都爹利會館 中環
地址: 中環都爹利街1號上海灘3至4樓
最後更新:
都爹利會館推介
都爹利會館的下層是時尚雅致的餐廳，上層是休閒舒適的會客廳和綠化露天花園。餐廳由曾任職唐閣的星級大廚蕭顯志師傅主理，蕭師傅忠於粵菜傳統，菜式保留粵菜正宗口感和味道，再以現代手法呈獻。酒吧請來屢獲殊榮的調酒師Alexandre Chatté特別構思酒單，讓客人對復古雞尾酒有全新的感受。
中環都爹利會館
| 餐廳分店 | 都爹利會館 |
|---|---|
| 地區 | 中環 |
| 電話訂位 | 25259191 |
| 餐單 Menu | 粵菜, 廣東, 中菜館 |
| 人氣指數 | 998 |
| 價錢幾錢 | $401-800 |
都爹利會館訂位位於中環區，詳細地址是中環都爹利街1號上海灘3至4樓，餐廳寬敞座位數目共有170個。都爹利會館幾錢？價錢優惠後人均消費大約$401-800埋單，早餐午餐晚餐都爹利會館餐單包括有粵菜, 廣東, 中菜館等美食，付款方式有Visa,Master,現金,AE,銀聯付款，Booking網上訂位可以電話致電 25259191 查詢訂座。
都爹利會館優惠
都爹利會館 評價 相片
點滷豬手，上枱擺盤好精美，分給大家先發覺好特別。
原來下邊有厚厚嘅豆腐薦底。
睇真啲原來只有豬皮同脂肪，冇肉冇骨，師傅刀工好厲害。
另外一味豉椒排骨米線。
排骨差不多件件都只有骨同脂肪。
執碼都好友功夫。
都爹利會館嘅Weekend Brunch都係有d難book，咁難得有日上網book到喎，咁就一定去試下米芝蓮一星嘅威力啦！一去到餐廳，佢d裝修有d古色得嚟又好新潮，完全同平時食嘅中菜餐廳好唔同，但又絕對唔係食fusion菜果隻，係個waiting area等咗一陣，12點就正式入場，我哋嘅用餐地點係4/F嘅Salon，bar嘅形式，所以個氛圍係會比較chill d，weekend喎，就當然要chill下！由於佢係酒吧嘅關係，所以d枱都會比較矮d，但用餐係ok嘅！其實呢我唔飲酒嘅，所以只可以叫最basic果個set，包任飲果汁同汽水，sparkling water同ginger ale都有！最後我係喪飲橙汁（都ok嘅）！佢其實d食物選擇都有好多，有點心， 小食，主菜，粉麵同甜品。
咁我哋就拿拿臨畫咗d嘢試下！因為即製嘅關係，都要等咗1520分鐘d蒸點心先出嚟。
佢點心最好食其實就係蝦餃！一啖一粒咁我哋都叫咗幾round！其實個櫻花蝦皺紋腸其實都幾好食，櫻花蝦好香，腸粉都好好食，但個portion都好足叫一次已經好夠！炸嘢呢就芝士煙肉蝦春卷最好食，炸得好香又夠脆，個餡嘅味道比例啱啱好，又係反兜咗次！到小食啦，超推介香麻牛𦟌，細細粒有香味又琳！但個海鮮酸辣羹就太酸啦，得個酸字搞唔掂！到主菜啦，北京烤鴨好好食，細細件包好晒，但食落唔會油個味又勁正！佢一客有4件，我哋一人食2件都要留肚食第二d嘢！中式牛柳條就不過不失啦，試下都ok！個惹味蝦仁好正，d蝦勁大隻又彈牙，佢仲要唔少粒數！到甜品啦！全部都係水準之作，絕對唔會hae你！埋單每人$647，咁樣食點心同有d主菜就唔係好抵㗎啦，但環境俾到你好chill又有好services，都可以試下嘅！
