台灣麵 元朗

台灣麵 評價 相片

The food is terrible, kind of tasteless... the worst are the staffs, been trying to place an order but was completely ignored, even after calling them... when the food came, the threw the food on the table... oh yeah, when I paid, the counter threw the slip at me...

新年雖然冇咩氣氛, 但總係想出街走走。

捉住新年的尾巴, 黎到元朗, 是但入左去台灣麵食下台灣野。

食左當去左。

難得比較大既食店開門, 都好多客人。

我地快快趣, 點左: 醉雞翼肉碎干伴麵, 牛三寶拉麵(牛雜: 牛肚，牛根, 牛膀), 仲有台式既紅燒牛肉麵。

跟餐杯檸水幾大杯, 而且佢既玻璃杯幾新。

餐好快就黎到, 因為都趕係6點要關門。

雖然有d趕, 不過都冇馬呼既, 牛肉麵同牛三寶都算唔錯, 冇韌既, 個沙都幾似台灣既感覺。

醉雞翼都幾大隻, 雖然3隻都係好飽架。

肉躁干伴麵好唔錯, 唔係肥肉老肉。

整個餐感覺良好。

希望快d大家可以安樂地一齊開心食飯。

上面係食過一次，印象麻麻地 今年嚟食第二次，畀多次機會佢睇下有冇進步到，一樣係選擇咗晚餐時段嚟食 星期日嘅晚飯時間，竟然都冇咩人所以唔使等位即刻可以入座我嗌咗個茄子肉燥菜飯朋友就嗌咗個蕃茄 牛肉湯麵啲肉燥都幾唔差嘅，起碼冇某間台式餐廳d肉燥飯咁咸囉！佢d飯都ok熱只係略嫌有少少硬茄子嘅味道就比較淡，平平無奇 不過煮得都幾腍嘅，啲菜就不過不失啦～杯凍豆漿反而幾好飲，唔會話太甜唯一美中不足係淨係得凍豆漿，冇得揀熱飲囉朋友嗌嘅蕃茄牛肉麵，佢話味道都唔錯幾好食，而我就聞到有好香濃嘅蕃茄香雖然冇試過碗麵係點， 不過都應該真係幾好食朋友驚唔夠食 ，嗌咗碟花枝丸 呢個真係不得了啦好香口又脆卜卜 好大粒花枝丸， 比我想像中嘅大外表煎得有少少金黃色，一咬落口外脆內酥香， 食完會忍唔住想食第二粒之後想清晒成碟強烈推介大家嗌呢個試下！！！反而呢碟花雕雞翼，真係好令我哋失望我淨係咬咗一啖，就即刻吐返出嚟放低咗個雞翼冇再食過首先，我覺得佢啲肉煮得好硬囉！又鞋十十咁， 而且啲味真係好奇怪一啲都唔似花雕味真係第一次食咁難食嘅雞翼！連朋友都話覺得唔好食！！！佢勉強再食多幾啖就停口，因為真心難食！

接完個女放補習，佢話有啲肚餓...所以周圍行吓，睇吓邊間餐廳冇咁多人，而家疫情期間～其實間間餐廳都依然係爆棚，只不過睇吓邊間冇坐得咁密啫⋯⋯有啲離譜到整塊隔板，但同對面嗰個食客面對面距離唔夠30cm！😖喺元朗兜咗一大個圈終於經過台灣麵，呢間餐廳不嬲都出名多卡位，見冇乜人所以入咗去起碼安全啲！😊嗌咗個炸雞髀沙律，豬扒包同珍珠奶茶！珍珠奶茶冇奶茶味，珍珠勁甜，可以話係一杯奶水。

炸雞髀好細隻同埋冇味，上面加佐勁多椒鹽，不過比我剷走晒！😅沙律好難食，大部份係薯仔，有幾粒青瓜同埋紅蘿蔔！豬扒包最正常，包皮都脆，豬扒OK！如果好肚餓，又想搵安全距離食飽個肚嘅話都可以考慮！但性價比唔高囉！$38食一隻咁嘅質素嘅雞髀！🙈

喺元朗食早餐都唔知食咩好，因為太多選擇。

行過台灣麵見到都幾多人幫襯，所以就入去食個早餐，食早餐梗係要食沙爹牛肉米粉，佢個沙嗲牛肉米都幾好味，因為附近啲茶餐廳啲牛肉味唔夠味，我老婆就食雞扒，啲雞扒都算幾好又唔會太油太肥，佢個多士先好味，食完一塊都仲想再食，不過咁啱我坐嗰個位有冷氣機滴水就真係唔係咁好，其實佢嗰度都坐得好舒服，不過個收銀就冇乜禮貌，可能我見佢出面又排緊隊我哋又坐得耐😅，整體嚟講都算唔錯嘅。

台灣麵餐單提供台灣菜, 粉麵, 米線等推介美食位於元朗區，餐廳座位數80人均消費約$51-100，結賬可以用AlipayHK,支付寶,現金,八達通，Booking訂位可以電話致電 24707577 查詢。

您對於元朗餐廳「台灣麵」有何 comment？

台灣麵餐廳詳細資料：

• 台灣麵地址:
  元朗教育路37號地下1-3號舖
  Taiwan Kitchen, Shop1-3, G/ F,37 Kau Yuk Road, Yuen Long
• 台灣麵電話: 24707577
• 台灣麵價錢: $51-100
• 分類: 台灣菜, 粉麵, 米線
• 座位: 80
• 付款: AlipayHK,支付寶,現金,八達通
• FB專頁: 台灣麵 Facebook

更多台灣麵相關資料:

• 台灣麵分店
• Youtube
• Facebook
• Twitter
• Google