多味美 粉嶺

多味美 評價 相片

聯和墟食店不少，小食、套餐、火鍋都有。

下午茶時間走累了，有點餓，在附近看到此店的餐牌裏的茶餐有飯和粉麵，與朋友分別點了豬扒沙爹牛肉公仔麵配熱檸茶，及星州炒米配熱菜蜜。

其實都是一般茶餐廳的套餐，但未必每所食店都會同時有小食、飯麵粉、湯麵的套餐，這裏套餐的選擇很多，每種套餐裏都可以選擇不同的食物配拾。

我就選了湯麵餐，揀了豬扒和沙爹牛肉，兩者都有水準，豬扒煎得香軟，沙爹牛肉味足夠濃。

而星州炒米香辣，汁料豐富，麵條柔軟。

典型之選的檸茶和菜蜜夠濃，不過酸或甜。

有機會可試其他的。

今日約左粉絲喺粉岭聯和墟下午茶,行左几間餐廳都未諗定去邊間突然眼前一亮發現間新野,於是埋去望下~見佢門面D相都几吸引,所以決定一試打開門就見佢好用左好創眼的色彩,紅紅橙橙咁感覺光鮮~令人感到好開心~入面枱櫈擺得好密,如坐滿人的話就連想行出行入都困難~下午茶時段冇乜客人,我地左攝友攝就去左埋邊一個卡位,我身為米之連人,坐下有點辛苦係正常,但我的粉絲排骨的身型都坐得感覺有點唔自然,可想那位置真係做得太窄了~睇過餐牌,款式好似好多,但睇真D又唔係好多~大部份係茶餐廳出品,咖啡奶茶西多士應有盡有~但入到去又聞唔到煲奶茶的味道~有點失色~粉絲話要試佢的底子~意思係底子做得唔好, 其他都唔洗諗~而我就點佢最推介的菜式,如推介食品都做得唔好, 其他都唔洗諗~我地諗左好一陣~終於有定案!!底子係餐肉牛肉湯麵加熱奶茶餐廳推介的菜式係醉鷄湯麵配熱檸水餐肉牛肉湯麵 – 薄薄一片的餐肉同大約十小片的牛肉片浸在大大碗的湯麵中.睇落個碗好大~D湯好多,D麵大約係一個公仔麵的份量,顯得餐肉同牛肉就變得好細小~麵餅食落唔係食開的一丁麵,餐肉冇煎過就咁放入D麵到~牛肉片就好似出面生滾粥的牛肉咁味道~湯底就似係濃湯寶D味~嗯…失望~熱奶茶 – 缺乏茶餐廳絲襪奶茶的質感~有點失望醉鷄湯麵 – 服務員熱烈推介的出品~聲稱好多客人都會點呢味菜~!上枱時份醉鷄己同相片有一段出入~又少又細件又柴身,入口係好有酒味,可能真係浸左好耐…但係肉質就好鞋口~連我呢D冇乜要求的’’鷄精’’都覺得一D都唔好食~麵係用上海幼麵,落單時我己講左係要少麵,但上枱時仍然覺得有點OVER~唔知係佢原身會係更大份量定係服務員當我冇講過呢…上海幼麵入口感覺超淋~冇一條條的感覺,我唔知呢D係咪原有的質感,總之我覺得麻麻地~熱檸水 – 一杯大約200CC的熱水加上一整個份量的檸檬(足5片),會太過份了嗎?酸到不能接受~!今日又唔記得帶环保樽,所以冇得拎走~唉…我地傾下講下期間都有少數客人入黎幫襯~服務員姐姐亦好勤地幫我地抺枱雖然係咁~但仍常有小小蠅子喺我地眼前飛黎飛去~有見及此~我地都係盡快離開現場~唔好阻人做生意了~店舖有蚊型洗手間供應,要去的話會經過廚房重要,途中迫細濕窄…過完窄巷入到單人洗手間,要則身先可以閂門,所以米之連人可以的話都係忍耐一下,搵另一個更好的解手吧~!總括黎講..算係見識過佢的出品~可見的未來相信唔會再見,真心希望佢地他日可以有所進步

多味美餐單提供港式, 滬菜, 上海, 茶餐廳, 冰室等推介美食位於粉嶺區，餐廳座位數未知人均消費約$50以下，結賬可以用現金。

您對於粉嶺餐廳「多味美」有何 comment？

多味美餐廳詳細資料：

• 多味美地址:
  粉嶺聯和墟聯昌街11號地舖
  DO RE ME, Shop11, G/ F, Luen Cheong Street, Luen Wo Hui, Fanling
• 多味美電話:  
• 多味美價錢: $50以下
• 分類: 港式, 滬菜, 上海, 茶餐廳, 冰室
• 座位: 未知
• 付款: 現金
• FB專頁: 多味美 Facebook

更多多味美相關資料:

• 多味美分店
• Youtube
• Facebook
• Twitter
• Google