Via Quadronno 中環

Via Quadronno 評價 相片

在這裡再形容味道以沒有任何意義了,慶幸還能趕得及在結業前吃你最後的晚餐.再會了!

JUL 31, 2009 (FRI) LUNCH 昨天剛出院，CK約咗出嚟食餐飯，慶祝一下康復出院，食餐好嘅！坐低一陣，先送上兩杯熱水，連水壺上！Order 了食物後，先送上一籃麵包，係蒜蓉焗長法飽，香脆熱辣辣，加上我最愛嘅黑醋 & 橄欖油一起食，真係食麵包都夠享受 la ！前菜大家都選咗：牛油果配大蝦沙律 ~ 大蝦頗多，牛油果清新，令人感覺好開胃！MAIN COURSE我選了：八爪魚意大利飯 意大利飯整得非常出色，唔會太軟或太硬，本身不太愛吃八爪魚嘅我，都覺得八爪魚鮮味香濃好入味！但個汁就太鹹，鹹到覺得有少少苦！熱檸水 本來檸水就無咩好講，不過一間高級餐廳，拎出嚟D檸檬係變哂色嘅！真係幾可怕，唔知係咪日本溫室種植架呢？咁都唔寫得丟掉，就咁拎出嚟俾D客，會唔會太離譜呢？好貴架咩！唔計加一我個餐都要 $178 SET，唔係咁呱！CK 選了：炭燒肉眼扖拚薯仔火箭菜肉眼扖肉質幼嫩，肉味濃厚，且無渣無跟！百幾塊錢一個SET LUNCH有咁嘅扖食好OK la 真係！火箭菜好新鮮非常多！熱咖啡呢間咖啡出名好飲，滑而極香濃！NEW YORK CHEESE CAKE芝士味濃且香滑！今日服務我們的侍應應該係新嚟的，因為在此從未見過佢，不過一間高級餐廳見到佢實在覺得有點兒略遜！行路行到拖吓拖吓唔在講，仲寒起個背，真係好礙眼，收嘢又唔問人仲要唔要，最基本嘅禮貌都無，ORDER 飲品前後再返嚟問過3次，兩杯嘢係咪真係咁難記，就真係要問問佢先知 la ！如果呢個四眼弟弟仲有心做嘅話，真係要拎個心出嚟返工先得la ！最起碼最基本都要有呱！禮貌 & 記性呀！

我28號生日..所以老公仔就帶左我黎呢間我地成日經過都話要試的餐廳坐低d waiters都好好招呼...我地叫左個夏日2人套餐...叫左2杯house wine...所有野都好好食...分量都岩岩好...每人有頭盤...湯...意粉...主茶...甜品...tea/coffee我地叫哂所有野share..先講個頭盤:鵝肝 超級正!!蟹肉沙律 麻麻地...我唔太鍾意個味~跟住到個湯:蕃茄湯 好似食跟肉醬意粉...不過唔係好咸...但我都唔係好鍾意...雜菜湯 幾好..好清淡..但如果鍾意濃味的你可能會覺得無味意粉:蜆肉天使麵 味道好好..但略嫌意粉唔係 al dante..但老公話覺得ok蕃茄醬長通粉 我好鍾意個味..但都係覺得個通粉硬左d主菜:lamb 5成熟..質感勁好...100分!!大蝦 味道都好好..不過個肉質好似散左d...扣少少分甜品:個chef好有心機咁擠左好靚的happy birthday不過影完相d甜品已經melt哂...

昨晚吃了二人餐.讚:食物水準好, 侍應有禮貌離譜1:麫包, 頭盤 和湯都上得很快, 以為餐廳順應香港人既節奏, 都ok啦.跟著旁邊檯子剛來的二人都要了這個餐, 正當我們等待antipasto時, 看著旁邊的他們吃麫包, 食頭盤和飲湯, 結果我們差不多等了30分鐘, 兩檯的antipasto一起來了, 這時我們終於明白為何要等這麼耐, 原來要等埋一起上, 難道大廚以為我們是同檯的? 結果整頓晚餐由8:15吃到10:15……..離譜2:跟著的main course都是跟隔離檯一起來的, 我們比隔離檯快了點吃完, 就order了gelato, 又等了一 會, gelato終於到了, 但原本是3個球的gelato, 我的就變了2個球, 剩下的一個已經溶了, 老公的更是3個球溶為一體, 不過gelato是比較易溶的, 於是都照吃了. 但我們吃完的時候, 生日歌唱起來了, 原來隔離檯的Raymond生日, 他們唱完生日歌, 拍完照, 玩完一輪, 看見他們的gelato 仍是完完整整的3球……原價1088, 埋單時只是8佰多, 原來二人餐有7折, 如果有openrice coupon更有6折, 價錢算ok啦.