嗰日同好朋友即興約👯♀️ 一齊去試吓米芝蓮一星嘅The Duddell’s「都爹利會館」食點心放題🤪🤪🤪 平日真係好少飲夜茶 要係放題 真係好特別😂 嗰陣做緊「懷舊點心夜」嘅優惠 任食32款懷舊點心 都只係$298/pp 咁嘅價錢可以無限任食米芝蓮點心都算好抵啊🥳🥳🥳 唔好睇少我地兩個女仔 竟然一共食咗好似起碼6、7輪🤭🤭🤭 我地抱住要「食返夠本」嘅心態試曬點心紙上面嘅大部分點心🌝 不過因為我地顧住食 無影曬全部食咗嘅點心😛 同埋環境燈光太昏暗太浪漫🌹💖 唔夠光 影唔到好清楚啲點心🤣🤣🤣✨✨✨蒸籠美點✨✨✨▫️筍尖鮮蝦餃👍🏻▫️潮州蒸粉果👍🏻▫️都爹利燒賣👍🏻▫️鮮竹卷牛肉球👍🏻▫️XO醬排骨👍🏻▫️薑蔥牛柏葉▫️醬皇蒸鳳爪👍🏻▫️上湯鮮竹卷👍🏻▫️古法馬拉糕👍🏻▫️香芋鴨腳扎👍🏻▫️荷葉糯米雞👍🏻▫️時菜鯪魚球▫️經典雞包仔▫️碧綠上素包✨✨✨即煎美食✨✨✨▪️香煎蝦米腸👍🏻▪️香煎蘿蔔糕▪️香煎馬蹄糕▪️經典煎釀三寶👍🏻✨✨✨焗炸經典✨✨✨▫️焗叉燒餐包👍🏻▫️五柳炸雲吞▫️金鈎鹹水角▫️蒜香蝦春卷👍🏻▫️上素腐皮卷👍🏻▫️酥皮焗蛋撻👍🏻✨✨✨街頭風味✨✨✨▪️韭菜豬紅👍🏻▪️懷舊碗仔翅👍🏻▪️惹味咖喱三寶（蘿蔔、魷魚、魚蛋）👍🏻✨✨✨地道甜品✨✨✨▫️海帶綠豆沙👍🏻▫️傳統芝麻卷👍🏻▫️清香白糖糕▫️椰汁紅豆糕👍🏻
由於而家冇咗晚市又唔想屋企老人家煮飯煮得太辛苦於是一早喺二月頭就已經上網訂咗都爹利會館嘅北京填鴨外送餐單同埋一個羊腩煲錢都即刻比晒點知俾晒錢之後嘅一個星期先通知我哋預訂嘅羊腩煲賣晒☹️呢啲咁低級嘅錯誤我諗應該唔suppose發生喺一間米芝蓮一星餐廳啩？好啦咁就唯有再揀過其他食物啦其中一個菜式就係炒飯嚟嘅但由於屋企人都麻麻地炒飯於是就想轉另外一啲炒鴨鬆嘅餸WhatsApp同電話都同都爹利會館嘅職員再三確認咗轉菜式嘅事宜佢哋都回覆我哋係冇問題嘅不過我咁樣講你都估到最後嚟嘅都仍然係嗰款炒飯啦🥲以上兩點都唔係最令人失望嚟緊要講嘅嘢先係最離譜話說我哋知道臨近歲晚交通一定會係一個好大嘅問題於是我哋喺送貨當日 即係年廿九嘅下晝特登再打多次去都爹利會館提醒佢哋準時出車同可能會塞車嘅問題同埋希望司機出車嘅時候打個電話俾我哋通知聲(其實落單嗰陣已經同職員講咗呢個要求，佢哋話會打落remark)當然最後呢個電話都係冇收到啦🤷🏾♀️我哋寫嘅送貨時間係晚上7:00至7:30等到7:15我哋就打去都爹利會館問吓啦點知對方話佢哋都搵唔到個司機喎😧叫我哋再等吓佢哋會努力聯絡OK!咁又繼續等啦聽電話個女仔話7:30會再打俾我哋等到過咗7:30都係冇收到任何人打返俾我哋嘅🙃所以唯有再打過去今次聽電話嘅係另外一個女仔都係嗰啲對白話佢哋搵緊個司機不過都係搵唔到喎🙄大佬！咁我冇理由全家無了期咁等你㗎？我就算再叫其他外賣麥麥送都要時間啦下話？於是我就同佢講不如等到八點啦你哋個terms and conditions話要有30分鐘buffer呀嘛咁就等到八點啦唯有個女仔話好 仲應承我八點會俾個回覆我 打返俾我估都估到緊係冇人喺8點打返俾我啦更加令人氣憤嘅位就嚟啦我打返去都爹利會館都爹利會館喺呢個時候竟然選擇!!!唔。
聽。
電。
