Me Bar+Grill 尖沙咀
地址: 尖沙咀諾士佛臺8號地舖
最後更新:
Me Bar+Grill推介
之前去諾士佛臺都系同朋友飲酒,今次朋友帶我去食dinner,經佢介紹話之前食過味道吾錯所以今次帶埋我，一於試下。點左份grain fed usda prima beef filet mignon, 略嫌有小小過熟但味道其實還不錯，剪得好香，好有牛味，另外order 左份lasagna，重遇番當年好中意既味道，值得推介👍👍食落好有層次，味道酸酸地再加上濃郁既芝士味，令人食指大動！甜品order 左份churro,味道都唔錯，份量好多下。呢杯野飲好適合唔係好飲得酒既朋友，飲落口好似飲凍朱古力咁，冇乜酒味好易入口，女仔應該中意。
尖沙咀Me Bar+Grill
| 餐廳分店 | Me Bar+Grill |
|---|---|
| 地區 | 尖沙咀 |
| 電話訂位 | 23162223 |
| 餐單 Menu | 西式, 酒吧 |
| 人氣指數 | 847 |
| 價錢幾錢 | $101-200 |
Me Bar+Grill訂位位於尖沙咀區，詳細地址是尖沙咀諾士佛臺8號地舖，餐廳寬敞座位數目共有未知幾多個。Me Bar+Grill幾錢？價錢優惠後人均消費大約$101-200埋單，早餐午餐晚餐Me Bar+Grill餐單包括有西式, 酒吧等美食，付款方式有現金付款，Booking網上訂位可以電話致電 23162223 查詢訂座。
Me Bar+Grill優惠
Me Bar+Grill 評價 相片
之前去諾士佛臺都系同朋友飲酒,今次朋友帶我去食dinner,經佢介紹話之前食過味道吾錯所以今次帶埋我，一於試下。
點左份grain fed usda prima beef filet mignon, 略嫌有小小過熟但味道其實還不錯，剪得好香，好有牛味，另外order 左份lasagna，重遇番當年好中意既味道，值得推介👍👍食落好有層次，味道酸酸地再加上濃郁既芝士味，令人食指大動！甜品order 左份churro,味道都唔錯，份量好多下。
呢杯野飲好適合唔係好飲得酒既朋友，飲落口好似飲凍朱古力咁，冇乜酒味好易入口，女仔應該中意。
星期一返完成日工😪好難過😭諗起又返五日先有得放假就即刻要約朋友係諾士佛台飲番杯野鬆一鬆😎諾士佛台有好多餐廳同酒吧我哋揀咗一間冇咁嘈雜嘅酒吧同埋好似多啲嘢食因為時間尚早嘅關係所以都坐得比較鬆動不嬲都係happy hour 時段比較抵所以一坐低即刻叫兩杯啤酒 前菜叫左無花果多士有芝士可以伴住食，感覺好新奇仲有Parma ham ~ 成個口味好夾 無花果亦係新鮮既，同火箭菜一齊食 👍🏻無花果好甜👍🏻👍🏻👍🏻叫左千層麵， 細細碟但係好飽因為好足料，好多芝士同牛肉焗得剛剛好，麵皮仍然juicy 👍🏻同朋有再share 左個羊架因為見到隔離檯叫，好似好正5成熟，仍然保持肉質juicy 羊味經處理過，唔係太so 薯泥好滑 好香，濃濃牛油味 😁之後再encore 左幾round 酒， 呢到傾計幾好，唔會好嘈👍🏻👍🏻👍🏻 門口又易搵，約人夠方便😊
約咗朋友嚟諾士佛臺食飯傾偈，平時出嚟都無特定揀邊間餐廳，咁啱呢日見到呢間餐廳入面坐咗幾枱都唔同國藉嘅人就揀咗呢間喇多啲外國人感覺Chill啲丫嘛！仲係happy hour時段，當然叫番杯啤酒先啦，Draft Beer 1664Blanc 咁悶熱嘅天氣，番完成日工，飲杯冰涼嘅啤酒的確係一種享受！朋友嚟到話好肚餓，所以由佢揸主意叫嘢食，因為我地2個吸收過好多次眼闊肚窄嘅經驗，所以今次我地叫咗3樣嘢share嚟食，唔夠先再叫👆白酒忌廉煮鮮蜆其實我一向都唔特別愛好食蜆嘅，不過朋友想食所以都試下啦，個sauce好香濃夠晒creamy，仲帶有微微嘅蜆味，蜆肉都唔細，有咬口，我都忍唔住口食咗好多粒👆酥焗菠菜芝士釀大蘑菇呢一道大蘑菇，我同朋友都覺得好好味，菠菜芝士做餡料，好香口開胃，帶少少咸味，但係連埋個蘑菇一齊食就啱啱好，呢店真係想encore👆Grain Fed USDA Prime Beef Filet Mignon呢個steak嘅肉質好嫩，有少少脂肪，口感好唔會韌 ， 而且一啲羶味都無，伴隨而來係好香嘅牛味而且仲好juicy，個牛係抵食嘅！值得一試！除咗食物之外，仲想讚下啲staff，個個都好nice好有禮貌好helpful，個個都有笑容，令成間餐廳嘅氣氛輕鬆舒服好多
