Roundtable Cafe 銅鑼灣

Roundtable Cafe 評價 相片

我有位朋友帶我到此cafe食西式素菜,令我意想不到的是這位廚帥想的菜式好特別好fusion,因我在外面食大多是中式頭盤越式芒果卷 個汁好清新好味 湯是黑松露泡沫蕃茄湯 好濃蕃茄味 主菜 露筍壽司'牛肝菌意大利麵 二個主菜味道都幾好味 甜品無花果批伴雪糕 因為我第一次食新鮮無花果都幾得意,今晚的晚餐非常滿意我下次一定再來

環境普通只有一張大sofa其餘是硬座位有board games$30蛋糕下午茶餐蛋糕只有半隻手掌大荔枝紅茶沒有味道溝了水物非所值!

這間本來由Roundtable創立的樓上cafe,月前已經轉了手.年前在牛棚書展在Roundtable櫃位買書,送上$20的現金卷,向店員展示,店員看罷不明所以我地之前轉左手喇.)看看書架,沒有茶杯月刊,甚至其他Roundtable出版的著作也沒有.撇除其背景,論環境也不錯.有電腦可供上網,同時亦有些遊戲如UNO等等供應,適合三五知己聯誼一番.一個人亦有一個人的玩法,坐在沙發上看書,打PSP,又一個懶洋洋的下午.飲品同小食也不貴,但有個最低消費,淨飲不能,唯有再點些小食下肚,來一杯歐陸風情,有點改錯名,應該改為亞熱帶風情才對.炸薯角即是厚切薯仔,啖啖肉,炸得很香口.如果送酒就一流.邊飲邊吃邊打PSP,不知不覺間,在沙發上睡著了.....

今晚同d friend 0係呢度cafe 慶祝生日，基本上食乜都開心，點都正格0勒，但客觀d 睇都係好值得介紹同埋下次再去的~要注意的係以下comment 係由於今日係星期一，所以得兩三檯客。

環境方面好清幽，認同樓下所講有家的感覺，簡簡單單得黎會有d 畫，又夠spacious，加上一般客人都唔係發癲勁嘈勁嘈0個種，所以傾計都唔會太比其他人嘈到。

我地由7點玩到10 點幾11 點，可能無乜其他客，所以其實都唔係因為佢地趕而走ge，甚至我地霸多一張大檯用黎玩都ok ge。

服務方面可能樓上cafe 一般都係幾個人only，所以有時會唔見人ge，但有需要叫人都好helpful ge，比如話我地比book左的時間早左差唔多成個鐘到都唔介意，真係齋坐勁耐亦無keke拮拮，乜野都好flexible。

見我地未齊人悶悶地仲反為教我地玩uno tim ! 有問必答，介紹食物亦好仔細。

有電視睇亦有歌聽，想聽乜野歌可以自己揀碟都無問題! 玩具方面就唔算話好多，但係都ok 夠玩ge，pictionary/uno/生命之旅呢d 例牌走唔甩law。

都講講d 野食:1) 飲料: 幾好味，但只限果汁類, 個個飲果汁的friend 都話好味！介紹係個蕉+蘋果同埋桃+蘋果。

至於我自己order 的iced latte 都好香咖啡味，但味覺上就勁淡，落曬糖水都好似無乜味，除非真係唔arm 果汁，否則最好唔好揀。

2) 餐湯: 有相睇，是日係南瓜湯，要注意係得一隻湯，咁唔好彩唔arm 飲都無得揀，但呢個湯確係幾好味，可以話係全餐中最好味0個樣野tim。

配以即焗蒜茸包，熱辣辣，又香脆，不過有大塊細塊睇你彩數，同埋就係要等。

3) main course: 圖中的係芝士雞卷意大利粉，意粉係angel's hair，亦唔係淡茂茂0個隻，食得下，至於個雞卷配以巴黎牛肉汁，用雞扒包住個火腿再入面就釀cheese，脹卜卜咁都幾得意，切開有時會有芝士流出黎(有d 無得流ge，但無損其味道)，味道當然得la ! 唔夠汁想要多d 亦都可以開聲話要。

