Kori Kebab 西貢

Kori Kebab 評價 相片

早兩日同學生日, 4個人"放學"後打的落西貢食野, 壽星仔話想試印度菜, 就去左呢度。

睇左一大輪先落order, 因為都有唔少choice, 首先叫個kebab, 食印度野必叫既, 因為我唔食羊, 其他人迫住就我要雞肉, 另有salad或者薯條, 因為我order左greek salad所以就要薯條, 另外仲order左個頭盤羊肉。

首先到既係salad, 細細份不過幾fresh, 我鍾意d"中東"salad有埋olive同cheese粒~ 跟salad既烤雞都唔錯, 雖然"鞋"左少少, 不過好"中東"味haha, 另外仲有3隻醬比我地點, 好好味ga。

跟住到羊肉, 份量都係少, 賣相唔錯, 我唔食, 同學comment就唔錯。

到個kebab, 大份, 切開4舊岩岩好人人有份, 好食, 同學話如果係羊會仲好食。

之後再加單, 食印度野唔少得咖哩, 我地叫左濃味咖哩豬肉同埋咖哩魚, 本來同學想試牛, 又係就我... 佢d咖哩細細碗, 有個火爐仔烘住唔會凍幾好, 不過豬肉(其實係豬扒)唔得, 勁"鞋", 個咖哩就好好味, 香料岩岩好, 因為有好多人都怕香料over左, 咖哩魚既魚就ok, 一般急凍魚柳者, 個咖哩當然就得啦。

當然我地就叫左naan點咖哩, 要左一個原味一個香蒜, 之後再加個烤鬆餅, 同學話兩個naan有d硬唔夠鬆, 個"烤"餅就岩岩炸起好軟好好味。

overall都唔差, 雖然d野望落好似好細, 不過食下食下個個都好飽! 埋單$411, 3個人比錢每人$140!~

復活節假期,同左班舊同學食飯, 而西貢一般出名食海鮮,但係我們行了一圈又無咩興趣, 其間竟然比我地發現了一間"kori kebab"印度中東餐廳, 我地即管一試.原來menu都好多野食, 當我地唸梗食咩同點叫之際,靓女老板娘親自介紹, appretizer必選拼盤, 因為可以任選4款, 當中的雞塊同洋蔥圈好好味.其次, 我地叫了Greek salad, 好fresh又好味,所配搭的烤雞(用特別爐烤製)十分精彩, 必定一試! 印度菜當然不少得咖哩, 這裡有多款選擇,size細細,但味道十分濃郁,我地8個人,叫了3個都夠,而我最愛"印度傳統咖哩", 味道一流! 食咖哩當然要配薄餅,林林總總,任君選擇。

其實大家可以任意選一款,都唔會感到失望。

另外,本人也極力推介卡巴,餐廳用之為主打菜,當然有番咁上下,好味!環境,服務一流,老板娘又靓女!香港好少有呢類餐廳,而且印度中東菜大家又少接觸,值得推介!仲有呀,我地8個人食,都係每人$80.尚算ok,起碼抵過食海鮮,哈哈!!

尋日去左西貢，無乜諗過食乜，行到普通街，見到一列餐廳，揀左一陣，決定入呢間好有情調o既印度菜館。

一入門口見到兩大條肉柱o係度轉下轉下，已經引到我同老婆垂涎三尺。

於是order o左個卡巴同埋一份咖喱雞，再加多一份薄餅(naan)。

卡巴先上，勁好味，羊肉味濃而多汁，伴碟的沙律亦好新鮮，一人唻o既話叫一客已經夠飽。

至於咖喱雞，好特別，有個火「慶」住，保持熱辣辣。

咖喱味香濃，雞肉彈牙。

後尾為o左唔好「哂」o的汁，叫多o左另一份薄餅(roti)唻食。

此外，意猶未盡之外，再叫o左份咖喱角。

整體唻講，食物味美，但因即叫即製，等候時間較長。

如果咖喱角無咁油，薄餅厚少少，咁就very good啦！

一大班朋友去試下新開既中東食店, 特色咖喱角好好味!! 不油膩亦好香. 沙律好新鮮, 其中羊肉卡巴最好味!! 又多汁又大份, 抵食!!食中東野梗係要食咖喱啦, 咖喱都有分好多種, 雞肉好林好入味, 加餅一齊食先正!!小朋友或帶寵物都岩去, 門口有個小公園可以走種, 亦可以坐於室外. 小朋友在室內也可以有免費顏色筆有檯面畫畫!! 有機會一定會再去~~^_^

Kori Kebab餐單提供印度菜等推介美食位於西貢區，餐廳座位數未知人均消費約$50以下，結賬可以用Visa,Master,現金。

您對於西貢餐廳「Kori Kebab」有何 comment？

Kori Kebab餐廳詳細資料：

• Kori Kebab地址:
  西貢普通道64號
  Kori Kebab,  
• Kori Kebab電話:  
• Kori Kebab價錢: $50以下
• 分類: 印度菜
• 座位: 未知
• 付款: Visa,Master,現金
• FB專頁: Kori Kebab Facebook

更多Kori Kebab相關資料:

• Kori Kebab分店
• Youtube
• Facebook
• Twitter
• Google