牛三館 中環

牛三館 評價 相片

牛三館係出名食貴價牛肉，唔知係咪市道唔好，做埋唔夠交租，最近佢哋都推出左平價午市。

40蚊一個蒸飯送飲品。

去中環來講可以用＄40食一個午飯算係驚喜價，只限外賣。

今日叫咗個鳳爪蒸排骨，都唔錯。

由於外賣都係隨便坐低食完就算，唔記得影相。

講返個蒸飯，味道不過不失。

份量並唔係特別大，適合女仔，唔會食到好飽，但又唔會唔夠食嗰隻。

冇辦法啦，＄40呢個價錢，佢哋都未必有太多嘅利潤。

能填肚就算，不能要求太多。

之前驗血醫生話我唔夠鐡，於是同朋友黎食依間主打食牛既新式中菜館補補佢：我地兩個牛魔王都叫左佢地既招牌菜呀！中午既套餐都會跟一個湯，清清地唔係味精湯都幾好首先係牛义燒加煎蛋，牛叉燒就係咁大個女第一次食！其實唔係好食得出牛味，但係就肉質比豬肉硬d,如果比我揀都係食返有肥肉既叉燒啦😂😂個人比較中意另一個窩蛋牛肉飯，肉餅好淋仲好有肉汁，撈埋蛋黃食真係清哂！最後加左個豆腐餅做小食，有d似素版既crab cake 哈哈！加埋mayonnaise 一齊食好滋味～不過要留意既係lunch time好多人嫁，位都比較少，所以要有心理準備等下

與幾位牛魔王晚飯, 當然要去一間以牛為重點的餐廳, 千祈唔好以為係去Grill Room, 而係去新潮的中餐館, 感覺幾特別香炸牛餃子 $100Search"牛三館"有乜好食, 10個人有8個都會點, 我既為炸物控又為餃子控, 唔食會心掛掛, 炸牛餃子外皮脆卜卜唔在講, 餃子將牛肉汁封住, 咬開餃子皮後, 味道即時釋放, 可蘸柚子蘿蔔醋, 味道清甜帶微酸脆薑花 $78薄薄的薑絲炸至脆片再加入肉鬆, 微微的薑味中帶有肉鬆獨有的味道, 而且顏色極相似, 幾可亂真牛叉燒 $188利用叉燒的烹調方式來處理牛面肉, 就成為了牛叉燒, 牛叉燒口感豐富, 肉質嫩滑, 充滿骨膠原, 而且牛味極濃怒炒牛肉飯 $118生炒牛肉飯中加入墨西哥辣椒 & 指天椒, 令炒飯火氣十足, 故命為"怒炒", 炒飯充滿辣椒香, 同時亦為味蕾帶來刺激P.S. 店員對食物有充分了解, 而且服務態度非常好

黎過牛三館食lunch 3次 3次都係叫牛嘅lunch set 包湯或甜品!! So far都覺得好唔錯 中環食lunch $100左右走唔到 牛三館lunch都係定價係90130左右 接受到的價錢 第一次食叫左牛肉土豆絲 好濃味有d辣 配飯食食到成碗飯嫁 土豆絲唔係淋係爽送食好正 第二次食係牛包飯 好特別嫁fusion菜咁 牛係有半生熟咁不過係都食到的 牛又夠薄上面加左溶嘅芝士再加上中式嘅薑蒜牛油嘅source 好野味 不過食完就有d油 有d滯 但好味嘅 最近一次係食雙牛蛋飯 原本以為係普普通通 點知有d驚喜 雙牛係正牛肉餅加牛肉 超級滑 加埋個生蛋黃 吉穿佢蛋汁加牛肉配飯 豉油 正 雖然成個都係蒸 唔怕無味而且唔太油 算係相對其他清淡 整體好唔錯 中環食lunch 其中一個好選擇!!!

剛剛去完嗰一連7日，無啖好食嘅 Leadership & Management Training，昨晚同幾個食友，一於去中環牛三館，食番餐好嘅，這個火鍋店出名在食本地黃牛料理，而用料亦都好講究，用來做火鍋的部位也很刁鑽，如池板、胸尖、牛脷托、金錢𦟌、牛柳邊、牛頸、牛脊、封門柳，甚少在坊間火鍋店可以吃到的，皆因它有強大後盾，聞名的三昌牛肉供應商；而特別推介片片片生牛肉 sashimi，池板+胸尖，手打墨魚丸，鮮焗菊花撻，酒類選擇勁多👍🏻👍🏻👍🏻，真是美酒佳餚

牛三館餐單提供粵菜, 廣東, 中菜館等推介美食位於中環區，餐廳座位數22人均消費約$201-400，結賬可以用Visa,Master,現金,銀聯，Booking訂位可以電話致電 28656899 查詢。

您對於中環餐廳「牛三館」有何 comment？

牛三館餐廳詳細資料：

• 牛三館地址:
  中環威靈頓街148號地下A舖
  Ngau Saam Gun, Shop A, G/ F.,148 Wellington Street, Central
• 牛三館電話: 28656899
• 牛三館價錢: $201-400
• 分類: 粵菜, 廣東, 中菜館
• 座位: 22
• 付款: Visa,Master,現金,銀聯
• FB專頁: 牛三館 Facebook

更多牛三館相關資料:

• 牛三館分店
• Youtube
• Facebook
• Twitter
• Google