珺 中環

珺 評價 相片

今次去咗中環近蘭桂坊嘅一間高級fine dine feel素食，可能係我食過最正嘅素菜👍🏻👍🏻。

♦️今次叫嘅係二人午膳套餐，$428再加一，我可以話一定係物超所值，食完不後悔😋先係前菜，羊肚耳秋葵配甜酸醬油同田園沙律，兩款都調味恰到好處，做到開胃嘅功能😊再嚟到湯真係好好好好好好好好好好好好正正正正正正正正正正正正正正正正正正正正！一款中一款西都係滿分之選 百合竹笙羮真係啱晒我河車，足料好食加埋胡椒香味，打打下字我已經想再去食😂😂😂而南瓜湯真係原汁原味濃厚南瓜味，做得仲好過好多西餐廳！！。

♦️到咗主菜一樣精彩～二人套餐最好嘅地方係可以試到三款主菜🤤先嚟玫瑰叉燒真係比佢外型呃晒，同一般叉燒無分別！食落口都做到九成似，微焦香配上玫瑰味道嘅醬汁，夠打贏大部分真叉燒😍第二款係沙茶醬茄子獅子球，呢道菜比玫瑰叉燒更驚人，因為係連入口都99%似肉，如果無人同我講佢係素，我基本上唔會質疑😅而露荀黑松露意大利飯就可以用嚟填飽個肚，但佢都做到比美出面意大利餐廳嘅質素，無得頂！。

♦️加小小錢可以有埋甜品嘅，我今次就試咗雪影酪梨，佢係薑味嘅牛油果醬咁，又好食又健康，連甜品都做得咁有心思，我真係比個服字佢💯

冬天食肥咗，想減肥食素食，朋友就帶咗我嚟呢間新開不久嘅中法fusion素食餐廳，估唔到又幾有fine dining感覺。

我哋叫咗個二人套餐（$428），包括頭盤、湯、三個主菜。

點餐後不久就上花生小食，係用反沙芋頭嘅做法，甜甜的幾特別。

頭盤試咗烤菇沙律同埋麻辣洪湘蓮藕BB。

前者比較西式的，烤菇厚厚的，菇味濃洧。

後者是四川麻辣口味，蓮藕BB第一次食，口感非常爽脆，配搭雲耳，好清爽的前菜。

跟住就到湯，我哋試咗純素羅宋湯同埋泰式冬陰功湯。

羅宋湯就是一般西餐的濃郁蕃茄湯，不得不提配搭的麵包很香脆，用來沾湯食一流。

泰式冬陰功非常香濃，酸辣加上一些香料，味道非常惹味。

玫瑰叉燒這很有驚喜，係麵筋造成的叉燒，配上自家製的玫瑰露叉燒醬很香，最驚喜的是做到叉燒外層邊邊那種糖膠燒得焦香的感覺，真的很有食叉燒的味道😍。

宮保醬炒羽衣甘藍羽衣甘藍沙律就食得多，中式炒菜食法我就第一次食，又幾好食，唔會有草青味，配上宮保醬非常惹味，配料有一些菇菌，驟眼看很像炒肉片呢！食完呢個覺得自己很健康😂🙈咖喱羊腩螺絲粉素羊肉是肉丸造型的，咬落去有真肉一絲絲的質感，味道有啲似新豬肉果種，唔覺得自己食緊素菜。