至於份量方面，肯定夠飽，呢個只係我d friend 的comment only(大部份為女孩子)，我身為男仔可以話你知係唔會夠飽！4) 蛋糕: 問題係少少貴，跟餐好似加廿蚊左右la，我食的朱古力蛋糕個個都話太甜，越食越甜，我自問係食慣甜野ge 人先會覺得正。

tiramisu 就相對無咁甜，一般人應該比較arm 食d。

仲有想提提人家佢係無原個蛋糕提供ge ，如果想celebrate 生日最好自己0係樓下東海堂買定la (但唔知收唔收切餅費!)最後點解人均消費咁高? 主要只係因為我地要請埋生日0個個，銅鑼灣又近time square，攪到百幾蚊都唔係真係好貴

23 April 2007 (Mon) Birthday Dinner (10)又係上網摷下有咩食，見到呢間上樓cafe評語不錯，即管上去試下，入到去冇乜人，只係見到間房仔有人，同另一張枱仔有人，但全部都係好似股東的一份子或老細朋友，我都唔知，所以真正係食客既人就只有我哋兩人！朋友一坐低就覺得有家的感覺，佢覺得啲sofa好舒服，如果佢可以開埋部電視機就更好啦．．．可惜！我哋叫咗兩個$78既set dinner，set dinner 包一個小食，main course，甜品同$30蚊以下既飲品！小食我同朋友一個揀咗黑椒雞翼，另一個揀咗煙肉薯蓉：雞翼size唔大，亦算適中，味道唔錯，煙肉薯蓉比想像中好味，有少少粟米喺入面，再加上少少芝士味同煙肉味，係好味道之選！main course我哋揀咗茄汁豬扒意粉同埋焗吞拿魚長通粉，豬扒意唔錯，豬扒係切埋上，唔駛我哋自己用刀切，夠體貼，茄味剛剛好，唔太濃唔太淡；而長通粉亦不俗，有粟米伴碟，唔咸又唔太淡，我都幾鍾意呢度整嘢食既味道，剛剛好，好多樓上cafe有時會煮得太咸！而甜品亦非常好味道，應該係雪糕泡芙，朋友話pizza hut 都有得食，不過佢都覺得呢度既好味啲，佢話pizza hut 出面嗰層泡芙就鬆散啲，雪糕亦細粒啲，但係呢度既出面層泡芙就實啲，但雪糕就大粒好多！而嘢飲方面，$30以下既選擇都有好多：朋友就揀咗黑森林(朱古力+香蕉），我嗰杯我就唔記得個名，總之係西柚汁加奇異果汁，朋友嗰杯幾好飲，我嗰杯就麻麻，不過都唔係飲唔到既！總括：我哋坐咗成兩個幾鐘，又冇被趕或’蘇’擾，sofa又舒服，食物亦算中上，真係一處非常好聚腳之地！埋單又唔駛加一！

Roundtable Cafe餐單提供西式, 樓上cafe等推介美食位於銅鑼灣區，餐廳座位數未知人均消費約$50以下，結賬可以用現金。

您對於銅鑼灣餐廳「Roundtable Cafe」有何 comment？

Roundtable Cafe餐廳詳細資料：

• Roundtable Cafe地址:
  銅鑼灣波斯富街83號波斯富大廈1樓F室
  Roundtable Cafe, Rm F,1/ F, Percival Building,83 Percival Street,, Causeway Bay
• Roundtable Cafe電話:  
• Roundtable Cafe價錢: $50以下
• 分類: 西式, 樓上cafe
• 座位: 未知
• 付款: 現金
• FB專頁: Roundtable Cafe Facebook

更多Roundtable Cafe相關資料:

• Roundtable Cafe分店
• Youtube
• Facebook
• Twitter
• Google