visa,Master,現金,AE,銀聯。

您對於上水餐廳「Balencia Bakery & Cafe」有何 comment？

Balencia Bakery & Cafe餐廳詳細資料：

• Balencia Bakery & Cafe地址:
  上水龍琛路39號上水廣場3樓356號舖
  Balencia Bakery & Cafe, Shop356,3/ F, Landmark North,39 Lung Sum Avenue, Sheung Shui
• Balencia Bakery & Cafe電話:  
• Balencia Bakery & Cafe價錢: $51-100
• 分類: 西式, 麵包店, 咖啡店
• 座位: 60
• 付款: Visa,Master,現金,AE,銀聯
• FB專頁: Balencia Bakery & Cafe Facebook

更多Balencia Bakery & Cafe相關資料:

• Balencia Bakery & Cafe分店
• Youtube
• Facebook
• Twitter
• Google