漁樂 屯門

漁樂 評價 相片

咁因為好近啦 間吾中都食下 但我想講有時外賣份量係多啲同扺食啲但佢哋嘅海南雞飯係真係好正！次次都想食 午餐係平啲既 晚餐60幾 都飽既 而且好好味另外佢既河粉都吾錯 湯好濃 下午茶餐好似係河粉配小食 小食簡串燒先抵食 個多士太少啦 我有次叫過 完全吾知佢就係多士跟住 我最常叫既下午茶就係扎肉炒飯 好食！其實係因為味香 如果你嘴挑 的確好難食到扎肉口感 因為佢真係切到好好好細粒 吾係講笑 但食落係好味既咁另外夜晚都有叫過小菜 好正好有味道 特別推介通菜 真心好正

今日去買了2個外賣，洛單時已重覆了2次，最後拎取發現唔岩，唔係我洛單的要求，說了2次想要換，但以不想浪費被拒絕，但那個我們根本不想食，我不明白為甚麼餐廳出錯，要客人賣單我覺得不浪費這不是餐廳出錯但不改善的理由。

只能說我對這間餐廳很失望😞

今日同朋友係屯門行完山之後唸住食埋dinner再走，行哂成間商場都冇咩好食，最後揀左呢間餐廳。

大概17：45入黎呢間餐廳。

侍應服應態度唔錯，但食物質素真心差……泰國蒜米炒通菜（$51）：蒜頭沒有切粒，最大獲既係蒜頭連皮都冇剝，搞到碟菜完全唔入味。

泰式烤豬頸肉（$35）：豬頸肉既皮非常硬，都算，問題係d豬頸肉未熟哂，食唔到要吐出黎（見圖）。

海南雞•雞油香飯（$67）：雞肉肉質硬而難咬，食到牙骹都痛。

仲有d飯完全唔熱，又凍硬又乾。

領展重新裝修過商場，令成個富泰商場由一個平平無奇，冇尼生煥然一身，變得生氣勃勃，多色多彩，善用左商場每一個多出嘅位置，做生意店面裝修得好有心思，而且別具一格，睇得老闆出用心去創業，門口直望入去有玻璃樽牆，加上用燈光折射，令到店內氣氛充滿左酒吧的感覺叫左豬頸肉雜菜鍋配白飯調味偏咸，配白飯就中和返，雜菜係椰菜花，份量好多個餐配埋一宗肉骨茶 燉湯，味道好濃厚，我未飲過真正肉骨茶係咩味，只覺得飲落去好老火湯，我驚係好多味精，所以飲左幾啖就冇飲了，不過其實佢有好多湯料，我諗應該係我自己過份擔心味精湯啫。

另外再叫左一份馬拉 盞 炒通菜，又係份量好多，係平時出面食嘅2倍份量。

炒得夠鑊氣不過佢啲蒜頭冇去皮就加落去，係咩玩法係咪冇咁容易炒爛？哈哈總括而言，我下次會再尼試下其它菜式，我見到其它人食魚，成條上一個人食，勁，應該吾錯

山長水遠黎探人，話呢到新開左個泰國菜，一齊試下。

雖然見佢寫係連鎖的，但我都係第一次見…唔緊要，試下新野。

睇餐牌，佢地最出名既係海南雞飯，緊係要試下啦，跟住我地仲點左個炒海鮮烏冬。

賣相我覺得都可以的，以屋村商場既餐廳黎講都唔錯。

但係咁，海南雞飯好明顯係一早set好哂，秒出菜，其實唔緊要，因為凍食都可以；但係我個炒烏冬就等左勁耐，都冇考慮過客人感受的，我覺得呢個價位都唔算係茶記level，稍稍考慮下客人感受都要掛。

講返味道，其實都中規中矩，OK既。

係炒烏冬有啲油得過份，食少少就膩了，而且我叫佢走芝麻都唔記得了。

漁樂餐單提供越南菜, 泰國菜等推介美食位於屯門區，餐廳座位數40人均消費約$51-100，結賬可以用AlipayHK,支付寶,現金,八達通，Booking訂位可以電話致電 27648100 查詢。

您對於屯門餐廳「漁樂」有何 comment？

漁樂餐廳詳細資料：

• 漁樂地址:
  屯門屯貴路9號富泰邨富泰商場1樓103E號舖
  Lime Fish, Shop103 E,1/ F, Fu Tai Shopping Centre, Fu Tai Estate,9 Tuen Kwai Road, Tuen Mun
• 漁樂電話: 27648100
• 漁樂價錢: $51-100
• 分類: 越南菜, 泰國菜
• 座位: 40
• 付款: AlipayHK,支付寶,現金,八達通
• FB專頁: 漁樂 Facebook

更多漁樂相關資料:

• 漁樂分店
• Youtube
• Facebook
• Twitter
• Google