囍串 元朗

囍串 評價 相片

朋友介紹黎依間囍串gathering，除咗串燒，都有提供一啲主食架。

店舖唔算特別大，勝在夠乾淨企理。

未夠7點已經有幾枱客人邊食串燒邊歎啤酒，勁chill。

 用QR code落單，先揀辣度。

今次叫咗幾款串燒同炸饅頭。

串燒會放係一個小火爐上面”興”住，咁就唔洗擔心啲串燒會凍咗。

 右邊係鮮牛肉串，每日限量！牛肉烤完仍然十分嫩滑，非常惹味。

  左邊牛胸爽，即係牛肋骨中間嘅軟骨，好爽口，以為會好油膩點知一啲都唔會。

 厚切牛舌，真心勁厚，以為會好韌，點知一咬發覺原來腍到就黎可以入口即溶！ 金鑲豬皮肉丸，一層豬皮再一層肉丸咁串住，好搞笑！肉丸好札實，而豬皮嗦哂啲燒烤汁，2個一齊食都幾特別。

 孜然羊脾肉，孜然味夠重，羊肉完全冇騷味。

 炸饅頭，炸得金金黃黃，一咬外脆內軟，再沾少少煉奶，真係可以一次食10個XD 我同朋友都唔飲啤酒，所以叫咗2杯其他飲品，估唔到都整得幾出色。

雜莓乳酪好滑，望落用咗唔少種類嘅莓黎整。

水蜜桃梳打夠哂清甜，而且仲好大杯。

元朗隱世串燒小店🥕雞蛋腸$35 ⭐️⭐️⭐️⭐️⭐️熱辣辣彈滑刮刮腸粉，淋上左甜豉油，十分香滑，好香蔥花蛋香。

🥕厚切牛舌$28 ⭐️⭐️⭐️⭐️⭐️表面撒上左孜然粉，入口微甜再慢慢有孜然味出，2塊都好大塊，而且係非常軟腍既牛舌。

🥕紐西蘭羊柳$26 ⭐️⭐️⭐️⭐️⭐️入口易咬，孜然粉不會搶走好香既羊柳味，不會太羶剛剛好，肥瘦均勻好正👍🥕燒豬大腸$22 ⭐️⭐️⭐️⭐️⭐️外皮燒到好脆口，感覺有用到甜醬去燒。

🥕燒五花腩$20⭐️⭐️⭐️⭐️☆皮燒到脆卜卜，五花腩有五層肥瘦均勻，有咬口。

🥕原塊燒雞皮$19⭐️⭐️⭐️⭐️☆雞皮燒到勁脆，撒上左勁多辣粉孜然粉勁惹味。

🥕鮮甜菠蘿$9 ⭐️⭐️⭐️⭐️⭐️菠蘿🍍撒上芝麻，燒得剛剛好，勁甜爆多汁！🥕炸饅頭(3件)$24 ⭐️⭐️⭐️⭐️⭐️炸到好香口，饅頭點上煉奶真係冇得頂👍🥕Oreo Chocolate$45⭐️⭐️⭐️⭐️☆叫左少冰少甜，不會太甜，好香朱古力味🍫，表面插左一塊脆卜卜既Oreo。

小店裝修得好有feel，又播住歌，食番串串燒啤一啤真係幾正幾chill下！冇加一服務費哦！======詳情======囍串元朗安興街5967號安泰樓地下8號舖👣輕鐵豐年路站步行約3分鐘================#香港美食指南  #hkfoodie #hkfood #hkeat #yummy #相機食先 #吃貨 #吃貨日常 #RR吃貨 #美食 #香港美食 #元朗好去處 #元朗美食 #RR元朗  #RR串燒  #串燒 #燒烤 #oreo #燒烤 #元朗 # # # #燒雞皮 #五花腩 #豬大腸 #紐西蘭羊柳 #牛舌 #炸饅頭

今晚同老公食串燒，一路都唔敢去食串燒，成日覺得一串又一串好容易好貴，其實又唔係吖，不過呢間餐廳唔收加一都係一個重點！做到指定要求有九折，好有趣！跳脫黃立倉冇諗過倉魚都可以燒，原來同孜然味都幾夾，魚底面都脆，魚肉仍然嫩滑韭菜燒得到水準來，夠嫩清酒焗花甲外表平平無奇，一定要加粉絲，因為個湯好好味，有蒜香味仲有明顯嘅清酒味，不多不少魷魚乾平時係街當小食咁買，估唔到晚餐都可以食，香口薯仔片口感似炒土豆絲，表面微脆，充滿孜然香，好少見又好食秘制醬牛柳粒夠淋嫩口，有牛肉味，不錯紐西蘭羊柳夠淋嫩口，唔騷，肉中仲夾雜油脂，好鬼好食味道評分：⧭ ⧭ ⧭ ⧭ ⧭燒五花腩肥膏未算入口即溶，但係一咬入口先香口微脆，肉質有咬口得黎又夠淋，絕對出色味道評分：⧭ ⧭ ⧭ ⧭ ⧬燒豬大腸都係微脆，入面肥膏適中，一個值得讚嘅地方係，大腸夠淋而且唔似街邊食炸大腸果d劣質口感味道評分：⧭ ⧭ ⧭ ⧭ ⧬燒芝士年糕呢個精彩，其實我食唔出燒嘅感覺，反而係炸得超香口，香味似炸饅頭得黎唔會有燶嘅感覺，年糕口感亦都剛剛好，不太韌不太軟荔枝蘇打超大杯，兩個人都夠飲，爽！其實佢地味道都係一式一樣，孜然辣椒粉，但不代表悶，因為佢用料質素唔低，所以調味料出手都唔重，因為唔雖要！平時食完串燒會好口渴，今次食完不算太口渴，抵讚！回頭指數：⧭ ⧭ ⧭ ⧭ ⧬抵食指數：⧭ ⧭ ⧭ ⧭ ⧬環境指數：⧭ ⧭ ⧭ ⧭ ⧬

