鮨政 中環

鮨政 評價 相片

朋友話中環有間高質日本小店, 星期6放假一齊去試試位置有啲隱蔽, 不過開google map好快就去到裡面座位唔多, 好彩朋友有book定位我地揀左放題, 可以一次過試多幾款野食開頭每位會上8舊sushi, 係定好左唔需要自己揀既睇到個賣相唔錯, 食材品質都幾好本身好怕三文魚子, 但呢度果啲唔腥我食得到尤其魚腩好肥美油潤!跟住可以劃紙落單我地叫左刺身, sushi同炸物炸物叫左天婦羅, 蟹肉忌廉薯餅同吉列生蠔蟹肉忌廉薯餅幾好食, 雖然幾大件但食完唔會好油膩吉列生蠔就有少少細隻不過整體啲炸物水準都ok美中不足係佢既甜品得2款選擇揀左蕨餅, 凍凍地細細粒中意既話叫多幾粒黎食都得, 哈哈放題質素唔錯, 如果有意揀食材好啲既可以試下選擇呢間小店下次有機會會食下佢其他單點或套餐~

今天女朋友中午黎搵我吃飯，我帶咗佢嚟呢間食過兩次都印象深刻嘅日式餐廳。

印象深刻嘅原因第一係每次嚟到都會蕩失路，因為佢個位實在係太隱蔽，第二係佢啲嘢食真係好高質，性價比好高。

我哋叫咗兩個午餐，分別係壽司拼盤同埋鰻魚飯。

兩個午餐都附送沙律、蒸蛋同埋麵豉湯。

保證食到飽！壽司拼盤一共有10件壽司，師傅喺每件壽司入邊都擺好芥末，非常正宗嘅日本做法，特別鍾意食件帶子壽司、同埋三文魚腩好肥美。

鰻魚飯味道都係非常之好，鰻魚汁甜道啱啱好，鰻魚嘅口感都唔錯，唔會擺入口即刻散晒。

總括來講，喺中上環來講有咁嘅日本餐廳用咁嘅價錢食得到咁嘅質素都係相當之值得一試。

同同事食生日飯，嚟咗呢間小隱秘嘅食店。

舖仔細細20個位左右，有吧枱位，二四人座位都有。

有特選午巿套餐，都有定食丼飯單點。

兩個人都點咗特上壽司拼盆餐。

侍應細心捧餐，擺盤正常。

沙律小碗，淋上醋汁，味道稍為偏酸。

味噌湯材料有紅蘿蔔片、昆布海台，無豆皮豆腐。

稀水狀，無偏咸反而有啲鮮甜味! 茶碗蒸入口暖暖蛋滑溜溜近似水豆腐咁，偏軟身，重高湯味，帶小小魚香味。

料有菇粒、雞肉粒，無蝦、蟹及白果。

10件壽司唔逐一點評，基本每件刺身壽司都會加入咗好小量wasabi芥末，但呢度非用上激辛"嗆鼻"感，應該選用咗芥末醬，所以無標眼水感覺。

重點講帶子、海膽、碎拖羅(吞拿魚蓉)。

帶子係大大粒刀切開半，都有一隻手指粗度厚身，入口係鮮甜，一咬腍爽口，綿綿地。

海膽本身個色澤都亮麗有光澤，並無啞色，入口即溶，一啲腥臭味都無，仲食到僅餘海水味，連埋壽司飯一齊放入口，完全唔想吞落肚! 吞拿魚蓉幼細綿、滑、軟，唔乾，唔油，點埋醬油加埋蔥花點綴，鮮味提升! 壽司飯黏黏結實一團，夾落去堅挺無散開。

咬落去飯粒唔乾身軟硬適中，入口後變鬆散返。

無重壽司醋味，淡咗米香味，份量細細，食10件，一般女仔實飽肚。

除咗壽司，其他天婦羅、魚生丼飯都好吸引。

下次試下食丼飯先~ 千祈千祈記住記住，無訂位只有WALKIN，過12點半九成要等位! 

知道係黃店，必定大力幫襯。

食咗$2000左右，略貴，但物有所值。

用料新鮮，尤其海膽，一啲都唔腥，好有質感。

推介佢地個午餐，百幾蚊有丼、海、沙律，份量適中，經濟之選。

鮨政餐單提供日本菜, 壽司, 刺身等推介美食位於中環區，餐廳座位數未知人均消費約$101-200，結賬可以用Visa,Master,AlipayHK,支付寶,現金,銀聯，Booking訂位可以電話致電 23330802 查詢。

您對於中環餐廳「鮨政」有何 comment？

鮨政餐廳詳細資料：

• 鮨政地址:
  中環威靈頓街97號威利大廈LG樓A及A1號舖
  Sushi Masa, Shop A& A1, L G/ F, Welley Building,97 Wellington Street, Central
• 鮨政電話: 23330802
• 鮨政價錢: $101-200
• 分類: 日本菜, 壽司, 刺身
• 座位: 未知
• 付款: Visa,Master,AlipayHK,支付寶,現金,銀聯
• FB專頁: 鮨政 Facebook

更多鮨政相關資料:

• 鮨政分店
• Youtube
• Facebook
• Twitter
• Google