HeyYO!! 旺角

HeyYO!! 評價 相片

我呢杯野啱啱好40蚊  因為自己揀份量  要幾多就有幾多  大食既人應該唔太抵食~  yogurt黎講唔係話太好食  都係普通配配料  不過我覺得啲配料太少選擇  而且生果浸太多糖水  搞到好甜  唔覺得健康  但佢啲yogurt味道選擇都算多既   不過不失啦

大熱天時係MK行完女人街緊係要入返朗豪坊涼下冷氣啦入到去女朋友話肚餓，見到呢間野個涷櫃有好多甜品就話想女朋友超鍾意食甜品，一樣又點夠呢，於是叫左個乳酪雪糕同埋一件藍莓芝士蛋糕呢度既乳酪雪糕唔錯，其實我自己本身好少食乳酪雪糕，雪糕味道唔會太甜，而且有少少酸酸地既味道。

雖然比普通雪糕好食，但價錢都貴唔少其實食得多既會覺得太酸而且啲會酸酸地，所以都系少食多滋味吧。

blueberry cheesecake就幾好，表面既果醬食得出唔同平時搽面包個啲藍莓醬得個甜字，甜甜酸酸之餘仲帶有少少清香; 個芝士餅好好味，唔會太濟，食落幾好味不過份量太少，食完好似冇食。

。

突然好想食yogurt，聽聞呢間hey yo幾好食，就出左mk搵(當然唔係專登)。

我同我fd都要左原味既，最正係呢到有得自己揀配料，有栗米片、曲奇碎、朱古力、棉花糖、爆珠等，夾落yogurt到食，唔怪得d人話正。

有趣係自己拎左杯先，搞掂哂先計重量俾錢，所以越多越貴(廢話sor= =)。

個yogurt底好好味，甜酸味都有，再夾上我咩配料都落哂，係一杯有唔同口味既yogurt(甜、酸...)，orz。

做得最好就係可以自己落!等人鍾意食咩就落咩!好欣賞呢點!但價錢真係貴了點。

因為是會員，所以生日月份有一件free cake!雖然有free cake，但又唔好意思，所以買多兩件cake冇咁礙眼(自己心理上)第一件係紐約芝士，很好味，跟芝士一樣，很濃芝士，而且很軟滑~第二件黑森林，這個chocolate味道足夠，但如果可以再濃多一點更加好!最後一件tiramisu，我沒有吃，是媽媽吃，不太清楚味道，但個look唔錯!

雖然從未幫襯過「喜‧乳酪」（Hey YO!!），但都知知哋佢喺伯伯加奴（Pappagallo）嘅全新品牌，喺間DIY自助乳酪及蛋糕專門店。

不過，若非食友送贈一盒Hey YO!!嘅曲奇，真喺唔知佢哋都有賣曲奇添，多謝食友厚愛，讓小弟見識一下佢哋乳酪及蛋糕以外嘅產品。

不過，上過官網睇過，就未見有曲奇資料嘅發佈。

食友所送喺一盒淨重200g嘅「雙重朱古力曲奇」，橙黑色包裝盒，簡潔型格。

而內裡再加裝一層鋁紙包裝，減低變壞嘅影響，不過，實際包曲奇食用期都唔長，一個月都無，啱啱收到手，8月尾就到期。

整盒曲奇共8塊，每塊都有成一般茶杯口咁大，有一隻手指嘅厚度。

雖然個樣做得巖巖巉巉唔多好睇，但朱古力曲奇內滿佈朱古力粒，入口既鬆脆，又濃香，不愧為「雙重朱古力」；又加添燕麥成份，鬆脆中又帶嚟點點咬口感，實在好食。

不過，如果你唔太嗜甜，就可能未必啱你口味，因為有啲似美式曲奇，有少少偏甜啫。

本來想晌公司請同事食，但因為好味，結果都喺拎返屋企同老婆一齊分嚐。

依一輪先後分享咗愛烘焙麵包工房、美心西餅、曲奇童話及Hey YO!!嘅曲奇，而「好友狂嚐曲」不經不覺亦都寫咗20篇，寫完依篇又要抖抖，再續又可能要幾個月後，等儲多幾篇先再一次過同大家分享曲奇美食。

各位老友嘅曲奇美意，實在令小弟不勝感激。

HeyYO!!餐單提供西式, 雪糕, 乳酪等推介美食位於旺角區，餐廳座位數未知人均消費約$50以下，結賬可以用現金。

您對於旺角餐廳「HeyYO!!」有何 comment？

HeyYO!!餐廳詳細資料：

• HeyYO!!地址:
  旺角亞皆老街8號朗豪坊地庫2層1號舖
  HeyYO!!, Shop01, Level B2, Langham Place,8 Argyle Street, Mong Kok
• HeyYO!!電話:  
• HeyYO!!價錢: $50以下
• 分類: 西式, 雪糕, 乳酪
• 座位: 未知
• 付款: 現金
• FB專頁: HeyYO!! Facebook

更多HeyYO!!相關資料:

• HeyYO!!分店
• Youtube
• Facebook
• Twitter
• Google