唐記包點 元朗

唐記包點 評價 相片

本來只是帶仔去超市入貨，點知他每次經過地下這間《唐記包點》， #吃貨琋 即刻指住話要食件馬拉糕黎頂頂肚先捨得走~🤣作為媽媽深感明白，《唐記包點》嘅招牌好易認，就算 #吃貨琋 去到邊，只要一見到個招牌，就會嚷著我買 #馬拉糕 、 #饅頭 或者 #菜肉包 給他吃！除了不用等到星期六日有時間嘆茶時先有馬拉糕食之外，她的價錢更是平酒樓一半呀！ 今次卡卡除了買了一件馬拉糕行街即食之外，還買了凍的菜肉包、饅頭及馬拉糕回家~~可以隨時蒸返熱給家中的小寶貝食~💕還可以改變下他們每朝食麵包西餅的習慣~多樣化的早餐是必需的心癢癢的我就忍不住買了一盒鳳爪排骨飯及秘製金錢肚返回家與家人分享~一直都是《唐記》蒸飯及包包忠實粉絲~蒸包真的不多說，食得出 #新鮮好味 ~至於蒸飯鳳爪排有肉汁於白飯上~加配豉油，真的是無得輸系列！好味又飽肚！至於金錢肚就未夠林身，味道是可以的！尚有進步空間！如果可以煮的時間較久，相信應該會更美味~蒸包: 蒸飯:點心:滿分: 5個/5個以上純粹個人意見，每個人的味覺及口味都各有不同，感謝大家欣賞卡卡食評~

由於元朗昨晚有大型示威活動，搞到今日仲人心徨徨好彩朗屏樓下都仲開唐記如果唔係就好似打仗咁去捱公仔麵了大愛呢間唐記有提供小食，燒賣、粉果呢D都係出面市區唐記無提供的由於本人十分喜愛粉果就當然必點今次終於有機會試到特式客飯咖哩牛筋腩飯$29太耐都無煮過咖哩食...因為屋企煮既話，咖哩色超難洗同埋其實呢度有D出面無既新的精選蒸飯，例如：咸蛋牛肉飯、雞蛋牛肉飯另外，2點後仲會出售凍飽俾人返屋企慢慢蒸最後，我就一口氣買左一餐份量咁由於屋邨樓下小食店都唔做蒸粉果的所以只有OK同埋呢間唐記先有辣油、醬油都係呢度出手多D，令到粉果一點都不DRY鳳爪都係基本野，實無死的菜....味道只有YIP對味，就無咩可以挑剔，屬於水準之內金錢肚都係出面無得叫的菜YIP到入曬味，再加上清甜的蘿白埋底所以呢D菜就一半肉一半菜咁，好FRESH咖哩牛筋腩飯簡直一流，因為材料十足有大量的牛筋、牛腩，甚至係有薯仔同埋個咖哩超濃我仲叫左兩個包做下午茶榨菜肉包、菜甫肉包，呢兩個都係出面好少見啖啖肉咁，真係肉食者之選今次也一嘗奶茶既滋味，正

唐記包點幾乎變了我既早餐必食，每次係唔同地方經過都會入去入貨，特別係凍包優惠超抵，所以次次都買家幾個擺係雪櫃做早餐！菜肉包（凍包）買定幾個凍包係雪櫃做早餐，今次買左菜肉包同菜脯肉包，好多料，包面好軟熟，夠肉汁，做早餐夠曬飽！鳳瓜排骨飯係我每次必叫，好好食，飯又香，排骨夠味！仲有配菜，好健康啊！燒賣食落足料，好香豬肉味，又夠肉汁！仲有鳳瓜，個汁好好食，唔會太咸，鳳瓜真係好好食啊～原來唐記除左豆漿仲有d新飲品，今次我買多左枝香滑奶茶，好正啊！似茶餐廳到似咁，啊會太甜，奶同茶味配得剛剛好！正啊！

唔想煮飯，近近地去咗唐記買飯盒！估唔到除咗蒸飯外，唐記仲有特色客飯，例如滷肉滷蛋飯，豬軟骨飯及咖喱雞飯，每款都係$29！試咗滷肉滷蛋飯，飯量一如以往地多，醬汁放另外一格，入面好多滷肉，每啖都食到滷肉，非常足料，絕不欺場。

如果滷肉可以瘦番少少就更好啦！阿妹就想食得清淡D，佢揀返唐記嘅健康蒸飯系列。

雞蛋牛肉飯($25)有荷包蛋，雖然都知有D吹毛求疵，但如果荷包蛋唔係咁熟就完美啦！牛肉餅大大份，肉質唔韌略帶嚼口。

見到唐記推出咗粥品，原先都想一試，可惜已經售罄，唯有買幾個凍包留作第二天早餐。

隔水蒸5分鐘就得，真係好鍾意食唐記嘅中式包，熱辣辣蒸好嘅饅頭入口軟熟，香芋包($7)餡料豐富飽滿，蔥花卷($7)加咗唔少鹹香嘅蔥花喺饅頭入面，味道較為清，但毫不單調。

由於今天收工比較遲懶得煮飯，於是便到屋邨附近的唐記包點外賣回家解決。

接近晚飯時間，見到有不少店舖門口光顧熱辣辣又方便的蒸飯。

諗住試下新野，我忍不住點了新蒸飯鹹蛋肉餅飯，只係$25好抵。

蒸飯熱辣辣，拎住都聞到香味。

肉餅係厚切，足料又唔油，加埋鹹蛋香口送飯一流，仲有新鮮椰菜拌碟，夠健康﹗再加新推出的秘製金錢肚$17:金錢肚入味有咬口，仲有蘿蔔鋪底味奶茶細細枝，但意想不到地好飲，香滑濃郁。

另外我又點了兩個凍飽，分別是香芋包+蕃薯包，大大個又足料都只是$7，十分之抵，可以蒸熱來作為明天健康的早餐。

唐記包點餐單提供港式, 點心, 中式包點等推介美食位於元朗區，餐廳座位數未知人均消費約$50以下，結賬可以用現金,八達通，Booking訂位可以電話致電 23434133 查詢。

您對於元朗餐廳「唐記包點」有何 comment？

唐記包點餐廳詳細資料：

• 唐記包點地址:
  元朗朗屏路1號朗屏商場地下2-3號舖
  Tong Kee Bao Dim, Shop2-3, G/ F, Long Ping Commercial Centre,1 Long Ping Road, Yuen Long
• 唐記包點電話: 23434133
• 唐記包點價錢: $50以下
• 分類: 港式, 點心, 中式包點
• 座位: 未知
• 付款: 現金,八達通
• FB專頁: 唐記包點 Facebook

更多唐記包點相關資料:

• 唐記包點分店
• Youtube
• Facebook
• Twitter
• Google