九宵 灣仔

九宵 評價 相片

肉類：醃肉不夠入味燒的過程沒有灑足夠香料粉因店家用電爐燒烤，不夠火候導致串燒不香口整體是沒有味道蔬菜類：燒得很乾身，沒有水分，尤其是冬菇沒有味道，連鹹味都沒有

灣仔人有福喇！近日喺灣仔區發現都有哩間串燒店，喺哩區都算係少有啊。

哩日本身約左朋友去灣仔行街食飯，所以襯佢未到就不如先醫醫肚啦🤓所有串燒都係即叫即燒，保證新鮮熱辣！另外炸物同樣係即叫即炸嫁！先黎冷盤有泰式鳳爪... 一碗都有五、六隻，每隻鳳爪都醃得入味，食落酸酸辣辣好惹味嫁！最緊要係冇骨，食落零舍爽皮！招牌濕濕豬肉，牛肉眼... 望到佢叫濕濕豬真係好搞笑😂不過真係冇改錯名，食落果然夠濕夠juicy ，豬味都好岀，店員話原來係用左加拿大既穀飼豬，所以唔洗醃都好夠味！而牛肉眼都唔錯，肉質有咬口又唔會乾韌，只係其中一塊食到筋位先稍為韌d。

丸類... 分別係兩串燒既香菇丸同花枝丸、兩串炸既龍蝦丸同章魚丸，當中我最愛香菇丸同章魚丸！前者喺燒既過程中加左蜜糖，食落勁香又咬到好多菇粒喺入面，後者炸得香口之餘，又係食到有好多章魚粒同香蔥喺入面，兩者都真係用料十足嫁！不過重點我想講下個泰式酸甜醬🤤原來係老闆親自調配，用黎蘸丸類真係會令粒丸大大加分嫁！燒蠔...估唔到小店都有蠔食啊！加入大量蒜蓉真係好香嫁！離遠已經聞到佢陣香味。

蠔肉都算鮮，如果大隻d就好喇😛記得如果唔食得辣既朋友要叫佢走辣椒，是關面頭既辣椒粒真係好有料到😂😂陳皮魚旦...依加有哩款魚旦食既鋪頭真係唔多，可能係少人食所以冇賣掛，但有d人就係鐘意佢硬硬地又有陳皮味，加埋少少辣醬油真係唔錯嫁！原來哩間小店喺夜晚會喺門外開幾張枱櫈，仲開到凌晨添，消夜友就可以坐底舒舒服服咁邊食邊吹水啦！😙

其實我好鍾意食串燒，覺得燒完之後總係另有一番風味😍見人地話灣仔有間新串燒店，結果都幾有驚喜🔥可惜呢度無咩座位，可能大多數都要立食或者外賣🥡👁‍🗨 花枝丸 + 章魚燒丸 + 香菇貢丸（7.5/10）💲13/4粒呢度既丸定期會有唔同既買一送一優惠，三種丸食落都香口彈牙🤤花枝丸同埋章魚燒丸，入面足料好有咬口，香菇貢丸就帶有頗香既菇味🍄又係配一款自家製既泰式醬汁，間唔中蘸下汁黎食都唔錯👁‍🗨 燒雞中翼 + 泰式雞中翼（7.5/10）💲12/2隻雞中翼都可以有好多種食法，串燒店最常見既燒雞翼，一律都係加孜然粉，呢度都唔例外，食落幾香口😏至於泰式雞中翼，配上泰式酸辣醬夠惹味👀而肉質方面，燒完後啲肉亦都唔會話韌身，不過不失🐥👁‍🗨 煙肉荔枝（7/10）💲15燒煙肉通常都會比較乾身，配帶有汁既荔枝呢個食法都真係第一次試😛鹹鹹地既煙肉，絕對吾會燒到乾爭爭，加埋甜甜地既荔枝，兩者相輔相成，整體幾有新鮮感🤗👁‍🗨 高級肉眼 + 招牌濕濕豬肉（7.5/10）💲15 + 15老闆推介呢兩款肉類，個人鍾意後者多啲🤔可能因為舊肉眼咁啱近牛西冷筋位，所以食落感覺比較韌身🤔豬胺骨每日都好快賣曬，所以唯有食豬胺，叫濕濕豬肉就係因為燒完一輪之後食落仍然鎖住到肉汁🐷👁‍🗨 自制泰式拍青瓜（7.5/10）💲15平時呀媽屋企整既手拍青瓜多數係用醋、蒜頭同辣椒🌶️但係老闆介紹呢度採用泰式既方法，用青檸同辣椒醃一日，食落依舊係酸酸辣辣咁，感覺幾開胃☺️👁‍🗨 芝士大啡菇（7.5/10）💲18本身對呢個芝士大啡菇無咩期望，因為自己平時燒菇都一定係乾爭爭😂點知呢個出到黎好正，食落仲係勁juicy，又有香濃既菇味，而且溶左既芝士做到拉絲嘅狀態，夠曬邪惡😈👁‍🗨 燒露荀（7/10）💲7燒露荀食落比較爽口，而且無咩點落調味，所以唔會話得個鹹字，係清新居多🎋🔛 整體評分（7.5/10）

