古今 尖沙咀

古今 評價 相片

唔係太鍾意食生野嘅我想食壽嘅話，一定會諗起古今😋呢度嘅壽司卷物真係好有創意，想像唔到嘅combination又會出奇地夾💯之前唔同分店都去過，尖沙咀分店都幫襯過好幾次，整體來講覺得今次冇之前咁有驚喜，壽司飯太過黏埋一舊嘅感覺，不過味道上多一樣嘅☺️.睇返資料，三間古今營運上都無關係，尖沙咀分店 @kokontst 嘅店主同老闆都有默默支持學生、支持活動，大家唔好再誤會佢哋啦🤣.this totally reminds me my days in Canada🇨🇦 some ‘gwailo’ sushi salmon avocado rolls and sauce all over it! if you guys want something that is totally different from omakase, @kokontst is the place for you😉 they got all sorts of interesting sushi rolls and they even have a sushi pizza🍕 my favourite is definitely the one with salmon and cream cheese🧀 & don’t underestimate how filling these rolls are😋.《金龍卷》$88 😋😋😋每次都一定一定會叫金！龍！卷！真係冇諗過cream cheese同壽司可以咁夾🤪再加埋炸蝦同三文魚，真係絕配！.《搖滾樂》$92 😋😋其實本身我好怕食鰻魚，覺得好多骨好麻煩，但呢個又唔會喎！牛油果同芝士真係好夾，口感超creamy！再加埋炸蝦脆脆地，口感層次好豐富。

.《富士山》$88 😋😋😋其實我覺得古今嘅壽司最特別嘅係會加啲脆片係面，係出面其他地方唔會食到嘅口感！蟹柳嘅份量好多，再加埋creamy嘅牛油果同鰻魚，好正～.《炸雞芝士卷》$55 😋😋😋又係一個每次嚟到都一定叫嘅壽司卷！呢個完全係將我最鍾意食嘅嘢擺埋一齊～正🤩.《三文魚披薩》$88 😋😋😋《鰻魚披薩》$95 😋😋pizza壽司又係另一樣我嘅古今至愛！酥炸壽司飯夠晒特別又好食！不過可能因為炸過，會有少少膩嘅感覺，記住多d人一齊share食～😚.《章魚小丸子》$42 😋個人就麻麻哋呢個小丸子，裏面會有少wasabi，唔係太食到辣嘅我唔太鐘意，而且裏面嘅章魚都唔係特別大粒。

.《雜錦天婦羅》$68 😋😋正正常常不過不失嘅天婦羅，但如果呢個價錢我會寧願試多款壽司。

.古今 @kokontst📍#BELLYwongs_TST.#BELLYwongs_japanese #BELLYwongs_sushi #BELLYwongs_wongs #黃店 #懲罰黃店系列 #黃色經濟圈

我晏就自己一個人唔知食咩好咁啱見到哩間餐廳 價錢係tst黎講又合理就入左去食叫左個炸雞便當同南瓜薯餅本來都驚便當太細份先再另加薯餅結果炸雞便當既份量有驚喜肯定夠飽 又好味南瓜薯餅就差左d 比想像中硬左dd不過值得再幫襯！

聽聞呢間壽司店好好食，有幾次經過門口都排曬長龍，今日終於食咗叫咗四樣嘢：1）火山🌋上網間大家都話好食，果然不負眾望。

蟹柳好細好軟，加上壽司飯居然係暖既！擺入口所有食材融合一齊，配搭得好好！2）Sushi pizza 三文魚壽司披薩最驚喜嘅係披薩底係炸咗嘅壽司飯一啲都唔heavy仲好crispy! 真係好食到我一個女仔細細粒都想自己食曬一底！3）日式餃子四隻字講曬！皮薄皮滑但可以煎耐少少，得少少金黃唔夠脆，所以就冇影相啦！4）炸軟殼蟹個人就好鐘意食軟殼蟹，都鬆脆所以好滿意最後！加上佢係黃店，又好食，見到仲有好多其他菜式好有創意好吸引絕對會再嚟食吖

