飲茶 中環
粵菜, 廣東, 點心, 中式包點, 中菜館, 少鹽少糖食店中環餐廳
最後更新:
飲茶推介
新派餐廳，主打注入創新元素的港式點心，推薦「睇住流奶」和「一籠八戒」等。
中環飲茶
| 餐廳分店 | 飲茶 |
|---|---|
| 地區 | 中環 |
| 電話訂位 | 37088081 |
| 餐單 Menu | 粵菜, 廣東, 點心, 中式包點, 中菜館, 少鹽少糖食店 |
| 人氣指數 | 1228 |
| 價錢幾錢 | $101-200 |
飲茶訂位位於中環區，詳細地址是中環德輔道中173號南豐大廈2樓1-2號舖，餐廳寬敞座位數目共有160個。飲茶幾錢？價錢優惠後人均消費大約$101-200埋單，早餐午餐晚餐飲茶餐單包括有粵菜, 廣東, 點心, 中式包點, 中菜館, 少鹽少糖食店等美食，付款方式有Visa,Master,現金,AE,銀聯,微信支付付款，Booking網上訂位可以電話致電 37088081 查詢訂座。
飲茶優惠
飲茶 評價 相片
半年前，經過中環南豐大廈，見到商場外的廣告牌，才得知 <飲茶> 推出外賣飯盒！外賣飯盒包括：小食、流沙包、主菜、飯...等！既特色又豐富！ 由 $78~$80，以份量來說，價錢合理！外賣飯盒 $78小食：呷醋木耳 (含青芥辣)細片柔軟的木耳酸香醒胃略帶微辣！主菜：紅酒牛尾牛尾肉質軟腍又入味；還有，蓮藕、紅蘿蔔...等配菜！飯：櫻花蝦飯炒飯散發香氣，炒得幾乾身，加入香口的炒蛋、蟹籽、爽口的蝦、口感微脆的櫻花蝦，令人開胃！流沙包：睇住流奶這款招牌流沙包有對眼仔相當可愛趣緻！只要用筷子輕輕篤鬆軟的包身，便會甜美的流沙餡緩緩地流出來！燉湯：椰子粟米湯椰子與粟米是清香甜美的配搭！
又有新嘅餐廳加入飲茶大戰優惠，準備好未？聽過飲茶呢間野真係好一段時間，由第一間店開始，那睇住流奶紅遍了IG同FB，紅到連續開咗幾間分店，可惜，一直無機會試。
而家飲茶，一係就同阿爸阿媽去開飲過幾間，一係就會想試吓啲傳統或有名氣酒樓和中餐廳，反而真係冇諗過飲茶要打卡，於是呢間餐廳都只是一直有待跟進。
不過就因為呢一個武肺，香港飲食界上上下下都提供了破天荒嘅優惠，飲茶也不例外。
$148一位自選套餐，都幾肯定，如果兩到四個人嚟飲茶呢個價錢一定冇可能做到，仲要呢個新優惠免茶芥免加一，由前菜到湯到點心到小菜仲有蔬菜仲有甜品，呢個餐全面到可以一個價錢全包真係非常吸引。
因此當晚四個人嚟食呢個自選優惠套餐，基本上可以食盡呢度嘅名作。
前菜有幾個，口水雞和茄子相對精彩，但樣唔夠靚，唔影了。
湯品有四種，海鮮冬蓉羹同鮮菌冬蓉羹都很好，唔會好杰嗰隻情況，不過最出色反而係燉湯，朋友嘅椰皇老雞同阿毛燩湯原來更正，果然原來加錢更好。
點心有五隻俾你揀，有色蝦餃和蝦籽燒賣，你以為好普通，全部都好精美，蝦餃係認真有色更搶鏡，而且皮薄餡靚，菠菜鮮蝦粉果同透明波波都係好靚又好食，證明左呢度嘅點心唔係得個樣。