環境3分：街邊小食外賣店，舖位唔算細，兩個人工作都有好多空間。

衛生3分：地方比其他小食店乾淨，個燒爐未變黑，食物即叫即燒，睇住唔係返熱熟食，煮完好有心機包裝，小食店黎講算幾好，畀佢三分。

服務5分：哥仔落力拉客，又重點推介日日款式不同嘅買一送一串燒。

等食物時話下次再幫襯可先以apps落單，可慳返Ｄ街上等候時間，服務滿分。

味道3分：1)      叫左買一送一燒雞柳，十二蚊有兩串，每串有三件，份量超得。

雞肉好嫩，又有肉汁，小食店唔可以要求咁多，叫做及格。

2)      芝士大啡菇都幾夠味，亦好淋，好過三分Ｄ但又畀唔出四分嗰隻。

抵食4分：六蚊雞唔係淨係得魚蛋燒賣選擇，每個禮拜四可以買到燒雞柳，廿四蚊有四串，淨買特價最抵玩，畀佢四分。

今日行經活道 忽然見到間新嘅串燒店 試業中， 點咗燒雞中翼，牛肉眼扒，濕濕豬， 炸泰式雞中翼， 泰式手拍青瓜， 碗仔翅， 陳皮魚蛋。

可以揀燒熟咗一半嘅或者全新燒， 橫掂有時間就等下全新燒嘅， 燒雞中翼都幾入味， 燒到啱啱好。

牛肉眼扒 冇諗過係街邊都會食到，仲見到成條肉眼攞出嚟切， 好似啲西餐廳咁， 肉質比得上啲貴價西餐廳啲牛扒。

濕濕豬肉質真係超濕濕， 一啲都唔靭。

泰式雞中翼 店員話係老闆自己醃製， 本身諗住燒， 但佢哋推介咋好味啲， 都真係幾泰式。

泰式拍青瓜真係要讚一讚， 點會諗到街頭小食無啦啦又拍青瓜， 勁開胃。

碗仔翅望落好多材料， 一啲都唔希。

陳皮魚蛋以前喺佐敦食過， 香港區真係好少見， 最搞笑係佢有陳皮魚蛋同嫲辣魚蛋畀人揀， 正常小食店得一款魚蛋㗎嘛。

陳皮魚蛋 加咖哩汁好有懷舊feel。

店員話可以提早打畀佢哋落order， 咁下次就唔使企喺街度等， 諗住嚟緊幾日同同事喺公司打定電話落去order。

順帶一提 啲店員勁好傾， 無啦啦送幾粒丸畀我食， 俾我試佢哋只泰式酸辣汁， 又係佢哋自己整嘅， 又真係幾特別喎酸酸甜甜， 出邊未食過呢種味

九宵餐單提供港式, 串燒等推介美食位於灣仔區，餐廳座位數未知人均消費約$50以下，結賬可以用現金，Booking訂位可以電話致電 63753398 查詢。

您對於灣仔餐廳「九宵」有何 comment？

九宵餐廳詳細資料：

• 九宵地址:
  灣仔摩利臣山活道8-10號地下M號舖
  9 Siu, Shop M, G/ F,8-10 Wood Road, Wan Chai
• 九宵電話: 63753398
• 九宵價錢: $50以下
• 分類: 港式, 串燒
• 座位: 未知
• 付款: 現金
• FB專頁: 九宵 Facebook

更多九宵相關資料:

• 九宵分店
• Youtube
• Facebook
• Twitter
• Google