大力齋廚 屯門

大力齋廚 評價 相片

今年冬至冇得出去食，咁就買個盆菜返屋企，成家人一齊烚下烚下啦！往年試過幾款盆菜，有啲就素肉偏多，有啲就材料比較簡單，食得唔係幾過癮。

大力齋廚既滋潤養生盆菜冇蛋奶同冇素肉之餘，啲用料都幾靚，就買左個試下。

買一個盆菜就已經可以全港免費送貨，而自取就可以有九折優惠。

56人份量既細盆菜都分量十足，作戰力差啲都冇可能食得哂。

根據餐廳既溫馨提示，最好將鋪面既材料先搬落黎，然後加汁落去加熱，到滾左之後再好似打邊爐咁烚下烚下就ok。

材料有分天然材料同譚哥巧手食材。

天然材料包括火箭菇、猴頭菇、野生竹笙、榆耳、黃耳、秋耳、栗子、上海素火腿、姬茸菇、鮮准山、鮮豆結、上海年糕、甜竹、佛手瓜、旺菜，而譚哥巧手食材就有福袋、鮮竹卷、滑魚腐、草菇陳皮素鴨、煎釀豆卜、貴花魚，另配有佛手瓜姬松茸湯汁。

味道有少少偏啖，我地食果陣都要加啲鹽同辣椒醬提味。

材料方面因為豆製品比較多，所以都幾頂肚，好快就飽。

整體黎講唔算特別出色，如果可以濃味返少少會好啲。

以往夜晚來食多, 午市比較少, 來分享一下, 也給自己留記錄。

星期日下午兩點多, 近乎滿座, 二人可以搭枱, 也很快有位。

叫了幾個點心牛肉球鬆軟, 沒有真牛球的肥膩, 配上了喼汁, 味道也不過, 過過口癮。

雖然自己也食肉, 但食素一樣可以, 也比較健康。

所以間中都會找素餐廳食。

魚翅餃強烈建議<<<不要>>>>點這個點心, 餃非常之結實密度好高, 無論什麼餃也不應這口感, 食到好滯。

煎蘿蔔糕這個就不錯, 可以encore, 蘿蔔吃到一絲絲, 它有三件, 每件都幾有份量。

抵食。

今日例湯是霸王花湯, 很濃郁, 足料, 家常湯的美味, 素湯風味不減。

羅漢齋炒麵有腐竹、冬菇、蘑菇等材料, 加上少許菜, 麵脆卜卜, 醬汁惹味, 很不錯的炒麵。

百幾元兩個人都食唔晒, 帶走可以食多一餐, 都好抵食, 茶可以揀玄米、玫瑰等幾特別, 有空會再來lunch。

近日喜歡吃素吃,今次一家人帶著婆婆五人走入屯門,店面不是新派,這令我感可一嘗傳統真好！素吃食物方面多元化，首先點了雲吞雞,牛肉羮,嘩好窩！小朋友們好喜歡,接著點蜜汁鱔片，碧綠千層和炒飯。

鱔片偏帶甜了點但好吃，整體唔肥膩，食完想再encore！

琴日去左屯門呢間食素，大約8點入去，都7成滿，而我地入左去叫左個蜜椒牛柳粒薯角同咕嚕猴頭菇，無想過個牛柳同薯角好好食，有微辣，味道香口。

但個猴頭菇沒有驚喜，但味道都唔差，都係酸酸甜甜。

不過佢碟碟都唔少，都值得去試就黎中秋，佢仲有出幾隻素食月餅，無蛋，無防腐劑色素，不過唔記得影底，大家可以去睇睇

屯門區嘅齋菜其實真係非常少選擇開一間執下又一間.. 做得好食嘅又可以屹立不倒嘅應該真係得大力齋廚因為屋企人會食齋所以間唔中都會幫佢飲早茶同食晚飯好欣賞佢d點心啲味道真係幾唔錯齋豬肚豆卜同豬潤粥非常入味

大力齋廚餐單提供粵菜, 廣東, 素食, 中菜館等推介美食位於屯門區，餐廳座位數未知人均消費約$51-100，結賬可以用AlipayHK,支付寶,現金，Booking訂位可以電話致電 24634888 查詢。

您對於屯門餐廳「大力齋廚」有何 comment？

大力齋廚餐廳詳細資料：

• 大力齋廚地址:
  屯門石排頭道5號偉昌工業中心A座地下
  Mighty Vegetarian, G/ F, Block A, Wai Cheung Industrial Centre,5 Shek Pai Tau Road, Tuen Mun
• 大力齋廚電話: 24634888
• 大力齋廚價錢: $51-100
• 分類: 粵菜, 廣東, 素食, 中菜館
• 座位: 未知
• 付款: AlipayHK,支付寶,現金
• FB專頁: 大力齋廚 Facebook

更多大力齋廚相關資料:

• 大力齋廚分店
• Youtube
• Facebook
• Twitter
• Google