角落 中環

角落 評價 相片

我對於波希米亞風嘅裝潢真係零抗拒力～​之前Bookmark已久～終於得閒去蘭桂坊嘅樓上Cafe「角落Corner」啦！​店子位置唔大，但每個角落都非常精緻，好似乾花牆、韆鞦、霓虹燈、藤編屏風及掛飾等等，滿布女生喜愛嘅元素！（又可以瘋狂打卡...😝😝😝）​食物方面，主要都係西餐輕食為主，必定要試招牌嘅番茄乾醬烤大蝦意粉、All Day Breakfast！另外，Corner仲有提供埋素食或生酮餐單，迎合唔同人嘅飲食需要！整體比我嘅感覺都好好！​✦ 番茄乾醬烤大蝦意粉第一下見到呢兜意粉，坦白講感覺好乾咁，碟底係一點醬汁都無。

但食上口，發覺完全係第二種質感，個醬汁比想像中柔潤，唔會有任何「鯨」汁或斷粉嘅情況，蕃茄醬及香草又炒得夠惹味，隻味有啲肉醬意粉，但係無牛肉碎嘅情況下都炒得咁香，確實係做得唔錯！​至於大蝦，共有2隻，都幾多肉及多膏，蝦肉爽口彈牙，幾新鮮。

​✦ All Day BreakfastCorner嘅ADB，基本設置組合，味道合格以上，唔係話好特別。

整個ADB，比較令我難忘嘅，反正係焗豆！呢度嘅焗豆由多種豆混合而成，除咗基本嘅黃豆，仲有腰豆、夏威夷果仁及藜麥等，營養價值高啲，口感又好豐富！幾正！​​✦ Souffle Cheese Cake 呢個芝士蛋糕嘅質地真係無得輸，好鬆軟但又好濃芝士香！​✦ Strawberry Mont Blanc呢款蛋糕就好棉好遠，有啲似水果班戟，不過對我嚟講甜咗啲。

​✦ Keto Coffee咖啡加咗椰子油及牛油製作，好rich，好香，典型嘅生酮咖啡，不過第一下有啲唔係好習慣，口感真係幾膩。

​​✦ 士多啤梨荔枝綠茶呢個水果茶正常發揮，因為有士多啤梨嘅關係，帶少少微酸，用嚟送蛋糕就perfect喇！​

約咗朋友喺中環tea， 冇咩idea 朋友介紹咗 晉逸蘭桂坊精品酒店2樓嘅「角落」～ 飲咖啡 ，打卡一流。

平日下午都唔少人， 勁多打卡位～ 張吊椅設計 幾休閒，坐得好舒服😍手機點餐， 簡單快捷 一目了然。

Iced Chocolate顏色襯得好靚， 可可味道濃郁， 唔會太甜， 加入特濃鮮奶口感特別幼滑豐富。

注重飲食健康 可以揀現今流行嘅生酮系列食品，All Day breakfast 或者蛋糕系列. 就好似呢個『生酮全日早餐』$168 係冇澱粉質。

沙律菜夠爽脆， 對我嚟講牛油果就係我嘅澱粉質， 香甜軟熟，非常滿足！芝士釀大啡菇，味道超濃郁又juicy！串茄夠香甜。

雞肉份量好足，唔算好乾。

唯一比較有油香嘅煎豬腩肉也非常香口！怪不得想瘦身嘅人會選擇生酮飲食～ 淨係食肉同菜飽肚感也非常充足！煎帶子香草黑蒜意粉$128帶子煎得啱啱好， 裏面質感仲有啲似刺身， 好鮮甜。

香草黑蒜炒過嘅意粉非常惹味～ 一片片黑色嘅羅望子？ 味道酸酸地有啲字加應子😋👍 中和了濃味的菜式。

Earl Grey Blue Flower （Iced）味道清淡，Earl Grey 味道並唔突出， 亦沒有花茶嘅味道～ 夠健康不過但味道冇乜驚喜～

今年既蘭桂芳冷冷清清，好多間店舖都關左門，唯一開既都係做下午市，真係好慘淡🥺呢間cafe位於蘭桂芳精品酒店入面，以波希米亞風作主題，成間餐廳燈光都係暖色系，有種柔和舒服既感覺All Day Breakfast煙肉、德國腸、牛油果醬多士、薯餅，田園沙律、炒蛋 & 烤串茄，份量唔算好多，味道都不錯煎帶子香草黑蒜意粉意粉雖然乾炒，但食落一d都唔乾，每一條意粉都食到好香既香草黑蒜汁，帶子煎到表面香脆，擺碟都好靚，又好睇又好食Keto Coffee生酮咖啡，又叫做防彈咖啡，係無糖黑咖啡入面加入了無鹽既牛油和椰子油生酮飲食法以限糖飲食為主，盡量少食碳，以油脂代替平時從碳水化合物的能量，是近期熱爆既減肥飲品之一味道飲落似可可同燕麥奶既味道，甘甘地咁，但咖啡味就唔係好飲到，我都係鍾意正常咖啡多dLatte奶泡打得好綿滑，以為咁大杯，奶味會搶晒咖啡味，但兩者平衡做得好好價錢方面就係中環既價錢，我覺得合理的，如果大家想坐窗邊記住book位前request, 因為多數都會卑人坐左

