五味茶餐廳 屯門

五味茶餐廳 評價 相片

工作限制關係，好耐冇食過下午茶。

今日咁岩得閒，叫返個豬扒包拼薯角同沙嗲牛肉麵拼奄烈奶油豬豬扒夠軟熟，薯角味道夠但唔係好夠熱沙嗲牛肉個味道夠，中意沙嗲牛肉用多花生醬就唔好錯過。

奶油豬燶左少少，但仍然脆口

呢間茶餐廳的雞脾係生炸，好熱好脆勁好味，我喜歡加少許鹽同胡椒係上面，好惹味，加上有奄列加杯熱飲，價錢33蚊真係好平，出面食唔到咁平，如果識簡雞脾加西多士呢個價錢出面一定唔止33蚊，加5蚊有牛肉粉食，之前食過份量多過大家樂個牛肉粉，相當唔錯。

值得一提係杯熱奶茶都好好飲，奶味較重，好順滑。

下午茶好多人去食，附近呢黎平靚正冇得輸，餐廳裝修一般，一個人要搭抬，位置比較迫，因坐得比較出，俾員工撞到幾下。

下次再黎食。

呢間中午正餐就唔太建議食，份量大但味道唔太好食。

暫時只係食過早餐，早餐好好味，大大份之餘，可以㨂牛扒/魚柳都唔過38蚊，好抵食，好好食，無諗過今時今日仲有呢啲價錢！夠良心唔係用萬年油，但人很多，要等位，預早少少出門較理想。

今日返工趕頭趕命，就落咗去樓下一間茶餐廳度食早餐，呢一度好多時我都只係經過就算！不過今次真係趕時間就落嚟試吓啦！環境算一般，位置亦都算唔多，主要以元枱為主，每張元枱可以坐六至七人左右全部都係以搭枱形式咁樣運行我以話不說就叫咗個沙嗲牛肉麵，再配上炒蛋加蒜蓉包，再配上一杯凍檸茶！3分鐘左右就到齊啦！我蒜蓉包好香，蛋亦炒得唔錯！另外食埋佢嘅沙嗲牛肉麵，沙嗲汁好香濃，牛肉亦都好軟熟！個面質覺得啱啱好，雖然唔係出前一丁，但尚算可以啦！

其實紅橋自大哥哥執左之後，平民既快餐買少見少，聽日你呢一間餐廳食嘅多數都係早餐，而且亦只不過係粉面果一類，絕少食到飯餐，今日揀無可揀，最後揀返平時食早餐嘅呢一間， 入到去嘅時候四個字驚奇晒喺度，呢間餐廳主要只係得七張大台，其實差不多一個人服侍兩張枱， 其實真係比較舒服嘅，跟住佢哋嘅態度都比較好，我睇一睇餐牌就揀咗一個椒鹽豬扒飯，一杯凍檸茶成為$42，插刀5分鐘左右到啦，佢豬扒唔係用千年油炸， 香炸蒜都好新鮮，反上面易林左一些甜豉油；整體上好過好多餐廳，而杯凍檸茶亦不過不失，$42呢個價錢真係好合理㗎啦

五味茶餐廳餐單提供港式, 茶餐廳, 冰室等推介美食位於屯門區，餐廳座位數未知人均消費約$50以下，結賬可以用現金，Booking訂位可以電話致電 34868368 查詢。

您對於屯門餐廳「五味茶餐廳」有何 comment？

五味茶餐廳餐廳詳細資料：

• 五味茶餐廳地址:
  屯門青菱徑3號東威閣地下G07號舖
  五味茶餐廳, Shop G07, G/ F, Tung Wai Court,3 Tsing Ling Path, Tuen Mun
• 五味茶餐廳電話: 34868368
• 五味茶餐廳價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 五味茶餐廳 Facebook

更多五味茶餐廳相關資料:

• 五味茶餐廳分店
• Youtube
• Facebook
• Twitter
• Google