潮味館 粉嶺

潮味館 評價 相片

同老婆一齊病到死下死下,睇完醫生諗住買兩個湯飯返家一齊食.可能唔太舒服,等的時間都好似特別耐,終於等到外賣打好包,點知返到家打開包裝膠袋一睇.上面個湯飯竟然壓咗落去下面個湯飯入面!!(如圖所示)細心一看,原來係中間片紙皮太薄,所以唔夠力打返落去潮味館(即 新麵園)要求剛才幫我包裝的店員代我更換.當時其中一位就已經答應了我,送一個到來我家,更換的.等了10分鐘,才打回來,老闆說不能送上門更換,1:唔知係咪你中途自己唔小心搞到咁!2.你的外賣是自取的,就算有事都要自取更換.3.不是要同你講道理,而是老闆說了就是這樣,不能更換.要換就自己拿回來檢驗過先!!!我沒有跟她爭論,只問了,我是戴著口罩來的,真的是病了,還剛看過醫生,你們能否方便一次呢,我可以給你們補差價,不能呀,你一定要自己拿回來!!結論今時今日仲可以有咁樣的服務,真是難得,一個病人去幫襯你,你包裝果個包得咁差,搞到出咗事,不但無自我檢討,仲要推卸責任,話人地自己唔小心,仲有服務員(應該是落單果個姐姐)D服務態度真係得,句句都有骨咁樣,搵人幫襯都難呀!!!!

為慶祝老爺生日兼就老人家方便，我地選左樓下呢間有潮州菜食既餐廳當日叫左６餸１湯１粥，有蠔餅，鵝片，鹵水拼盤，淨魚旦，豬紅九菜，醬炒鱔球，咸菜豬肚湯，蠔仔肉碎粥蠔餅（＄４０）－－超好味，蠔仔夠多，餅又夠大塊，應該都係半煎炸，食到薯粉既煙ＵＮ鵝片（＄７０）－－夠入味，份量又夠多鹵水拼盤（＄６０）－－材料夠多，有紅腸，豬肚，豬耳，墨魚，豆付，豬脷，腩肉淨魚旦（＄１８）－－新鮮好味，唔算彈牙，但好有魚既鮮味，加埋餐廳既辣椒油食，好辣但好配豬紅九菜（＄１０／＄２０）－－有大細之分，叫左個大，味道ＯＫ，份量不少醬炒鱔球（＄４８）－－鱔球彈牙，夾住伴菜既酸菜同炸葉（唔知係咪叫川椒葉），味道幾得意咸菜豬肚湯（約＄５０）－－可能咸菜落多左，咸左Ｄ，不過材料同份量都夠多蠔仔肉碎粥（約＄４５）－－好好味，蠔仔夠多又新鮮餐廳仲有好多潮式小菜可以叫，只可惜眼闊肚窄，唯有下次去食時再叫ＬＵ叫埋白飯６個人埋單總共＄４７０，呢餐算抵食又好食，值得繼續去幫襯

以往多數食魚蛋河,今次諗住試下牛什,點知咁就出事.一如以往,在下午茶時段光顧,亦試試牛什米.牛什鹵得夠入味,而且份量亦不少,肚,腸,膀,肺大致上都有,米粉亦算滑溜,唯一可惜的事,竟然在進食牛腸時,發覺味道有點不對,有一朕酸味湧出來,立即吐在檯上.由於差不多吃了大半碗粉,也不好意思去換,下次還是食魚蛋粉好了.

1) 滷水豬耳拼墨魚($48)好大碟喎！豬耳夠爽，墨魚一都唔韌2) 家鄉蠔烙($38)都o.k.喎！都有好多蠔，又唔會太油！3) 蠔仔肉碎粥一窩($38)亦都好大窩，好味，抵食！4) 豆腐炆班塊($45)一般喇！冇咩特別。

喱度地方都算大，坐得舒服，侍應做快手快腳。

潮味館餐單提供潮州菜等推介美食位於粉嶺區，餐廳座位數未知人均消費約$50以下，結賬可以用現金。

您對於粉嶺餐廳「潮味館」有何 comment？

潮味館餐廳詳細資料：

• 潮味館地址:
  粉嶺華心邨惠食廣場地下F01店
  潮味館,  
• 潮味館電話:  
• 潮味館價錢: $50以下
• 分類: 潮州菜
• 座位: 未知
• 付款: 現金
• FB專頁: 潮味館 Facebook

更多潮味館相關資料:

• 潮味館分店
• Youtube
• Facebook
• Twitter
• Google