北之家族 旺角

北之家族 評價 相片

之前去過食好多次啦前幾日再度光顧就tea而言,講真,野食唔係太好食係好就好在唔擠迫,唔使等位,環保ok,坐得舒服又唔貴慢慢食都得,未見過佢full哂人食開tea set,有一款麵(eg.牛肉麵/餃子麵...)+兩件sushi+ 冷/熱drink個麵永遠都唔夠熱(暖暖地ja), sushi一般,drink冇問題為數$18+10%= $20如果係旺角行得耐,累既話想休息下/坐低傾下計,又唔係要食正野食既話,呢間都唸得過(tea唔full人,但係dinner唔清楚)

一班舊同學聚會去食晚飯，日式料理那一邊，很有趣，除了入去那一刻明顯有人招待之外，其餘時間好似無人做侍應。

食物樣樣得少少，叫極都唔夠，價錢又唔係平，食物質素可以用模範來形容，代表失敗、差勁、唔掂。

刺身好似是餸頭餸尾，又唔算新鮮。

熱食好普通，同吉之島一般。

這樣的店，點解可以做到咁耐，真是一個迷。

朋友，有人請都唔好去，勸佢去元綠好過。

（註：我覺得元綠都唔係我會推介的食店，不過好過「北」，那大家就知道有幾唔掂。

）

今日去左呢間野食，同D朋友諗左好耐先選擇呢間，見佢係雜誌有印花話4送1咁咪試下囉，我地因為其中一個朋友未做晒工作所以未黎得，所以其餘四個咪入去食先（個陣7點）。

到個位黎得都已經差不多八點半，佢坐得入左紙點野食後有耐，有位恤衫西褲既女仕忽然隊張單埋黎叫我地埋單，我地五個即刻諗：下，食得個半鐘，因為本雜誌既廣告完全冇寫到可以食幾耐，而張檯上面亦冇寫，佢張檯個筒只寫住時段同價錢，又係冇寫可以食幾耐，咁我地又衰冇問既。

係等朋友期間既菜都冇問題，係服務差少少，唔知係咪門口位就係邊疆位呢，冇人添茶，不過佢D綠茶真係不敢恭維，都未試過咁難飲既綠茶，茶包都好過佢，唯有全部轉晒飲水。

D菜就係明明唔係我地叫既就係咁上，放低就走左，而我地叫既呢就有幾樣冇幾樣。

D侍應又只聞其聲（歡迎句）不見其人架。

係埋單之後問題就更大，尤其係個位恤衫西褲小姐走埋黎同我地講，你地如果要坐係到繼續傾既話，我地會收下一ROUND既錢，哇，我地五個即刻火滾咁話，我地係等緊你未黎既野咋，佢先至問有咩未黎，乜呢D唔係應該埋單前／埋單後做既咩，原來係要趕人走先做架囉。

呢D都算，問完依然冇野黎架喎，我地再追另一個經理，咁個位女仕先再幫我地追，有冇咁錯，我個半鐘前同一個鐘前落既蟹籽沙律都未見到個影呀，呢次唔知係咪想我地快D走，D野突然又黎晒，個D食物真係....下次送俾我我都唔要呀，個個麥樂雞咬落去都仲係粉黎架，又冇味喎，仲有D炒雜菜同牛油炒菇，我地每人都係咁挾左少少食，D水準真係差到...我地五個即刻話以後都唔黎呢到食，完全係俾人搵笨。

與朋友到旺角逛街，本來早已說好要到「金太郎」吃日本菜，但客人太多，不知要等位等到甚麼時候，於是另找地方吃飯，行到「北之家族」樓下，接待員友善的遞上一張宣傳單張，看到這裡有好多食物提供，而且價錢也不算貴，於是一行五人便上樓一試。

食物的味道都算不差，以一百五十元一位的價錢任食日本菜來說，水準算是合格，只是，當去洗手間時經過廚房，感覺十分不整潔，算了！眼不見為乾淨，好彩吃過飯後也沒有感到不適；但這裡的服務態度卻令小妹怕怕！可能人手不足吧！但當時只得三張桌的客人而已！竟然坐下良久也不給我們一杯茶，要千呼萬喚才找來一位「黑面女神」為我們送綠茶，之後，因為點了食物卻過了許久也沒來，於是再次找來「黑面女神」幫我們追單，又過了一會，「黑面女神」大大力兼且「求其」將菜放在長桌上沒有人坐的位置，點了的東西許多沒有來，但沒點的卻來了一堆，請侍應拿走的時候，又是換來黑面的招待，吃一頓飯要受人家氣，這算是甚麼服務態度？下次不來好了！

以任食來講算不過不失啦,食物出得都好快,不過味道就一般啦,野菜鍋及那個日式清湯基圍蝦都幾難食,唔知點解基圍蝦仲話每桌只可叫一份,其他食的味道都還可以,值只一讚是以同區任食的食店來講,這裡的環境比較乾淨及沒有那麼擠迫,而服務方面,不過去得任食,都唔會要求d咩服務,叫一叫郁一郁都已經合格啦,唔通你想同半島酒店比咩......

北之家族餐單提供日本菜, 小食店等推介美食位於旺角區，餐廳座位數未知人均消費約$51-100，結賬可以用現金。

您對於旺角餐廳「北之家族」有何 comment？

北之家族餐廳詳細資料：

• 北之家族地址:
  旺角豉油街44-58號1樓
  Family North, 1/ F, No.44-58 Soy Street, Mong Kok
• 北之家族電話:  
• 北之家族價錢: $51-100
• 分類: 日本菜, 小食店
• 座位: 未知
• 付款: 現金
• FB專頁: 北之家族 Facebook

更多北之家族相關資料:

• 北之家族分店
• Youtube
• Facebook
• Twitter
• Google