5月14日（星期四）晚，已經很久沒有和女友慶祝拍拖紀念日了。

為慶祝我和女友拍拖已經十個月，特意選了在女友公司樓下的這間高級餐廳吃晚飯，順便希望給女友打打氣。

IFC商場的大部份餐廳都很高級且消費不菲，午餐也動接要接近二百元，晚餐更昂貴，難得見到OR有優惠卷來這裡吃晚市二人套餐有六折，經計算連加一後仍比正價平了三百多元，當然要來試試。

雖然“正日”我要返工而女友要練琴，惟有順延至這天罷！事前當然親身來訂了位和確認了可以使用優惠卷，但始料不及女友竟然早收工，比我預計的時間早了一個小時，惟有向waiter表明因由，而那位笑容可躬的waiter很有禮貌地帶我們入坐，原來當時餐廳內祇有兩至三檯客。

由於已事先表明吃Summer Delight 套餐和使用優惠卷，負責我們那檯的waiter祇給了我們該餐單和drink list，而初時我們以為每道菜祇可二選一，落單時他說可以各人選一款，就這樣決定罷。

值得一讚的是，當他問我們喝甚麼，我問有沒有tap water，他沒有黑面之餘更主動問：「暖水好嗎？」，細心週到！落單後很快就奉上麵包， 各款麵包擺放得很精美，不過女友不愛吃麵包而我也怕吃得太飽，所以每款祇是輕嚐，雖然不算得上有驚喜，但也質素不錯。

題外話，通常我吃麵包祇愛醮黑醋，但年輕的侍應卻有點堅持的“建議”我要下些橄欖油，惟有依他罷！吃著麵包，頭盤不久後就來到了！AntipastoRoasted Ball Pepper with Crab Meat Salad（燒波椒蟹肉沙律）：波椒爽口清甜，蟹肉很新鮮更吃到有淡淡的蟹肉味，沙律亦很新鮮；Baked Duck Liver with Caramelized Almond（焗焦糖杏仁鴨肝）：雖然鴨肝比不上鵝肝般甘腴美味，但也口感軟綿，而且廚師把鴨肝焗得剛好，軟硬適中；杏仁烤得香脆可口，不過略嫌焦糖味不夠，反而我最喜愛的是那塊吸收了鴨肝油脂的多士，很美味；ZuppaItialian Vegetable Soup（意大利雜菜湯）：湯底充滿著濃郁的牛肉味，卻很清甜，而且下了大量的新鮮蔬菜粒如西芹、甘荀、蕃茄、青瓜和腰豆等，味道和口感都很豐富；Rich Tamato Soup with Herbs Bread Crumb（蕃茄濃湯配香草飽糠）：用了大量攪碎了的新鮮蕃茄來煮的濃湯，喝到蕃茄的清甜，但也真的很酸，喝到一半不得不和女友交換；Primi PiattiTagliolini with Clams in White Wine（白酒汁大蜆意大利幼麵）：一看就知不是用坊間一般普通的花甲或大蜆，蜆肉肥美嫩滑，而且非常很新鮮，因為吃時蜆肉還帶有海水味，再用淡淡清香的白酒汁，非常美味；意大利幼麵不算al dente，但也爽口幼滑；Penne with Pancett and Asparagus in Vodka Tomato Sauce（酒香蕃茄汁意大利煙肉露筍長通粉）：雖然吃不到有“酒香”，但這個蕃茄汁的濃度比剛才的蕃茄濃湯“輕”得多，清甜醒胃，煙肉的咸香配以新鮮的露筍，伴著長通粉來吃，味道不錯，可惜長通粉煮得有點硬，不然味道和口感都會更好；Piatto PrincipateBaked Lamb Chop with Pitachio Crust（焗開心果羊扒）：未上檯時已聞到很香，而且焗得剛好，是我們慣常吃的Medium well，肉質嫩滑不韌，羊味濃郁，可惜不夠羶；開心果成了襯托品，因為我和女友最欣賞的是蕃茄上的麵包糠；Baked King Prawn with Spicy Tomato（焗辣蕃茄汁大蝦）：辣蕃茄汁祇得「香辣」而味道卻不辣，而且有蝦羔的味道；大蝦本身已是爽滑彈牙，肉質鮮甜，廚師烤得火喉剛好；DolciItalain Gelato我選擇的Tiramisu Variations，是由意大利軟乳酪味、巧克力味及特濃咖啡味三款gelato組合而成，還有一條手指餅，三款雪糕味道並不算濃厚，但口感軟綿幼滑；女友選擇了Snow Mountain，記不清楚是哪用了三款雪糕，但全部都是白色的，而且弄成類似螺的形狀，賣相精致。

至於味道，見到女友吃得津津有味，應該是很美味。

來到接近尾聲的餐飲，女友要了杯Strawberry Love，我沒有喝，而我依舊點了熱咖啡，雖然入口細滑，但我嫌咖啡並未夠香濃，感覺上始終好像欠缺了些甚麼。

整頓晚飯氣氛很好，餐廳佈置優雅舒適，寧靜和諧，服務更是細心週到，每位都殷勤有禮，笑容滿表，男經理更是典範。

話說落單後我想拿餐牌拍照，他就索性給我一份放在隔離檯，讓我慢慢細看，當他問我們是否需要些飲品而被我拒絕時，亦沒有黑面。

其實我很想給這間餐廳滿分，奈何就算使用了OpenRice優惠券，仍是覺得有點貴，未算最“抵食”！

Via Quadronno餐單提供意大利菜, 西餐廳等推介美食位於中環區，餐廳座位數68人均消費約$401-800，結賬可以用Visa,Master,現金,AE。

您對於中環餐廳「Via Quadronno」有何 comment？

Via Quadronno餐廳詳細資料：

• Via Quadronno地址:
  中環港景街1號國際金融中心商場第1期1015舖
  Via Quadronno, Shop1015,1/ F, I F C Mall, No.1 Harbour View Street, Central
• Via Quadronno電話:  
• Via Quadronno價錢: $401-800
• 分類: 意大利菜, 西餐廳
• 座位: 68
• 付款: Visa,Master,現金,AE
• FB專頁: Via Quadronno Facebook

更多Via Quadronno相關資料:

• Via Quadronno分店
• Youtube
• Facebook
• Twitter
• Google