韓嘢 葵涌

韓嘢 評價 相片

今次行葵廣，就試試呢間韓嘢佢地主打韓國小食。

今次叫咗個芝士五花腩卷。

佢仲可以選上面個汁係泡菜汁定燒汁，我當然選咗泡菜汁啦！食韓國野點可以唔食泡菜汁我叫完後大約等咗5分鐘期間，我係門面果到望住個店員整好似好pro咁 用哂火槍燒上面d芝士同肉我諗應該好好食！然後燒完就幫我切開4份！終於可以食了，一食的確個五花肉同芝士係好味，而且佢個汁都唔錯唔會好辣但又有泡菜味，但最差係佢中間d菜有陣味就好似以前小學午飯食果d飯盒果d菜因為焗太耐而有嘅怪味！搞到成件事錯哂雖然放菜係比較健康但都要整得好少少起碼冇果種味。

我個人唔太接受果種味！另外就係佢包得唔太好所以一吉就散哂食到好狠狽今次真係有少少失望

行過見到呢間<韓嘢>好似幾好食，但係又無客人，決定試一試，幸好沒有中伏。

餐牌選擇都幾多，仲提供套餐，等你一次試多幾款。

我只有一個人，最後選擇了A餐，牛肉卷配蟹籽沙律，起初有擔心自己食唔晒，食完卻發現仲想食！你亦可以選擇炸薯格或冷麵。

我自己鐘意食牛，所以選牛肉卷，但亦想試五花腩卷。

韓牛因爲好貴，所以韓國人會食豬肉，而且煮得好食過牛，唔知呢間牛好食定豬好食呢？下次同fd黎試下豬先！因為即叫即整，都要等一陣，好彩果時無人。

牛肉卷。

好好吃，原來牛肉卷係肥牛係外面，包住一d卷心菜，泡菜，再加一條韓式年糕。

頭先等待既時間，見到呀姨用火槍係我舊牛肉卷度燒呀燒，當時無維意，但食既時候就覺得佢燒得好燒得妙！牛肉食落有一陣火炙的味道，十分香口，配上醬汁，勁好食。

喜歡泡菜的味道，牛同菜比例剛好，包心菜剛好中和一下食肉既邪惡。

5分滿分我俾10分呀！好好好食。

蟹籽沙律。

份量都幾多，滿滿既蟹籽鋪係青瓜絲和蟹柳上，蟹柳太少，青瓜絲本身沒有味，靠蟹柳和沙律醬的味道，所以蟹柳如果多d會更好。

一邊食熱辣辣牛肉卷，一邊食涼涼的沙律，一冷一熱，減低食肉既油膩感，非常好既配搭。

去咗葵廣掃街咁多次，今次係我第一次幫襯呢一間鋪頭。

我叫咗一個套餐，＄40包含一份芝士牛肉卷配沙律冷麵先講份量，＄40比到呢個份量食客，都算係咁，我拎上手都覺得有返咁上下重量，淨係肉眼睇到，已經覺得食一份係會飽嘅但味道方面就係感到失望。

冷麵嘅沙律醬冇同冷麵撈埋一齊，（可能係店主想比自由選擇食客要點幾多沙律醬？）咁所以我第一啖食嘅冷麵係有過多嘅沙律醬，會覺得有少少heavy。

對於我個人嚟講，我會覺得喺葵廣掃街係希望食到快靚正嘅食物。

你都知道葵廣係好多人好迫，所以我自己係冇諗到店家冇將沙律醬撈埋一齊，撈埋嘅話就會比較方便我呢啲心急嘅食客，如果每一啖都係食到沾上蟹子沙律醬嘅冷麵你話幾好呢。

另外講下份芝士泡菜牛肉卷，坦白講係食唔到芝士味嘅而且d菜都係無味不過會好欣賞佢呢一份牛肉卷睇得出係一份有心機製作嘅手工小食。

簿簿嘅牛肉包住菜，而一層一層嘅菜包住一條小年糕，老闆呢方面嘅心思要欣賞。

韓嘢餐單提供韓國菜, 小食店等推介美食位於葵涌區，餐廳座位數未知人均消費約$50以下，結賬可以用現金，Booking訂位可以電話致電 57021627 查詢。

您對於葵涌餐廳「韓嘢」有何 comment？

韓嘢餐廳詳細資料：

• 韓嘢地址:
  葵涌葵富路7號葵涌廣場2樓C07A號舖
  韓嘢, Shop C07 A,2/ F, Kwai Chung Plaza,7 Kwai Foo Road, Kwai Chung
• 韓嘢電話: 57021627
• 韓嘢價錢: $50以下
• 分類: 韓國菜, 小食店
• 座位: 未知
• 付款: 現金
• FB專頁: 韓嘢 Facebook

更多韓嘢相關資料:

• 韓嘢分店
• Youtube
• Facebook
• Twitter
• Google