快車茶餐廳 坪洲

快車茶餐廳 評價 相片

自從疫情開始之後，已經絶少出街食飯。

現在已經過了一年有多，疫情亦算是平穩。

五月又是母親節的時候。

做個孝順兒女都應該陪奶奶食餐飯。

今日特別啲去離島食海鮮。

呢一間喺網上見到都幾出名。

而且座位有限，唔預先book嘅話，根本上就唔會有位啦。

我哋都算係幾臨時臨急晏晝先至book夜晚。

所以鮮雞已經話賣晒啦。

於是乎就預先book定海鮮啦。

有圖有真相，去片先：門面很少，座位也不會多。

所以記得訂位啦。

那個大合照先。

成餐飯色香味俱全！我的腌尖長輩竟然都讚好食😋今餐真是俾得抵！第一碟來到的是黃金南瓜鮑魚。

來個近鏡zoom下隻鮑魚先。

望落去以為炸鮑魚...肯定唔新鮮同埋好韌?點知嚇一跳！鮮味十足，個鮑魚好淋，咬落去果下係嚇一跳！表面嘅鹹蛋黃好香口，但冇過厚。

更加冇搶到個鮮味之餘，仲提升了口感。

外脆內軟！真係忍唔住咬開一半都要影張相！必定要試呀！以為配角係南瓜🎃，只係伴碟？咁就錯啦！個南瓜煮得剛剛好！本人一向係比較怕食林啤啤嘅南瓜。

所以對南瓜印象不嬲都好一般。

呢一個竟然可以烹到啱啱熟，又不會淋，仲有少少爽口嘅感覺。

加埋外邊脆卜卜嘅鹹蛋，竟然可以係咁好食囉！真係要用驚喜來形容！竟然第一道菜已經咁驚喜第二道送上：蒜蓉蒸扇貝。

我咁大個女喺香港出街食海鮮，未見過一隻咁乾淨嘅扇貝！好多喺出邊食都見到有黑蚊蚊嘅綑邊，差嘅甚至會食到有沙。

呢一個係洗得：超。

乾。

淨！超乾淨！超乾淨！超乾淨！重要嘅嘢要講三次！完全食唔到砂粒，而且係白雪雪嘅！鮮味就唔在講，蒜蓉唔會過多。

如果再多啲粉絲吸吓啲鮮味就發達啦！豉油好少，可能係唔想蓋過咗扇貝嘅味道。

啖啖肉好滋味！呢個豬手並非我最愛。

本人係唔鍾意食豬嘅。

係叫比老爺食。

佢識食肉，又鍾意豬手。

佢話炆得得啱啱好。

我咬咗一啖發覺佢係膠質好重。

又不會太油。

花生應該都好食。

我見到老爺奶奶係咁食。

因為我自己就唔鍾意食花生，所以就冇試。

鍾意豬手嘅大家，可以考慮呢一個。

壓軸嘉賓，花蟹花雕蒸蛋！超鮮甜！你唔好睇過花蟹好似唔係好大隻。

實質裏面真係好多肉！個蟹鉗直頭係香濃郁嘅鮮味。

實實在在俾晒兩隻蟹你。

完全唔係擺個殼做裝飾。

絕對真材實料！蒸蛋吸收晒蟹汁嘅精華，加上花雕嘅吊味。

超級滑！未試過食咁樣嘅蒸蛋！酒味不算重，我覺得幾香。

跟住嚟到招牌菜，籠仔蒸蝦糯米飯🍚🦐非常肥美的蝦，打開個蒸籠已經聞到香味。

真係好多蝦！隻隻彈牙，頭部多蝦膏！見到底下嘅糯米飯，以為薄薄地一層。

點知食極都有！糯米飯鬆軟而不失口感。

再一次將蝦嘅鮮味吸收得淋漓盡致！咁樣嘅配搭真係食極都睇唔到口！最後，想食健康啲，於是乎叫了一個菜心。

侍應生放低蝶菜嘅時候我哋仲以為係芥蘭！因為真係綠油油得出奇！連蝶蔬菜🥬都要讚！新鮮又Juicy!每一碟餸都各有千秋！厲害厲害！下次要帶埋我阿媽嚟試吓先得一定再encore！冇得彈！Service 也不錯。