螺絲粉每一粒都掛滿咖喱汁，少少辣加上黃薑的香味，越食越開胃😋最後我哋加了$30食埋甜品，試咗一個中式，一個西式。

西式的比較有驚喜是純素芝士蛋糕，質地幼滑，有檸檬香，味道非常清新，配上芒果醬及鮮果，賣相味道都不錯。

中式係芝麻糊，芝麻香濃，略嫌太過糊狀，稀一點會較易入口。

總括而言，這素食午餐顛覆以往傳統的素食的觀感，賣相精美而且味道不錯，素食都可以係fine dining，慶祝特別節日可以多一個選擇。

平日放假悠閒的節奏，選擇了過海去吃一間朋友推介的素食lunch，洗滌身心靈。

餐廳位於中環威靈頓廣場，位置蠻便利的，最近素食大熱，也越來越多人發現，我們根本不需要這麼多肉，少吃肉對自己和地球也好。

來這裡我們吃lunch for two 二人套餐＄428，有每人會有頭盤和湯，然後三個主菜，甜品或咖啡要另加錢。

烤菇沙律 很大很新鮮的烤菇切成小片方便食用，底下還有不少新鮮沙律菜。

麻辣洪湖蓮藕BB 麻辣度比我想像的強，達到很刺激的程度，蓮藕BB很有趣平常少見，爽脆可口。

純素羅宋湯 看到了只想到一句詞，貴精不貴多，啖啖皆珍貴，羅宋湯是蕃茄味較重的雜菜湯，的確濃郁出色，沒有肉後湯很清徹不油膩。

泰式冬蔭功 濃稠的質感，是另外一種感覺，有椰奶香，有點辣，有著泰式異國風情。

開始踩入主菜，雖然是二人餐分享三個主菜，這裡有fine dining的配備，細心的將菜一分為二，每人有自己的一碟，而且擺盤認真又有佈置，看著都開心。

玫塊叉燒我想應該是餐廳的Signature 美食，看得出來的用心，叉燒形態、味道、口感都很有感覺，絕不是坊間隨便以麵筋加色就糊混過去。

這叉燒甚至有點脂香脂口感，也有少許烤香味，認真製作。

宮保醬炒羽衣甘藍羽衣甘藍是superfood卻又好蝦人食，它沒有甜美的味道卻有粗糙的口感，在這大廚將它略略炒過沒有過火，保留它的營養，宮保醬有點像蠔油，較濃味，個人覺得醬汁可以少一點點，但很欣賞它夾雜的菇菌，令這碟菜生息不少，很有菇香。

XO醬炒雙色飯吃到這其實已飽了，不過被美食吸引著，真捨不得停，xo醬的味道剛好，飯的份量也剛好沒太多，用上了小米飯增加口感和營養，還有粟米、仿肉片等，感覺豐富。

生磨蓮子露總覺得吃過甜品才完滿，所以便選擇生磨蓮子露，蓮子味甘澀、性平，含有豐富蛋白質及多種營養，啖啖都覺得很濃郁很實在的材料及香味。

純素朱古力蛋糕看樣子小小的小件蛋糕，但它很綿密，淺嚐幾口感覺已很足夠，朱古力味超濃，真的很喜歡呢！環境很好，很relax，服務佳，食物食材及製法都好用心，怪不得能得到一致好評了!

茹素對身體好，可以減輕身體的負擔，現在茹素不老土，細想一下“少油少鹽”的確會比羅漢齋、南乳齋、齋滷味等傳統齋健康得多。

讀蘋果日報時發現有介紹這間「珺」，是主打中法Fusion的素菜餐廳，素菜不含蛋奶及不含五辛。

餐廳設在中環所以價錢也很“中環”。

「1人午餐」售＄188包1頭盤，1湯，1主菜。

另外也有「2人午餐」＄428，2位客人各有1頭盤和1湯，至於主菜有8款，可以從中揀選3款，2個人分享來吃。

甜品可以另加$30有1款，咖啡另加＄20有1杯。

頭盤「素芝士蕃茄配黑醋珍珠」，看樣子似是意大利的經典Caprese沙律。

素芝士好奇妙，沒有牛奶成分但吃到好濃郁的芝士味，黑醋珍珠是在扮演魚子醬，蕃茄新鮮，一口三合一的夾着吃確是清爽酸甜，好頭盤是一餐的好開始。

餐湯「雞油菌竹笙素翅」，喝下去的口感黏稠，雞油菌切成細粒，竹笙爽口，素翅有咬口，啖啖足料滋味，味道方面屬中上，濃中帶有胡椒的香辣又不失味道。

主菜之一「玫瑰叉燒」，報紙介紹這是餐廳招牌菜，侍應生送來時有介紹過叉燒是由麵筋扮演，再用自家製玫瑰醬醃味，吃的時候感覺叉燒外脆內軟，還吃到啖啖玫瑰花香味，確認是好叉燒！主菜之一「藥膳雞頭米薏米百合浸時蔬」，首先甚麼是雞頭米？經過Google大神的指導，原來一般是指新鮮的芡實，亦有「水中人參」的美譽。

今餐時蔬選用的菜芯苗好嫩，吃落沒有渣，薏米百合清熱安神，藥膳湯味道清甜，藥材味香，相信會有相當的食用療效，就這樣簡單的一道蔬菜菜式已經有保健效用，最適合怕麻煩的香港人！主菜之一「黑松露新豬肉炒雙色飯」，看圖識飯都知道是炒得爽身，粒粒分明，這兒的炒飯不含雞蛋，用了素豬肉碎，加入粟米粒，蔬菜粒做雙色的效果，味道會較清甜而且炒飯不多油，加了黑松露去炒所以散出淡淡幽香。

