D Corner 油塘

D Corner 評價 相片

喺油塘返工嘅我 今次就發掘到一間喺大本營嘅角落頭 叫d corner我覺得啲西餐午餐都幾好食但係如果你叫其他嗰啲日式大碗飯或者海南雞飯我就唔太建議因為個樣有啲頹 唔係太吸引

話說有一日約左個fd來呢頭見下，就揀左呢間野，我個fd到先，佢就叫左個午餐食（8x), 茶記質素收80幾，嚇都嚇到飽晒。

甘就諗住陪我fd坐下啦，我個fd食緊時，有個疑似經理或老細既物體就走過來，叫我去order野，我就話唔使，初時唔為意，佢俾左個十字手勢。

無理到佢，跟住佢走過來話一定要order野，唔係要收10蚊坐台費。

下？坐台費？食左幾十年野都未聽過坐台費。

兩個人來幫襯，叫左一個餐，無叫餐果然就唔可以坐？唔怪之得全場得我地果張台啦。

當然我堅係以為坐滿晒我地見唔到既人添。

為左唔俾個疑似經理或老細既物體黑面，就叫左個下午茶，340蚊個三文治餐話好抵，難食到呢。

今日獨自一人黎到油塘，係商場一個角落，見到一間好似食西餐嘅地方，入去後服務員很快拎左杯水比我，咁我就叫左一個西冷5成啦，餐湯有雜菜同南瓜🎃，我叫左个南瓜湯，好快湯就到左，南瓜湯南瓜未都ok，湯面嘅忌廉，令南瓜湯更滑，西冷到了，意粉同牛油加蒜蓉炒過嘅香味升級，不過个菜就不太好，比較冧，可能飛水太耐，牛扒中間紅外圍煎香，肉質都算ok。

有樣好奇，我只是廚房得一個姐姐同一個著黑褲的人，黑褲那個應該甘零歲，如果只得呢兩個，我相信黑褲呢個應該係煮呢餐嘅人，你煮嘅野好好味，比心機，下次一定再黎，希望你會做岀更多好野

其實喺出面見到價錢牌都已經覺得幾貴，不過見呢間餐廳人少， 貪唔使等位，所以嚟試下。

環境唔錯，幾多靠牆梳化位，望落都幾似 西餐廳。

不過我食茶餐呢啲都無乜所謂。

食左西多，扒腿芝治，腸煙肉卷併薯條，吉列魚柳併春卷...份量好細，味道正常。

茶餐食既都係茶記野，性價比好低。

比較有驚喜，係扒芝腿治用蒜香牛油煎，食落好似蒜蓉包咁，幾好味。

原本價錢已經貴(西多要$38)，下午茶時間都仲要加一，服務既好似係老闆本人/屋企人，唔係着制服，感覺唔係太好。

今天又到午餐時間,特意從官塘乘 2個 MTR 站到油塘碰碰, 因每天在官塘區 Lunch, 確實委屈, 價錢唔講, 淨係等位入座已經令人 壓力大增沒胃口,大多無服務, 未吃完已經想趕客走咁滯 !!第一次到達油塘大本型商場! 地下G/F 見到廣告牌介紹這間西餐廳 D CORNER RESTAURANT. 門口餐牌價 Set Lunch 由$48 至 $88, 包湯、主菜、及飲品, 還免加一不貴合理.我和同事 Order 左西冷牛扒及美國厚切豬扒餐, 湯好快來到, 好夠熱, 南瓜湯夠南瓜味, 雜菜湯帶小辣夠香濃, 唔錯!!西冷牛扒來到, 嘩 !好大件, 食落就覺得煎得過熟, 否則應該更好味, 下次一定要說明食幾熟? 另一個美國厚切豬扒餐, 同樣夠厚夠大件, 食落真的(喜出望外), 口感好淋肉質爽口, 煎焗唔乾硬時間恰到好處 ! 店舖食材用料的確是美國豬扒, 食落同其它的巴西豬扒完全不同, 巴西豬扒只是平, 但是食落絕無口感兼乾硬!!埋單, 豬扒餐只$80. 西冷扒餐只$82. 閒日免加一超值, 官塘區一定食唔到 ! 地方環境和服務唔錯, 已廣泛通知所有 FB 朋友, 一定會再來, 以後又多個飯堂落腳點選擇了.

D Corner餐單提供多國菜, 私房菜等推介美食位於油塘區，餐廳座位數未知人均消費約$101-200，結賬可以用Visa,Master,現金,AE,銀聯。

您對於油塘餐廳「D Corner」有何 comment？

D Corner餐廳詳細資料：

• D Corner地址:
  油塘高超道38號大本型地下G09號舖
  D Corner, Shop G09, G/ F, Domain,38 Ko Chiu Road, Yau Tong
• D Corner電話:  
• D Corner價錢: $101-200
• 分類: 多國菜, 私房菜
• 座位: 未知
• 付款: Visa,Master,現金,AE,銀聯
• FB專頁: D Corner Facebook

更多D Corner相關資料:

• D Corner分店
• Youtube
• Facebook
• Twitter
• Google