阿金餐廳小廚 屯門

阿金餐廳小廚 評價 相片

星期六, 佛堂開班了, 收到order要早點到, 之後一放工, 便騎車直指紅橋, 就係紅橋一帶找東西吃. 一菅橋, 就是馳名的金銘牛腩, 不過是日休息. 便改去旁邊的阿金. 來一個茶餐算數. 而且不看過往的食評也不知, 原來阿金做茶記之前, 是一家泰國菜館. 不知是什麼原因呢, 令到阿金放棄泰式, 改做返港式.然而, 今日, 就港式地, 叫下一個豆腐火腩飯. 不過, 呢個只是我既second choice, 因為原先我要的椒鹽鮮魷賣哂....其實味道上沒什麼特別, 只是街坊茶餐廳, 份量夠哂秤. 火腩, 是少見的厚切, 大大份, 皮就一定不會脆架啦, 而且沒有感覺到一點乾, 不是給人食一些陳年燒腩. 而且煎過下的豆腐, 夠實正, 又夠豆味, 滑滑地, 加上簡單的茨汁, 味道可以叫好. 此茶記另有甜品供應添, 唔知得唔得呢.

煲仔 x 4 , 4 煲都生米 , 牛肉 & 排骨唔熟 ,牛肉片一舊舊, 係好大舊, 排骨就咬唔落 , 齒唔開,所謂特飲 (要+$10)薄荷賓治 淡~~什果利賓納 淡到你唔信~~~最正常係紅豆冰但出飲品既速度就真係快到無倫 , 同煲個煲仔飯差唔多時間,(註 : 當時不是繁忙時間)

呢間餐廳我同好姊妹入去既時候係冇人係度食緊咁既, 如果你只係睇外表佢都ok但係講到人流就唔多ok 啦, 因為香港人有個習慣就係目到邊間餐廳多人先會揀嗰間食, 不過今日我同好姊妹破例試一次先, 點知有意想不到的驚喜就係好好食, 佢d水準真係好ok,d野食唔會太咸又唔會太淡, 只你服務差dd, 其他都唔錯。

AUG 12,2009 (WED) LUNCH嚟食過幾次都OK，帶家姐嚟試食！特餐星州炒米 $27 配凍檸茶 (凍飲 +$2)味道帶甜，唔辣，同一般嘅味道好唔同，但還是OK的！本來可選特飲 +$5 ，不過話今日未有，所以唯有又飲凍檸茶！泰式香茅豬扖飯 $27 配熱咖啡豬扖煎得頗脆身帶鹹，上面加有一些蔥，叫少飯，但嚟到都係一個碗滿咁多！杯咖啡都幾香，但味道一般！沙爹串燒 1碟6串 (選了雞&牛) $48基本上我好飽食唔落，但家姐好想食，所以叫咗！沙爹醬真係好濃香，但個碟太細好難點嚟食，牛&雞味道差唔多，可能係一齊醃，肉質略乾！食剩都頗多，唔係唔好食，因為唔係好舒服無咩胃口，好彩今餐有人請，哈哈就係眼濶肚窄嘅家姐 la ！

想食泰國野, 2哥住景峰個頭, 佢話開左間新泰國菜, 佢都試過, 話又平又正, 一於試下先裝修得好靚, 坐得好舒服呀, 好多卡位添我冇乜點睇menu呀, 由2哥話事叫野食總之就叫到成檯都係野食啦, 生菜包, 串燒, 薄餅, 炭燒豬軟骨, 炒粉絲, 炒通菜, 生蝦刺身, 仲有一杯檸檬梳打, 四支泰國大象啤酒, 埋單三百幾蚊, 真係好抵仲要係樣樣都好味道播, 不過之前2哥極力推薦既炭燒豬軟骨, 我就覺得唔多好啦, 好硬囉, d軟骨都咬唔到既, 我最鍾意咬骨都唔咬呀生蝦刺身真係好新鮮, 好多人都叫添, 有檯6個人一次叫2碟添呀生菜包d豬肉碎整得好野味, 正, 最後唔夠生菜仲叫佢比多幾塊黎添, 呵呵不過呢, 最估唔到, 原來炒粉絲咁好食播, 呢個真係幾驚喜仲有就係d侍應個個都好好禮貌, 佢地仲有制服著架, 一件好闊身既泰國衫, 我覺得好型架^ ^個別價錢我唔記得囉, 不過我睇中一樣野食, 如果同老公仔黎食一定要食既野, 就係軟殼蟹啦, 咖哩軟殼蟹$48, 睇價錢就好抵啦, 有機會一定會帶老公仔黎試下

阿金餐廳小廚餐單提供港式, 泰國菜, 海鮮, 茶餐廳, 冰室等推介美食位於屯門區，餐廳座位數未知人均消費約$51-100，結賬可以用現金。

您對於屯門餐廳「阿金餐廳小廚」有何 comment？

阿金餐廳小廚餐廳詳細資料：

• 阿金餐廳小廚地址:
  屯門井財街15號金銘大廈5-7號地舖
  阿金餐廳小廚,  
• 阿金餐廳小廚電話:  
• 阿金餐廳小廚價錢: $51-100
• 分類: 港式, 泰國菜, 海鮮, 茶餐廳, 冰室
• 座位: 未知
• 付款: 現金
• FB專頁: 阿金餐廳小廚 Facebook

更多阿金餐廳小廚相關資料:

• 阿金餐廳小廚分店
• Youtube
• Facebook
• Twitter
• Google