侍應姐姐好Helpful 有禮貌又有笑容😊香港少有喇！愉快的一餐，仲要長輩滿意！任務完成✅

30/6/2021到坪洲四處逛，見到食評不錯的小店，便入去試試。

今日人不太多，呀姐話休息了幾天，所以有部份客人，不知道她今天復市，才不用排隊。

當阿姐把餐牌給我們時，我們看不見網上所說的招牌菜式。

當時我心諗是否中了伏，完全沒有價錢。

但山長水遠來到，都要試吓吧。

我們點了幾個招牌菜：籠仔蒸蝦、花雕蛋白蒸蟹、煎封魚及蒜蓉炒菜心。

龍仔蒸蝦，蝦味鮮甜，蝦仔細細粒，配糯米飯十分好吃，糯米飯又不是那種油淋淋的感覺，十分乾身，一點也不油膩。

花雕蛋白蒸蟹超級好食，酒味非常香濃，蛋白又蒸得十分滑，令人非常難忘。

煎封魚上枱時是一條倉魚，阿姐話這一條是鹹水魚。

我心諗，今次都唔知要幾多錢了。

我見到網上影出嚟的魚是很細的魚，但我們那一條是頗大的倉魚。

我心諗是否當我水魚？但是條魚煎得很香，魚肉很滑，貴都值得嘅，味道真的十分不錯。

埋單時超級驚喜，全餐只需要$580有找，3個人食平均$200也不用。

我馬上查單，睇吓他有沒有計錯數。

問呀姐條魚要多少錢，他說條魚只需要$90 ，另加加工費。

原來她們只需要收海鮮價錢，再加加工費便可，我覺得價錢很公道，味道亦非常好。

餐廳的海鮮，比起自己出去買，更加平更正。

呀姐話海鮮檔的海鮮會收起不賣給遊客，寧願送貨給餐廳。

難怪我們到街市時，只有很少海鮮賣。

下次必定會再幫襯，不過由於店鋪很細，所以一定要預先訂位，預留海鮮。

👍🏼👍🏼👍🏼👍🏼

星期六入到黎坪洲，遇上呢間小店，非常好彩。

老闆好nice, 食物好新鮮，價錢又非常合班食左：凍瀨尿蝦籠仔蝦糯米飯魚湯蝦醬炒通菜全部都好好味，價錢合共$540，食海鮮黎講算抵食，下次一定會幫襯

入坪洲幫襯了這一家店，點了黃金南瓜鮑魚、赤米蝦籠仔糯米飯、咕嚕肉、豆卜湯同埋茄子炒四季豆。

我個人覺得咁多樣野之中個黃金南瓜鮑魚最好食，個新鮮鮑魚用炸嘅方式去做，保留到鮮味，加上邪惡的咸蛋黃，成件事惹味晒，老闆娘話佢地個南瓜係用日本南瓜，會好食D。

赤米呢期當造，比平時見到的大隻少少，因為原籠一齊蒸，所以D糯米飯會有蝦的鮮味，好正。

豆卜湯係呢一間店的招牌菜之一，豆腐卜釀了魚肉，個湯底就係用鮮魚煲的魚湯，菜式本身唔太複雜不過勝在味道好。

老闆娘話咕嚕肉係用新鮮肉做嘅，所以味道會比用雪藏肉的好。

茄子炒四季豆就正常野啦，唔多講了。

生炒骨$98店裡用了新鮮豬肉來做咕嚕肉，酸中帶甜，十分開胃。

但肉的量有點少，整盤的肉十塊都不到。

鹽焗雞半隻$148我覺得這個菜是最好吃，最值得推介的菜。

雞肉肉質細嫩卻略有嚼頭，沙薑味濃，越吃越有味。

金銀蛋浸時菜$98跟普通的金銀蛋浸時菜差不多，但價錢有點貴。

出前一丁$18這碗出前一丁特別之處是它是用一個鍋端上來，挺有趣的。

可是麵還沒完全煮熟，還有湯有點太咸了。

快車茶餐廳餐單提供港式, 茶餐廳, 冰室等推介美食位於坪洲區，餐廳座位數100人均消費約$101-200，結賬可以用現金，Booking訂位可以電話致電 2983-8756 查詢。

您對於坪洲餐廳「快車茶餐廳」有何 comment？

快車茶餐廳餐廳詳細資料：

• 快車茶餐廳地址:
  坪洲坪洲永安街53號地下
  快車茶餐廳, G/ F.,53 Peng Chau Wing On Street, Peng Chau
• 快車茶餐廳電話: 2983-8756
• 快車茶餐廳價錢: $101-200
• 分類: 港式, 茶餐廳, 冰室
• 座位: 100
• 付款: 現金
• FB專頁: 快車茶餐廳 Facebook

更多快車茶餐廳相關資料:

• 快車茶餐廳分店
• Youtube
• Facebook
• Twitter
• Google