deep燒 大角咀

deep燒 評價 相片

(真正食評請跳去第4段開始)曾經, 我好鍾意晌OPENRICE寫食評...自從某一次寫左一篇好長下既食評, SAVE唔到仲要冇晒...!之後就改變諗法, 如果我覺得好食, 實際D去多次支持下仲好啦...反正而家咁多"打手", 都冇人知邊D真邊D假, 呢個話好得, 下一個話好唔得, 信邊個?對於大茶飯, 其實已儲落一批FANS既食評, 我呢D膚淺既食評, 實在少一個唔少, 多一個LIKE唔多...我屬於唔鍾意新事物的人, 唔鍾意冒險, 特別係食, 食開就係果幾間, 唔厭, 百幾二百蚊餐唔好食或者食唔飽, 我會好忟...今次令我支筆重新開封, 係因為友人大力推介, 難得佢兩公婆KEEP住去幫襯,我估唔會差得去邊, 佢地都好想寫一篇食評支持一下, 不過一個字, 懶.既然你地俾我食多左隻扇貝, 點都做DD野啦~對於小本良心生意, 多一個LIKE就係一個!(今次喪SAVE, UPLOAD幾幅相又SAVE, 寫一段又SAVE! 好驚又冇晒!)DEEP燒, 食串燒/燒物既, 位置確實唔起眼, 好在而家有OPENRICE + 智能手機, 實搵到!整條街都係細舖, 很嫡骰, DEEP燒間格算闊落, 光猛(個人討厭黑黯黯裝潢, 食左小強都唔知).沒有油立立的感覺, 當然也沒有油煙味~ 一入門口就見到廚房製作過程, 很安心~我的朋友忽然話要飲啤酒, 估佢地唔到, 就一齊淺嘗一下. (好飯腳, 啤酒不是涼茶, 不要自欺欺人, 想飲就飲啦~ XD)然後由熟客朋友發板, 主力海鮮(見附圖), 即叫即燒, 食好野係要比D耐性,不過我地啤住吹水, 環境算靜, 好爽!1. 先來燒貴花蚌(相片被錯手DELETE了), 蒜蓉牛油燒, 汁都飲埋.2. 再來大大隻蟶子, 真係多肉不得了, 要分2~3啖先食完, 蒜蓉+少少蔥花, 好新鮮呀呀呀!!! 好甜呀呀呀!!!3. 我點左2個丸, 墨丸同蟹籽丸, 食串燒有的話我一定叫, 加蜜糖燒真係好好味架! 未食過一定要試!4. 齋燒大隻虎蝦, 朋友夫婦至愛. 我鍾意佢剝左殼~5. 燒扇貝, 好大粒呀!!! 6. MAGGIE蒜蓉(牛油)雜菇, 面果層有少少MAGGIE味, 未食過, 幾特別, 份量多番D就好喇~7. 金菇肥牛卷, 唔係用CHEAP CHEAP肥多過瘦牛, 用心之作.8. 燒茄子, 點解一條茄子可以切到一塊MASK咁大塊?! 肥茄? 用左七味粉調味好香, 送酒一流~ (可以問佢攞刀叉切開小塊)9. 鵝肝多士, 塊多士係小象SHAPE!!! CUTE爆! $22/塊, 好味! 唯一一個我有睇價錢既ITEM.呢度冇飯/麵等飽肚野叫, 但我今晚食得飽喎!重點, 3個晌度做野既大男人, 日頭都有份朝9晚6既寫字樓工, 一放工又要撲出來自己落手落脚開舖, 收得夜一夜又要返對面海屋企, 日日瞓得2~3個鐘, 係咪痴線架HK人?! 我比10個叻你地! 加油啊! 總結, 其中有個靚仔, 單身的... 呵呵呵~~~

有朋友話奧海城旁邊的富多來商場地鋪開左間燒烤店, 同男朋友尊程去試吓.鋪入面細細地有5張枱, 外面露天仲有兩張應該係比吸煙人士坐先睇menu D野食唔算貴, 海鮮的價錢當然會比較高, 但都合理. 我地叫左好多樣野, 逐樣試吓:開頭太肚餓未影相就食左嘅有: 羊柳粒, 牛丸, 多春魚, 腐皮蝦條以下係有影相嘅:雞中翼: 正! 燒雞翼, 我鍾意食~~encore左一次 牛油粟米: 本人至愛, 食左兩條, 飽左! 豬寸骨: 啖啖肉, 有D似食雞比, 配辣粉好正, 總共叫左三件羊架牛油蒜蓉什菇我地唔太好燒海鮮, 所以無叫, 但見隔離枱對情侶叫左翡翠螺同大虎蝦, 好似都唔錯, 但已飽到反肚, 唯有下次再試啦! 雖然佢係即叫即燒, 可能抽風做得好, 食完竟然身上一D燒烤味都無, 呢樣野抵讚!

deep燒餐單提供港式, 海鮮, 串燒, 串燒店等推介美食位於大角咀區，餐廳座位數未知人均消費約$51-100，結賬可以用現金。

您對於大角咀餐廳「deep燒」有何 comment？

deep燒餐廳詳細資料：

• deep燒地址:
  大角咀富多來一期鐵樹街14號地舖
  deep燒, G/ F,14 Tit Shu Street, Tai Kok Tsui
• deep燒電話:  
• deep燒價錢: $51-100
• 分類: 港式, 海鮮, 串燒, 串燒店
• 座位: 未知
• 付款: 現金
• FB專頁: deep燒 Facebook

更多deep燒相關資料:

• deep燒分店
• Youtube
• Facebook
• Twitter
• Google