「生磨蓮子露」是期待中的甜品，合桃露、杏仁露吃得多，蓮子露確實是第一次嚐試，味道像糊狀的白蓮蓉，但沒有油味及沒有白蓮蓉的死甜，甜味是剛剛好，吃完全碗也不覺膩。

最近有同事💁🏻‍♀️話中環新開左間素食fusion菜覺得唔錯推薦比小妹, 於是今日就同朋友去試下😊! 餐廳環境幾大, 走大自然風格🌺🌱🌳, 同素食嘅主題幾match, 食物方面選擇十分多, 除左單點亦有一人或二人套餐可以選擇, 而且每個星期一都會轉一次餐單! 由於太多款唔知試邊樣好, 所以我地就點左個二人餐share食🤣!反沙腰果反沙腰果口感酥脆香甜, 味道唔錯!麻辣繡球菌蒿筍絲🌶️繡球菌味鮮, 質感爽滑, 非常脆口, 麻辣味幾重幾開胃!牛油果配青瓜蘋果啫喱🥑🥒🍏青蘋果啫喱微微冰涼, 帶酸酸甜甜嘅味道, 旁邊擺有青蘋果薄片口感爽脆 , 半生嘅牛油果食落無咁膩, 青瓜切到好薄身, 捲埋成一朵花嘅形狀, 入口爆汁而且極清爽, 整體感覺非常清新!特濃磨菇湯🍄🥘磨菇湯入口順滑, 味道濃郁!雞油菌竹笙素翅湯汁味道濃郁, 質地濃稠, 由於雞油菌本身係好吸油, 加埋佢本身嘅菇汁, 所以咬落去好juicy, 素翅口感好像真, 每條都好飽滿, 爽口滑溜, 竹笙吸左湯汁精華, 軟軟綿綿幾好味!玫瑰叉燒 叉燒其實係麵巾嚟的, 做到外脆內軟嘅口感, 叉燒味好香好惹味, 由於麵巾本身帶有油分所以咬落去嘅時候會有種真·叉燒油脂甘香嘅感覺, 真係做到以假亂真! 沾埋自家製嘅玫瑰醬酸酸甜甜, 味道清新解膩又有另一番風味, 推介☺️!至尊猴頭菇E道菜其實係素咕嚕肉嚟, 食落去一d都唔乾, 而且有種好似咬緊脢花肉果種肥瘦相間嘅口感, 做得十分似, 酸酸甜甜好開胃, 旁邊仲有梅子醬可以平衡番咕嚕肉嘅酸味, 極推介😋!雲耳蓮藕BB撈擔擔麵🍜蓮藕BB好爽脆, 咬落去極juicy帶微微甜味, 湯汁味道岩岩好, 麵質軟硬適中!椰子腰果純素蛋糕🍰小妹第一次食純素蛋糕, 入口質感好軟滑, 椰子味幾濃, 帶微微果仁香, 甜度適中, 而且無死甜嘅味道, 甜而不膩, 做得唔錯!生磨蓮子露蓮子露都係小妹第一次試嘅中式糖水, 食落幾重蓮子味, 香香滑滑, 味道清清地唔太甜!

珺餐單提供多國菜, 素食, 無肉餐單, 果汁, 沙律, 私房菜, 咪嘥嘢食店等推介美食位於中環區，餐廳座位數未知人均消費約$101-200，結賬可以用Visa,Master,現金，Booking訂位可以電話致電 28559555 查詢。

您對於中環餐廳「珺」有何 comment？

珺餐廳詳細資料：

• 珺地址:
  中環威靈頓街2-8號威靈頓廣場M886樓
  EMERALD, 6/ F, M88, Wellington Place,2-8 Wellington Street, Central
• 珺電話: 28559555
• 珺價錢: $101-200
• 分類: 多國菜, 素食, 無肉餐單, 果汁, 沙律, 私房菜, 咪嘥嘢食店
• 座位: 未知
• 付款: Visa,Master,現金
• FB專頁: 珺 Facebook

更多珺相關資料:

• 珺分店
• Youtube
• Facebook
• Twitter
• Google