以前喺佐敦返工，收工好鍾意去諾士弗臺happy hour，轉咗工之後都好少嚟喇！今日心血來潮想飲杯嘢輕鬆下，所以就嚟咗呢度喇！其實都係隨便揀一間有酒飲有扒食環境又chill chill地嘅餐廳呢度happy hour好扺，Draft Beer每杯只係$49，坐低即刻叫兩杯先啦！話咁快兩杯冰凍嘅啤酒就送到！我揀咗Boddingtons，鍾意佢易入口又帶有好香嘅麥味既然難得出嚟飲嘢就唔想叫薯條薯皮呢啲咁普通嘅小食，所以揀咗酥焗芝士菠菜釀大蘑菇同白酒忌廉煮鮮蜆！其實個蜆唔係小食嚟嘅，不過我地當小食咁食，反正蜆係食唔飽人嘅，一邊傾偈飲啖啤酒食隻蜆都幾寫意個焗蘑菇好有驚喜，熱辣辣，蘑菇仲好Juicy無焗到乾晒，啲涵料嘅調味好配合，濃郁得嚟又無搶走蘑菇嘅味道，好食個蜆嘅醬汁都幾creamy，用嚟沾面包食幾唔錯。
仲叫咗個steak，認真思考咗一陣，決定揀炭燒安格斯證書牛扒，因為俾menu上面幅圖吸引咗。
Order咗medium，裡面真係仲有少少紅但係無血水Good Good個steak正正常常，Steak旁邊有個砌得好靚嘅蒜頭，用叉唧咗啲蒜蓉出嚟配牛扒食，好香！ 揀咗個黑松露sauce，個sauce好惹味，Side dish揀咗Signature Yam Fries，其實係蕃薯條，我至愛炸到外面脆卜卜，甜甜地，好好食，一條都無嘥，全部落晒肚
呢晚嚟到Me Bar+Grill,係間酒吧餐廳嚟.呢邊牆就用咗名畫蒙娜麗莎嘅圖案做裝飾,環境幾有特色.抬頭一睇先發現天花板都有乾坤,掛咗唔同嘅霓虹燈字句.餐牌方面,由前菜,小食,主菜,意粉,甜品都有,同一般西餐廳冇太大分別.酒精類非常豐富,亦有mocktail等非酒精類飲品去揀.而且推廣期內即場讚好餐廳嘅facebook或instagram仲會有九折優惠,即係變相唔洗加一.先試飲品,呢杯Mango Smoothie係mocktail嚟,另外仲有熱情果,士多啤梨或椰子味去揀,飲落解渴.餐牌寫呢杯Gaarden Rose係用Hoegaarden Rosee,冧酒,士多啤梨汁同青檸汁調成,拎到嚟之後侍應先將一整支Hoegaarden Rosee倒轉,杯邊仲蘸咗鹽粒,賣相唔錯.Hoegaarden Rosee即係桑莓味啤酒,飲落微酸消滯,幾啱女仔口味.酥焗菠菜芝士釀大啡菇焗得既香噴噴又多汁,上面嘅煙肉香脆,菠菜嫩而冇渣,芝士雖然冇拉絲效果,但加埋一齊食口感唔錯.汁焗水牛城雞腿,起初以為嗰一瓣瓣橙紅色嘅嘢係番茄,睇清楚先知其實係切件鮮橙嚟,另外仲有大量洋蔥.雞腿有六隻,外皮微焦,雞肉唔乾身,食落辣味啱啱好,仲有淡淡嘅鮮橙甜味,感覺討好,不過在我嚟講如果可以多少少酸味就更加好.
Me Bar+Grill餐單提供西式, 酒吧等推介美食位於尖沙咀區，餐廳座位數未知人均消費約$101-200，結賬可以用現金，Booking訂位可以電話致電 23162223 查詢。
您對於尖沙咀餐廳「Me Bar+Grill」有何 comment？
Me Bar+Grill餐廳詳細資料：
- Me Bar+Grill地址: 尖沙咀諾士佛臺8號地舖 Me Bar+Grill, G/ F,8 Knutsford Terrace, Tsim Sha Tsui
- Me Bar+Grill電話: 23162223
- Me Bar+Grill價錢: $101-200
- 分類: 西式, 酒吧
- 座位: 未知
- 付款: 現金
- FB專頁: Me Bar+Grill Facebook
更多Me Bar+Grill相關資料:
香港餐廳2026推介8月