韓食 太子

韓食 評價 相片

打去叫咗個辛辣麵 + 紫菜包飯，去到拎先發現阿姐煮咗牛肉芝士麵比我⋯（其實都知要佢整過啱嘅麵比我咁本身煮好嘅佢會掉，有衣食所以算數啦⋯）因為唔食芝士，就問阿姐芝士應該唔大塊架呵？可唔可以自己挑走佢⋯阿姐答我唔大塊嘅⋯辛辣麵餐係 $30 而牛肉芝士麵餐係 $35，阿姐自己出錯竟然想收我 $35 囉⋯反到去發現係個麵有芝士味，而唔係阿姐放片芝士落去⋯（對於唔食芝士嘅人嚟講，其實無乜分別⋯都係一陣令人難受嘅芝士味⋯）食過咁多次，真係每況愈下囉⋯望到舖頭貼住「頂讓」，我諗都係時候架啦⋯

今日下午我們喺太子附近做完嘢之後，行過砵蘭街見到有間叫「韓食」嘅韓式小食店，所以我們就去買嚟食！雖然「就咁睇」舖面唔算係好大間，但食物嘅款式種類選擇都幾多！同埋當時亦都有幾多人客排隊買嚟食！而我們就買咗辣炒年糕，年糕嘅質感非常煙韌彈牙，就算放凍咗先食都係咁彈牙，除咗年糕之外，仲有幾件魚糕、相當入味嘅泡菜、紅蘿蔔、鷄蛋等等等等⋯⋯味道超香辣惹味，令人有想種食完想再食嘅感覺，真係超正呀！係本人嘅必食推介！

一肚氣！！！下不為例！各位請注意！點左大炸魷魚鬚同泡菜腩肉飯先不講味道如何但此店的份量真的非常少回到家見到咁，本打算食完就算 但....打開盒飯...眼見肉又細塊，且泡菜味有好重的雪藏味重點個菜叫泡菜炒腩肉為何係泡菜湯浸幾塊小腩肉呢？大炸魷鬚亦只有十幾條左右，索價收$48？炸粉又多，份量得半兜甜辣醬只有甜味於是我就致電查詢女店主稱泡菜腩肉飯內已放「7」塊腩肉女店主稱此為非常正常份量更掛斷電話就了事味道不佳就算態度都不佳請問如何再惠顧？如各位不相信可以到呢間店試下但保證食完一次，必定不會再惠顧！

今次阿SIR帶我嚟掃街，話說佢上個禮拜食完之後，大讚好味又抵食，有好嘢食我又唔會介意坐街既，點知去到原來鋪出面已經無再放摺枱，現只做外賣，但既然一場嚟到，最多外賣去隔離公園食囉。

。

蜂蜜芥末炸鷄(小) $26 呢個我好推介，炸鶪唔會出現厚漿，鷄又熱又滑，味道甜得嚟帶點芥末既辣，而且有成７件雞咁多喎宮廷紫菜包飯 $28 雖然配料普通，但飯既口感好好，唔會過腍過硬，而且紫菜又唔會靭，有兩大條，好抵食芝士蛋卷 $40 呢個我有少少微言，因為價錢相對地偏貴，所以要求高返少少，就係蛋唔夠滑，同埋芝士唔夠多同濃，但好在夠熱辣辣彌補返dd不足韓國冷麵 $35 近期我大愛韓國冷麵，因為鍾意麵好滑溜同加有醋汁，但呢度不足之處係麵唔夠凍同滑，但一碗份量就非常多，秘汁同泡菜同樣香濃開胃，各有各吸引之處後記：小店以街坊價做出有水準食物，雖然只做外賣，但我都真心推介！兩人共消費 $129

肚餓的話其實唔係難諗食咩因為乜都好想食但唔太餓又好口痕就真係難諗又要好食又唔要普通食串魚旦燒賣又要食light啲又唔想貴因為唔肚餓但又貴食真係唔抵架嘛真係好煩。

自己都覺得自己煩今次揾到呢間「韓食」真係一次過滿足晒你幾個願望（冇影到menu）1。

蜜糖芥末味炸雞搥口痕想食炸雞，好開心佢呢度啲炸雞唔大隻，幾啖就食完唔會滯原本佢有幾種味，我地決定問番店既人求推好nice的miss店員介紹番又真係幾好味！甜甜地又夠肉又juicy. $25/4隻搥，岩晒唔太肚餓既人。

下次可以叫幾款再試！2。

宮廷紫菜包飯呢個就有少許失望既，唔係難食。

只係啲飯有點削，佢仲有個source配番，希望佢下次會冇咁削3。

水冷麵其實真係唔肚餓。

不過都叫左個水冷麵好鍾意食水冷麵，呢個比出面仲多左泡菜同紫菜，啲蘿蔔好爽有口感要讚下miss店員（定老闆娘卦），佢真係好nice, 好有禮貌，仲要唔駛提都會自動幫客人追未黎既柯打，呢啲小店真係要支持下。

韓食餐單提供韓國菜, 韓式炸雞, 小食店等推介美食位於太子區，餐廳座位數未知人均消費約$50以下，結賬可以用現金。

您對於太子餐廳「韓食」有何 comment？

韓食餐廳詳細資料：

• 韓食地址:
  太子砵蘭街456號地下B舖
  韓食, Shop B, G/ F,456 Portland Street, Prince Edward
• 韓食電話:  
• 韓食價錢: $50以下
• 分類: 韓國菜, 韓式炸雞, 小食店
• 座位: 未知
• 付款: 現金
• FB專頁: 韓食 Facebook

更多韓食相關資料:

• 韓食分店
• Youtube
• Facebook
• Twitter
• Google