話!!!!!!!!???我嬲到連續打咗30幾次佢哋又好嘢喎！真係忍到唔聽㗎喎！後尾等到夜晚差唔多九點千呼萬喚始出來嘅外賣終於送到我即刻捉住個司機問吓佢因乜事遲咁多先送到嚟啦佢話佢一晚要走成六個地方🥺呢六個地方基本上係遍佈港九新界包括筲箕灣將軍澳長沙灣荔枝角何文田同埋新界東我話咁你知唔知我哋呢張單要求嘅送達時間係7:00至7:30?佢話佢知啊 仲要6:00已經準時出車我見佢大汗搭細汗咁樣我都完全明白錯不在司機😢只可以同佢講聲辛苦晒同新年快樂就目送佢離開其實邊有可能喺一個鐘頭之內用架貨Van走勻港九新界六個地方？foodpanda嘅電單車都唔得啦🤡同埋如果係要一個司機連續送六張單嘅話都爹利會館係點樣確保呢啲食物送到客人手上仲係熱辣辣？即係完全冇考慮過食物質素呢一個點啦😡仲夠膽死收額外運費差唔多成$500呢個價錢直接call架的士由中環不停站地去到我位於新界嘅屋企都仲有得找啦所以今年嘅團年飯真係非常之難忘🥲成家人戇居居咁樣餓着肚皮乾等等所謂一星餐廳都爹利會館送個凍冰冰嘅外賣最慘仲要一肚氣🤬真係未聽過一間高級餐廳可以咁樣拒絕接聽電話應承咗會打返俾我哋但冇咗件事都算啦仲要咁樣逃避自己餐廳製造出嚟嘅問題?我打咗成千幾字去分享呢一個經歷就知道究竟有幾嬲😂一星？配咩？🤧🤧🤧
新一年話咁快又過咗一個月，今日黎個Sunday Brunch獎勵下自己呢個月辛勞嘅工作😎Sunday Brunch Menu (12pm開始，3pm交枱)食物All You Can Eat，雖然選擇唔多，其實每樣試吓已經好飽。
加埋Champagne free flow好有放假感覺😄食物方面我哋試咗好多款，掛住食無影太多相，或者碟野食左一半先影😂味道整體ok，有幾樣我幾鍾意✅天府辣子雞 脆脆的，好香好惹味✅香麻牛𦟌 牛𦟌好軟配上微微麻辣超正✅紅油抄手 皮薄汁好味，雲吞細細粒連汁超入味✅北京烤鴨 已經幫你包好，啱曬懶人✅西湖牛肉羮 好飲夠味又唔會咸大部分食物每客細細碟等你試多啲唔同野，如果食量細嘅就唔好叫包同腸粉，portion唔夠細又容易飽😂以Michelin一星黎講，食物唔錯但未算驚豔，但配埋個環境感覺係好relaxing。
服務亦都好，會不斷幫你refill champaign。
整體experience係好嘅，下次再嚟request坐outdoor先～
都爹利會館餐單提供粵菜, 廣東, 中菜館等推介美食位於中環區，餐廳座位數170人均消費約$401-800，結賬可以用Visa,Master,現金,AE,銀聯，Booking訂位可以電話致電 25259191 查詢。
您對於中環餐廳「都爹利會館」有何 comment？
都爹利會館餐廳詳細資料：
- 都爹利會館地址: 中環都爹利街1號上海灘3至4樓 Duddell's, Levels3&4, Shanghai Tang Mansion,1 Duddell Street, Central
- 都爹利會館電話: 25259191
- 都爹利會館價錢: $401-800
- 分類: 粵菜, 廣東, 中菜館
- 座位: 170
- 付款: Visa,Master,現金,AE,銀聯
- FB專頁: 都爹利會館 Facebook
更多都爹利會館相關資料:
香港餐廳2026推介9月