朋友推薦下，初嘗依間人氣小店🙈🙈！店舖雖少，但係食物質素絕對唔低！古今其實係食日本菜，主打fusion卷物，大多數都會加添牛油果🥑係卷物入面，十分之健康☺️☺️☺️！首先就緊係嗌個沙律🥗清清腸胃先啦，點左龍卷風沙律($68)🌪，其實就係蟹柳絲沙律，面頭有少少脆脆片同蟹籽，沙律菜爽甜，整體感覺好fresh，作為前菜一流👍🏻👍🏻👍🏻！另外仲點左個雞泡魚干小食($65)，依個係私心嗌既，近期愛上既小食之一😍😍😍，一定一定要dip沙律醬一齊食，係super match ga！雞泡魚干烤到金黃色，食落微脆，其實有d食緊豬肉乾既感覺，即刻想飲返杯啤酒🍻！🤣🤣🤣輪到主食，分別有超級龍卷風($88)同蟹柳壽司pizza($88)。

超級龍卷風既餡料有cream cheese, 鰻魚，炸蝦🍤，青瓜🥒，炸蝦炸得岩岩好，粉漿唔會太厚，加上有青瓜中和油膩感，而且鰻魚同芝士增加左卷物既層次感，好好食🤤🤤🤤！至於pizza係出於好奇嗌既🤣🤣，pizza用左壽司飯做餅底，壽司飯係炸過，但係食落唔會成口油，唔錯，面頭就舖滿左蟹柳絲，如果落多d醬汁會更好，略嫌有d乾。

最後怕唔夠飽，嗌左個唐揚龍鬚冷烏冬定食($138)，冇諗過份量係咁多，如果一個人食應該係會好飽😂！開頭以為唐揚龍鬚係炸雞塊，但係原來係炸魷魚🦑，不過記得襯熱食，凍左有d硬！定食仲有刺身，都算新鮮，仲有中華沙律，炸雞翼，同埋卷物，超級豐富😆😆😆！提提大家，如果想食，建議bk定位，因為真係幾多人食，下次會想試埋其他款既卷物🤤🤤🤤！

尖沙咀實在太多選擇了又想食日本嘢又想揀黃店揀咗一輪終於揀咗呢間打電話去book，去到2100先有位但係最後都2140先入得好彩都唔算太太太餓😅😅忍住無轉地方🤣入到去地方唔算大，但都坐得舒服枱與枱之間有板隔住，順便可以做埋一塊連儂牆叫咗2個卷蜘蛛 88 入面有青瓜，牛油果，蟹柳同軟殼蟹牛油果愛好者表示好好味龍卷風 68 入面有芝士，鰻魚同脆片鰻魚甜甜哋，芝士味夠濃，呢個配搭都好少有甩碌愈食愈好味炸南瓜餅 19 入面重有紅荳蓉餡甜甜哋又煙煙韌韌，泥到放咗一段時間都重係好熱辣辣鵝肝壽司 45大大塊，好有份量，入面岩岩好熟，好juicy，一d都唔會乾，而且好香炸明太子雞翼 38雞翼漲卜卜，但明太子味就好似唔太岀三文魚壽司 25/2 pics甜蝦壽司 35/2 pics牛油果天婦羅 45作為牛油果愛好者，點可以唔試🤣🤣初頭都係抱試伏心態，但又唔差喎泥到熱辣辣咁食，外面脆卜卜，入面嘅牛油果軟淋淋，有入口即熔嘅感覺攤凍少少食又係另一個感覺，會無咁辣口，而且牛油果香會再岀D驚唔夠食再叫多個特色醬油豚肉拉麵定食 128最後係飽得滯，留咗好多拉麵俾同行友人食

古今餐單提供日本菜, 壽司, 刺身, 居酒屋等推介美食位於尖沙咀區，餐廳座位數18人均消費約$101-200，結賬可以用Visa,Master,現金,AE,銀聯，Booking訂位可以電話致電 35904818 查詢。

您對於尖沙咀餐廳「古今」有何 comment？

古今餐廳詳細資料：

• 古今地址:
  尖沙咀柯士甸路15B號嘉華大廈地下B02鋪
  KoKon Fusion Japanese Cuisine, B02, Carnival Masnson,15 B Austin Ave, Tsim Sha Tsui
• 古今電話: 35904818
• 古今價錢: $101-200
• 分類: 日本菜, 壽司, 刺身, 居酒屋
• 座位: 18
• 付款: Visa,Master,現金,AE,銀聯
• FB專頁: 古今 Facebook

更多古今相關資料:

• 古今分店
• Youtube
• Facebook
• Twitter
• Google