在中環吃飯後，就來到新開樓上鋪的【角落】飲杯Rose Latte ($38),向店員查詢，店中採用的咖啡豆 主要時Brazil, Peru& Colombia, 咖啡味道酸度低，玫瑰花糖水的香甜都適中，拉出天鵝圖案都好仔細都好靚，地方環境放滿不少乾花作裝飾，有不少打卡的位置可以拍下照，柔和微暗昏黃的燈光，木枱櫈加突顯自然、觀感讓人感舒適的一面，加上播放鋼琴彈出音樂，都讓人感到放鬆，不少客人都正在打卡，又有搖籃櫈可以坐，又可以與不同的乾花拍下照都會令人更添歡喜。

每個人身邊其實暗地裡都會有一位專屬既DJ為你打歌，尤其是係你最失意既時侯，"呢首歌"就係陪你渡過最艱苦既既靈藥。

係中環呢間波希米亞風系列既「角 落 · Corner Café」賜我無窮生命力；同時望住一片寂靜的打卡牆，我不禁哼起了歌上來……你就像那夏天的涼風，吹過我的面孔，情翔飛…👇📌On · Toast ▪ Grilled Mushroom · Rye Toast · Avocado Paste $118▫ 係一個角落盡頭就係另一個角落既誕生，對住個窗邊一邊觀察人生百態外，一邊食住呢個充滿牛油果香既「烤蘑菇·牛油果蓉·多士」。

大概呢種就係享用吧；加上蘑菇香味濃厚、多士口感鬆脆，旁邊仲有沙律菜同小蕃茄既配襯，清新感覺返哂黎！📌P a s t a ▪ Black Garlic Spaghetti · Aglio e Olio · Pan Seared Scallops $128▫ 再黎多個「煎帶子·香草黑蒜·意粉」，一上枱已經聞到好重黑蒜味，加上帶子煎得帶少少焦香，入口彈牙，幾有驚喜；而意粉煮既時間控制得岩岩好，煙韌度十足又夠乾身；加上擺盤精緻，打卡就岩哂啦。

📌D r i n k s ▪ Caramel · Latte $42 (Large)▫ 咖啡除左要識得欣賞佢果種香味外，另一樣就係拉花既藝術。

相機食先第一重點就係要賣相要夠靚仔。

呢杯「焦糖·拿鐵」就無得輸，完全符合我要求，入口唔會太甜，口感順滑，抵讚！▪ Iced · Chocolate $50▫ 一個畫面充滿住銀河像霧，變化無窮，成件事特別吸晴。

講緊既係佢地「凍·朱古力」除左本身既漸層效果外，飲落朱古力味夠突出，奶味十足，唔錯。

📌D e s s e r t s ▪ Fuji Apple · Cheesecake $48▫ 甜品方面佢地既選擇有好多，係花多眼亂既情況下最後揀左佢呢個「富士蘋果·芝士蛋糕」。

事關比佢成個造型吸引左，大量既蘋果碎佈滿成個底盤，食落芝士味夠濃郁；每一啖都食到蘋果碎既爽脆口感，睇得又食得，正！

角落餐單提供西式, 三文治, 咖啡店, 樓上cafe等推介美食位於中環區，餐廳座位數30人均消費約$101-200，結賬可以用AlipayHK,支付寶,現金，Booking訂位可以電話致電 23824899 查詢。

您對於中環餐廳「角落」有何 comment？

角落餐廳詳細資料：

• 角落地址:
  中環德己立街23號晉逸蘭桂坊精品酒店2樓
  Corner Cafe, 2/ F, Butterflyon L K F,23 D' Aguilar Street, Lan Kwai Fong, Central
• 角落電話: 23824899
• 角落價錢: $101-200
• 分類: 西式, 三文治, 咖啡店, 樓上cafe
• 座位: 30
• 付款: AlipayHK,支付寶,現金
• FB專頁: 角落 Facebook

更多角落相關資料:

• 角落分店
• Youtube
• Facebook
• Twitter
• Google