小炒數量非常多選擇，有椒鹽豆腐，舉手雞飯和懷舊蝦多士，仲有蓮藕煎肉餅，鳳梨咕嚕，辣蟻粉絲，如果加錢嘅有椒鹽魷魚鬚，蜜椒牛仔骨，西泠蝦球同水煮辣牛和辣魚等等。
一定要讚嘅就係呢度嘅水煮，份量雖然唔會好大，但係非常好食仲要有辣薯粉提供，食到我勁想嗌一碗飯來送。
另外懷舊蝦多士和舉手雞花都係好出色，舉手雞花味道非常濃，甜甜的好好食。
蔬菜方面，最好食就係呢個煸四季豆，薑汁芥蘭就相對就普通一點。
最後一刻才吃的甜品當然不能錯過呢個睇住流奶，都唔使講有幾好食同埋有幾好影相呃like，必點項目就是了。
同場加映另兩個額外點心，叫一籠八戒同鴿呑鳳梨，全部都係又靚又好食，如果呢幾個點心可以喺個自選Menu𥚃面揀埋應該會更加完美。
如果你訂不到唐人館或者誠哥個幾任食點心，過來飲茶都不錯呀。
飲茶 中環德輔道中173號南豐大廈2樓12號舖
已經在飲茶飲過很多次茶第一次覺得它的名字很有趣喜歡這間餐廳的衛生，價錢又合理中午午餐跟同事點了幾道菜，打算輕食，結果非常飽近朱者赤 (咸魚+雞粒)第一次吃這種顏色鮮艷的咸魚雞粒炒飯色素是天然食材紅菜頭製成陣陣鹹魚味道濃郁十分香噴噴飯身炒得乾身，入口煙韌彈牙雞絲拉皮很喜歡的一道涼拌菜冷涼透爽的粉條散發陣陣芝麻醬香雞絲肉帶點咬口，一煙一韌，口感豐富皮蛋豆腐非常考刀功的把豆腐切成超薄同樣用上芝麻醬香太子麻菜菠菜捲成花狀再配以芝麻醬調味些少飛魚籽提升鮮味
大約一個月前，曾一家人到訪過旺角朗豪坊的飲茶，其實感覺幾好，當然，對於一個三歲已經跟老爸飲早茶的人，幾十年下來，總有一套標準，不少點心已經漸變，又或是靜靜退出舞台，相信好多人聽都未聽過，遑論食過，好彩仲有偉大既維基search。
今次跟朋友走訪同集團中環核心店，玻璃外層斗大的「茶」字，老遠都見到。
可能是成本較高關係，雖然同樣有套餐供應，但價錢跟旺角分店有點不同，多了$20。
在「限聚令」下，6位朋友都要分兩檯，但食物擺放是鬆動得多。
畢竟是集團式，菜色是保持水準。
套餐（$148/位）兩位起涼菜 呷醋木耳口感清新爽朗，可以挑起了食慾。
七彩茄子及流口水雞BB辣，但幾惹味。
湯品推薦椰皇老雞（加$20），雖然要加錢，但好清甜，不錯。
海鮮冬蓉羹幾足料，唔想加錢可以一試。
點心 有色蝦餃色彩不及旺角分店的亮麗多彩，餡料同樣十足，而且味道依然。
至於菠菜鮮蝦粉果、蟹籽燒賣及鵪鶉蛋燒賣，都能保持水準。
朋友第一次食透明波波，對於內裡的雜菌餡料大讚好香。
小炒 舉手雞花比起上次食比較多汁，而且體形較大。
懷舊蝦多士中規中矩，炸得略嫌過火。
蓮藕煎肉餅咬落爽脆，但感覺有點油膩。
辣蟻粉絲大家一致讚賞的菜色，是螞蟻上樹的變奏，粉絲炒得好乾身，辣蟻其實是肉末，用來送飯一流。
至於水煮辣牛及水煮辣魚，都是BB辣級數，但牛肉沒太多化學品處理過，而魚肉亦大大舊，肉質嫩滑，墊底的豆芽同薯粉掛滿了辣汁好惹味。
