Running 燒 旺角

Running 燒 評價 相片

我有一個外表粗心內裡其實幾細心嘅男朋友，話說我前排講左句好耐冇食韓燒，原來佢一直記係心裡，前晚仲搵左好幾間韓燒舖俾我揀，可惜好多間都已經full booking，唯有walk in去碰下運氣，我哋最後揀去running燒！中午12點半去到，等book左嘅客先入座，大約5分鐘後我哋都入得，被安排坐係窗邊位，感覺好寫意。

有多款肉類、海鮮、蔬菜同熟食任點任食，而且職員送餐收碟效率都好高，非常有禮，值得一讚。

汽水、茶類飲品等都係任飲，除咗酒類要另外收費，價錢都算合理。

水冷麵第一次食水冷麵，麵質好煙韌幾特別，感覺好fresh。

噴火炸雞揀左中辣嘅噴火炸雞，已經都幾辣下，但辣得過癮哈哈。

每款肉本身都好夠味！尤其係蒜味，對蒜🧄控泥講真係心心眼，食到口臭都開心！海鮮當中，我哋覺得大蝦同帶子最好味！蝦食得出係新鮮的，肉質結實，燒蝦永遠冇得輸。

帶子好快燒熟，入口爽彈！仲有多春魚都唔錯，真係超多春，漲卜卜咁。

好香噴噴呀仲有生蠔🦪任燒！有普通生蠔同蒜蓉芝士生蠔揀，個人偏好後者多d！埋單前有雪條送，係MELONA蜜瓜雪條呀！Lunch time有7折，人均只係$182.5咋！真係超抵食！真心推介！！！