元朗又係食肆多到數唔晒，今晚熱屎辣辣想食啲開胃菜，就入咗呢間裝修普通但食物有驚喜嘅小店🤪店舖位置係車房附近 唔太多人行嘅位置，太少人發掘到佢🥲入到去裝修幾特別，係工業風設計，有唔同燈牌作裝飾打開menu，超多花款，除咗串燒、海鮮類，仲有主食、小食等比一般串燒店更多花款😍 店家話家鄉炒米粉同腸粉都出名 ，可惜今晚想輕食就無叫燒焦豬頸肉$60 係店家必食推介，咪睇佢呢個價錢份量比想像中多，平時出面食泰式豬頸肉要$8090 得幾舊仔，呢到多到我不要不要。

味道香炭燒味又夠熱，想食辣可加辣粉，值得一試👍🏻金湯娃娃菜加粉絲$28+$10姐是蒜茸上海菜，菜份量唔孤寒，湯多到加個粉絲食，完全索晒湯汁 一個字 絕！雞全翼$19燒豬大腸$22秘製醬牛柳粒$24燒五花腩$22燒鱔$45惹味茄子$48爽脆雞腎$17原隻虎皮尖椒$12呢到好細心嘅位係佢哋燒完上菜，係會比個小熱爐你加熱串燒，平時食得一串第二三串都好快凍晒，依加有個爐比你熱住暖住 加晒分🥰雞全翼好香孜然味，熱辣辣大大隻，唔會over cook，一咬會有汁🥹。

豬大腸洗得幾乾淨又無臭味，出街食內臟最怕臭屎味，大腸燒到脆卜卜，好香口☺️。

雞腎夠淋好食五花腩又是一層肥膏一層肉，油脂香口茄子大條啖啖肉，燒得入味👍🏻大杯檸檬茶$28哇，一嚟到大杯到一個人飲唔晒，茶底都濃，又係抵飲必叫整體又係會翻桌，串燒店嚟講價錢抵食好味，環境坐得舒服，又係有好多嘢想試，店員姨姨又好nice👍🏻👍🏻👍🏻🫶🏻

小店嘅裝飾好有特色，字句仲好有趣，打咭一流。

雖然係串燒店，但菜單好特別，港式小食，炒粉麵，連腸粉都有㗎。

QR code自助落單，快捷方便。

仲可以揀埋辣度同濃度，啱哂個人口味。

雞蛋腸粉既然有腸粉咁特別，就緊係要試下啦。

刮刮腸粉，好多皺紋，但質地好滑，有蛋香蔥香，估唔到燒烤店嘅腸粉都幾好食，值得試下。

每張枱都有一個小火爐，可以為串燒保温，啱哂邊食邊傾，都唔怕食物變涷，真係好細心嘅設計。

厚切牛舌厚身大塊，但好軟稔，加埋孜然粉調味，味道相當唔錯。

雞軟骨雞軟骨比較細粒，口感一般。

八爪魚串孜然味重，口感彈牙，唔錯。

燒豆卜要趁熱食，脆卜卜口感超正呀。

燒雞翼雞皮燒得唔算好脆，但仍能鎖住肉汁，保持雞肉嫩滑，唔錯。

清酒焗花甲一黎先飲啖湯，好清甜，酒味唔會太搶。

花甲份量多，另加粉絲，吸哂湯嘅精華，係必食推介。

補腎大法雞子加生蠔純粹貪得意試下，以為雞子生蠔分開上啦，原來唔係，佢地真係同一個菜式黎㗎😂😂。

雞子脹卜卜，有漿爆效果，但就唔係人人都接受佢嘅口感😝。

生蠔又大隻又滑，蒜蓉好香，蓋過腥味。

唔知食完個腎有無好左呢。

珍寶涷檸茶嘩嘩嘩，真係好大杯㗎，好似飲極唔完咁，抵呀。

好喜歡呢間小小串燒店有咁多唔錯嘅選擇，要再黎食過呀。

囍串餐單提供港式, 燒烤, 串燒等推介美食位於元朗區，餐廳座位數未知人均消費約$101-200，結賬可以用Visa,Master,AlipayHK,支付寶,現金,八達通,Apple,Pay,Google,Pay,微信支付，Booking訂位可以電話致電 68076686(Whatsapp) 查詢。

您對於元朗餐廳「囍串」有何 comment？

囍串餐廳詳細資料：

• 囍串地址:
  元朗安興街59-67號安泰樓地下8號舖
  Xi Chuan, Shop8, G/ F, On Tai Building,59-67 On Hing Street, Yuen Long
• 囍串電話: 68076686(Whatsapp)
• 囍串價錢: $101-200
• 分類: 港式, 燒烤, 串燒
• 座位: 未知
• 付款: Visa,Master,AlipayHK,支付寶,現金,八達通,Apple,Pay,Google,Pay,微信支付
• FB專頁: 囍串 Facebook

更多囍串相關資料:

• 囍串分店
• Youtube
• Facebook
• Twitter
• Google