西檸蝦球漿粉可以更薄，甜酸度拿捏得幾好，亦沒有多餘的醬汁。
蔬菜清清地當然要整返碟菜，而薑汁芥蘭、金銀蛋時菜、上湯菜苗及煸四季豆，都是處理得不錯。
甜品 椰汁馬豆糕蜜糖蛋散炸得啱啱好，趁熱食最好。
睇住流奶奶黃餡料熱辣辣，「吱」出的賣相好攪笑。
散點 鴿吞鳳梨每籠只得3隻，人多就要追加，不過都係覺得賣相比味道出色。
一籠八戒夠晒萌，包皮鬆軟可口，正。
馬拉盞椰菜苗炒得綠油油又香口，有驚喜。
擔擔湯麵跟旺角店一樣，麵條實在太腍了。
櫻花蝦飯炒得好乾身，有水準，尤其是粒顆分明，櫻花蝦可以更重手，飯粒的熱力可以把櫻花蝦的香味逼出。
感覺上，點心大致平穩，其實個別小菜更出色，有時候，都要點啱菜色嘅！
吃過”飲茶”一次，那個可愛的包點”睇住流奶”叫人印象難忘，好味，而且玩味濃，老實說，咁可愛，女士同小朋友就一定鍾意。
老公未來過，自然就要帶下佢過黎，平時佢會成日帶我去食嘢，今次等我帶返佢未食過嘅地方。
好多餐廳都有特價menu，連飲茶都不例外，今日第一日假期就試咗呢個自選套餐。
先有兩菜有口水雞，七彩茄子同木耳選擇。
湯品有幾種，海鮮東蓉羹和鮮茵冬蓉羹用唔使加錢，如果你要選擇燉湯或者椰皇老雞就要加錢，不過我極力推介椰皇老雞，用一個椰子燉雞湯，好清新好甜。
點心有蝦餃、燒賣、鵪鶉蛋燒賣、透明波波和菠菜鮮蝦粉果你揀，全部都係水準之上。
我覺得最精彩嘅，反而係各種小炒，全部都係多過二人份量，水煮辣牛同水煮魚辣魚都係好正，我非常鍾意嘅菜式，平時我都唔係好辣，但係我覺得呢個好得。
懷舊蝦多士都非常精彩，另外我都好鍾意辣蟻粉絲。
當然不能錯過蔬菜，有芥蘭，金銀蛋時菜，菜苗同四季豆俾你揀，食乜就悉隨尊便。
最後甜品當然要揀”睇住流奶”，可愛得嚟又好味，又唔會好heavy。
兩個人嚟飲茶，又唔使茶錢，每人$148可以食到好飽又可以食到飲茶嘅首本名菜，咁抵點會唔黎。
飲茶餐單提供粵菜, 廣東, 點心, 中式包點, 中菜館, 少鹽少糖食店等推介美食位於中環區，餐廳座位數160人均消費約$101-200，結賬可以用Visa,Master,現金,AE,銀聯,微信支付，Booking訂位可以電話致電 37088081 查詢。
您對於中環餐廳「飲茶」有何 comment？
飲茶餐廳詳細資料：
- 飲茶地址: 中環德輔道中173號南豐大廈2樓1-2號舖 Yum Cha, Shop1-2,2/ F, Nan Fung Place,173 Des Voeux Road Central, Central
- 飲茶電話: 37088081
- 飲茶價錢: $101-200
- 分類: 粵菜, 廣東, 點心, 中式包點, 中菜館, 少鹽少糖食店
- 座位: 160
- 付款: Visa,Master,現金,AE,銀聯,微信支付
- FB專頁: 飲茶 Facebook
更多飲茶相關資料:
香港餐廳2026推介9月