雖然疫病肆弱，但屈喺屋企太耐，忍唔住要照出黎食野。

餐廳位於彌敦道726號，衛生情況唔錯，門口有消毒劑，職員提醒食客要清潔先入。

環境比上次寬敞咗，唔知係咪刻意安排。

醬料吧既醬料有唔少款式，例如有醬油、蒜蓉、韓式辣醬、烤醬、海鮮醬，有辣有唔辣。

醬油牛五花肉 (⭐⭐⭐⭐⭐)醬油牛五花肉係全場最正，必定要食。

薄薄嘅一塊牛，煮幾秒就已經熟，熱辣辣非常入味，重點係醬汁，口感冇得彈。

生蠔 (⭐⭐⭐⭐💢)幾鍾意個生蠔，雖然朋友話怕生冷嘢，但係最後點咗覺得唔錯，幾新鮮。

韓式麵 (⭐⭐⭐⭐⭐)熱食方面，仲有韓式麵，相對較辣，唔食辣嘅就預咗要飲多啲汽水解辣。

面身硬度適中，非常有咀嚼感。

如果韓燒完未飽可以叫。

雪條或西米露 (⭐⭐⭐⭐💢)甜品方面，有雪條或西米露，不過太飽，西米露食咗半碗就冇食喇，少少浪費。

餐廳仲提供一塊蘿蔔，用嚟做刷潔淨，如果未夠仲可以叫請餐廳職員換。

好細心，哈。

~~~~~~~~~~~~~~~~~~~~~~~~Running 燒 旺角彌敦道726號9樓推介菜式：醬油牛五花肉、燒雞翼👍🏻衛生頗佳👍🏻肉類鮮味👍🏻款式頗多

見疫情稍為好返又冇得去旅行梗係要去食下野放縱自己 喺openrice見到呢間韓燒都幾多好評就決定嚟試下 呢度任食款式都非常之多選擇 但想讚下下免費任飲飲品亦都比其他韓燒店多好多有幾樣食物我地覺得好正要叫大家都試下 喺等燒肉嚟之前我哋當然會叫啲熟食試下先啦推介1: 韓式粉絲同炸雞呢兩樣都係我哋比較鍾意食炸雞有辣有唔辣 辣味都真係好辣幾惹味 而家係炸得唔錯 唔會太鞋 質素唔錯推介2:蠔其實佢提供左唔少款海鮮可以揀 有海蝦 扇貝等平時其他韓燒都有但蠔出面就少有 而且有生蠔同蒜蓉芝士蠔可以揀 仲有都幾大隻 煮起黎收水唔會太細推介3: 醬汁牛肉同五花肉個人覺得呢兩種肉就係唔同嘅體驗醬汁牛肉就係比較薄身上面擺咗蒜蓉汁 五花肉就比較厚身而且係原味但係一種係好滿足紮實感帶有油脂香 醬汁牛肉就係好味道 薄薄可以食好多塊呢度仲會畀你一嚿蘿蔔可以攞嚟拆個爐 以為佢係做下樣 點知原來蘿蔔真係拆得到啲燒烤漬 好神奇

自疫症開始緩和, 飯局不斷, 今晚又同好姊妹大吃一番, 太耐冇大飲大食, 實行放肆任食! 再次選擇了Running 燒, 110分鐘任飲任食, 之前食過, 質素唔差, 又多選擇。

Click order 紙落單, 肉類分別有豬、牛、羊、雞、少量海鮮, 仲有少少韓式小食。

飲品比之前選擇仲多左, 以罐裝為主, 酒類飲品就要逐支收費醬料區都係自助先送上了前菜, 野食都黎得幾快, 主菜終於黎喇!! 先講海鮮, d蝦好大隻, 蝦肉仲爽口彈牙有鮮味, 每次黎都起碼KO一打!龍利魚片, 質地好滑, 甜甜地, 稍為煎至表面金黃就食得~帶子同扇貝就冇額外調味, 冇咩味咖哩魷魚 很有咖哩香, 微辣爽口雞腎 都很有驚喜, 大大件, 但熟後好爽唔硬雞翼開邊, 較易熟, 似乎就冇特別醃過, 但烤後都食到雞既原汁原味。

薄切西冷扒 有大量蒜蓉調味, 不過質地有D鞋牛肋骨肉香味濃, 幾林牛柳粒幾有咬口牛既我就最最最中意烤肥牛色澤粉嫩, 每件小小的卷卷, 烤至金黃, 入口嫩滑兼有陣陣牛味, 正!!個爐面佈滿食物, 燒得多就食得多, 咁先抵!埋單前15mins會有店員提示last order, 送上甜品紙,每位可揀一樣我就揀左蜜瓜雪條, 嘆完雪條就剛好夠鐘,食到飽飽, 好滿足!

又黎呢幢大廈搵野食因為呢度都算方便 今次同朋友試韓燒入到黎職員好快安排座位播住韓文歌牆身亦都有幾潮嘅設計呢度係任食嘅我哋就好快揀咗牛 諗住會比較回本 有好多款牛 我哋首先試咗醬汁牛肉牛柳粒牛肋條醬汁牛肉係我最鍾意嘅因為佢係薄薄嘅牛肉會有一啲好好味嘅醬汁係面輕 輕一燒就已經可以食得 肉味同油香都係口腔蔓延之後我哋就再點咗海鮮 海鮮都好多種類選擇有蝦扇貝生蠔同蒜蓉芝士蠔其他肉類仲有豬肉 食韓燒點都要試下五花肉嘅 亦都係非常之香油脂味亦都有黑豚豬肉 羊肉仲有好幾種熟食炸物 年糕 炸雞 拉麵 全部都幾好 但我最欣賞係水冷面 我知係好飽肚 但我都食左1碗半 因為真係太涼爽 味道少少甜帶酸 麵身幼滑 一啖"雪"入口 爽可以揀飲品亦都係免費任飲嘅除咗額外酒類 最後我哋都是埋咗甜品刨冰 作一個完美嘅結

Running 燒餐單提供韓國菜, 自助餐, 韓燒等推介美食位於旺角區，餐廳座位數75人均消費約$201-400，結賬可以用Visa,Master,AlipayHK,支付寶,現金,AE,銀聯,Apple,Pay,Google,Pay，Booking訂位可以電話致電 25060380 查詢。

您對於旺角餐廳「Running 燒」有何 comment？

Running 燒餐廳詳細資料：

• Running 燒地址:
  旺角彌敦道726號9樓
  Running BBQ, 9/ F,726 Nathan Road, Mong Kok
• Running 燒電話: 25060380
• Running 燒價錢: $201-400
• 分類: 韓國菜, 自助餐, 韓燒
• 座位: 75
• 付款: Visa,Master,AlipayHK,支付寶,現金,AE,銀聯,Apple,Pay,Google,Pay
• FB專頁: Running 燒 Facebook

更多Running 燒相關資料:

• Running 燒分店
• Youtube
• Facebook
• Twitter
• Google