牛陣 (卓爾廣場) 屯門

牛陣 (卓爾廣場) 評價 相片

在open rice見到壽喜燒鍋想去試下，點知係剛開幕時有的限定餐單，不過都去到所以照試下打邊爐叫了$369的和牛套餐，我同朋友叫了壽喜燒和豚骨的湯底，壽喜燒味好淡，豚骨湯直頭無味，和牛肉黎到同餐牌簡直貨不對版，牛肉是無味的😌。

服務方面，睇得岀店員全部都好新+吾識做，一坐底叫完和牛餐和湯底後，我們就岀去拎自助區食物，番到黎頭盤到齊，食了陣之後想搵QR code睇吓有咩refill，發現QR code攝咗係枱邊而店員冇提及過(吾係正常會講聲？)也沒有什麼食物選擇總括，2人埋單$8xx，和牛無味，湯底無味，吾知食了乜，呢個價錢吾值，牛一/牛魔好過呢間，起碼湯底有味，價錢又優惠。

今日放假又咁啱去開附近，所以試下。

我去到大約中午12:00左右，客唔多，連我只有兩枱。

職員殷切地介绍各種餐類，因為冇食野好肚餓，所以選了放題。

而要特別湯只需加5元，比起不少火鍋店都便宜。

環境十分整，食具眼見都係乾淨雪白冇污積。

食物新鮮，豚肉嫩滑。

自助吧食物比同類型餐廳為多，有苟蒻、芋絲、烏冬、白魚蛋、貢丸、墨丸，菜有殘忍娃娃菜、生菜、翡翠苗、大豆芽、羽衣甘藍、生菜，仲有粉、麵、烏冬，同好似自家製菜汁麵條。

熟食有薯角同關東煮。

醬油調味亦多款式，有魚做醬油、有菇菌醬油，仲有我愛花椒油……更有18禁辣油，只需一兩滴就辣味充足。

（我鍾意辣但又食唔到好辣，嗜辣者可多加）仲有飲品同雪糕。

只係我太餓冇影相！另一必需一讚係職員既工作態度，客唔多時，有位姐姐侍應攞百潔布同清潔劑"省"櫈下面放袋既架，逐條木條抹乾淨。

而且不會催促你埋單比錢，令人食得舒服。

希望保持！

呢晚入去屯門搵個Friend食飯，平時都好少食放題，聽佢講最近呢D屯門個邊開左牛陣，唔多人排隊，就過左去。

難得見朋友，當然叫最貴個個餐。

就咁睇D和牛嘅樣，真係好靚仔。

另外仲叫左少少牛舌同豬肉。

牛肉食落去個油脂味真係好重，真係好有去左日本嘅感覺，不過可惜係牛肉切得有少少太薄，如果厚番少少口感會更加好。

不過其實個餐$4xx 一個人，但係每人食1,2碟就已經食唔落，感覺好似唔係太抵食。

不過整體食用經歷係十分好，店員上菜速度亦好快。

瘋狂地吃黑毛和牛壽喜燒🐮天氣凍真係令人肚餓到震，來 @gyujin_wagyu 吃完壽喜燒再吃火鍋就是最滿足的了～黑毛和牛一碟係咁大碟，薄薄地但幾正喎。

仲有自助關東煮，蘿蔔鵪鶉蛋竹輪都是最好der。

火鍋有壽喜燒同鰹魚湯底，經過我悉心炮製變咗壽喜燒麻辣鍋(不過是加辣椒同辣醬😂) 。

最後加個公仔麵真係不得了🤤配埋冰凍Asahi，肥兩磅都抵架。

喺餐廳食唔使整到成間屋都係牛肉味😂日本產黑毛和牛及北海道四元豚放題套餐 $369

天氣凍冰冰又想打邊爐，又想食和牛壽喜燒，Why not both? 經過《牛陣》見到最新推出咗【日本產黑毛和牛及北海道四元豚套餐】係放題任食和牛🤭諗都唔諗就入去試吓～店員會先幫你用牛脂肪起鑊，再加洋蔥抄香，將和牛輕煎，淋上自家製壽喜燒醬汁，蘸日本雞蛋食，口感超滑，醬汁嘅甜味同肉香好夾，超級正😋 黑毛和牛肉的紋理和油脂呈網狀均勻分佈，濃郁肉香，好快就食咗兩碟😆而北海道四元豚肉味道濃郁，脂肪平均分佈，非常嫩滑～🥘食完壽喜燒可以轉火鍋爐，湯底都有多款選擇，我地就揀咗美肌豚骨湯。

仲有多款海鮮：日本生蠔、帶子、青口、墨魚、魷魚仔、蟹籽蝦滑、仿皇帝蟹棒等。

肉類還有牛舌、澳洲產特上長期榖飼牛……套餐包括自助吧嘅各種食物，關東煮🍢、炸物同HäagenDazs雪糕🍦今餐真係食得好飽好滿足呀！

牛陣 (卓爾廣場)餐單提供日本菜, 火鍋, 任食, 放題等推介美食位於屯門區，餐廳座位數未知人均消費約$201-400，結賬可以用AlipayHK,支付寶,現金，Booking訂位可以電話致電 24978766 查詢。

您對於屯門餐廳「牛陣 (卓爾廣場)」有何 comment？

牛陣 (卓爾廣場)餐廳詳細資料：

• 牛陣 (卓爾廣場)地址:
  屯門石排頭徑1號卓爾廣場2樓208號舖
  Gyujin Shabu Shabu & Sukiyaki Restaurant (Chelsea Heights), Shop208,2/ F, Chelsea Heights,1 Shek Pai Tau Path, Tuen Mun
• 牛陣 (卓爾廣場)電話: 24978766
• 牛陣 (卓爾廣場)價錢: $201-400
• 分類: 日本菜, 火鍋, 任食, 放題
• 座位: 未知
• 付款: AlipayHK,支付寶,現金
• FB專頁: 牛陣 (卓爾廣場) Facebook

更多牛陣 (卓爾廣場)相關資料:

• 牛陣 (卓爾廣場)分店
• Youtube
• Facebook
• Twitter
• Google