The Cockloft 中環

The Cockloft 評價 相片

應朋友邀請來這小店飯聚。

門面裝修得有點低調，從外面不容易察覺它的存在。

舖面分兩層：下層要留位置給廚房，只放得下一張六人桌子，閣樓寬一點，眼見可以坐十多人。

食物款式不算很多，勝在小店在食才上有所堅持，不新鮮、不靚，寧缺無濫 。

以「高蛋白」餐作招來，合「肌肉男女」的口味。

一行六人也不多費神，請主廚出主意：先有熱騰騰的開胃磨菇湯，再來雞、牛、羊等肉食，配以意大利雲吞及意大利麵為主食。

雞肉嫩滑、牛肉肉味濃郁、羊腿香而不羶。

上盤擺設精緻，入口更感受到廚子的心機與投入，絕非一般「酒吧菜」之流。

有酒、有肉，喝飽吃醉，人均消費才三百多港幣！性格比超讚！

黎開中環，見到有間新嘅西餐廳。

門面裝修幾靚，仲有條樓梯上一層，幾有feel。

不過今日一個人就叫外賣算。

外賣有三款，價錢都合理。

有健康雞胸藜麥沙律，紅酒燉牛肉飯。

我叫左個最邪惡嘅芝士肉醬千層麵，包埋杯凍果茶$78一打開盒，香味撲鼻而來，好香濃芝士蕃茄牛肉醬味。

見佢層次分明，麵皮唔會太厚，軟硬適中，每一層都鋪滿厚厚嘅肉醬。

個餐配有沙律菜中和番個口味，唔會食到太濟。

份量都算大， 食完大滿足。

果茶酸酸微甜口味，開胃解膩，唔錯。

另外見餐廳有款高蛋白低糖餐單，包杯蛋白粉，適合懶得自己沖話者唔方便帶出街飲嘅gym L。

到處探店，偶遇一間5月21日新開嘅平民化西餐；位於和安里近街尾、馬祖台灣麵館旁邊，幾乎俾隔離舖門外候位嘅人流所掩遮蓋。

門口感覺似係gym/yoga studio，睇到左下角細小嘅餐牌先知係食肆，主要客戶群針對打工仔，套餐由$78 $138，以＂西法料理＂定位而言絕對划算。

🍽餐廳除地下幾張大枱，樓上亦有個小閣樓，旋轉梯級較窄，上落要好小心，樓上隱密度高，又係一種不同嘅用餐氣氛。

店員非常熱情，主動且熟悉地推介餐牌上招牌菜及特色，俾到客人明確鮮明嘅建議去篩選。

🤵🏻套餐價錢已包含餐湯附餐包、檸茶，如想轉咖啡就要另外加錢。

我地一行二人揀咗一款海鮮RISOTTO同餐牌價格最高嘅油封鴨腿。

餐湯為玉米濃湯，質感偏向稠密，帶粒粒大粟米，中意有嚼勁嘅會好中意。

餐包口感有啲似PIZZAHUT個蒜蓉包，軟硬適中。

開業初期，相信為咗應對堂食禁令，餐廳用嘅係外賣盒（嚟梗會返新餐具），不過非常高質，硬挺嘅木製盒反而俾咗人一種親切嘅感覺，食唔哂想打包蓋返個蓋就可以即刻帶走。

油封鴨腿性價比非常高，雖然外觀偏乾，但烤製過程將油份逼出，皮如紙薄兼夾香脆，腿肉瘦削但又唔柴，係純瘦肉嘅口感；薯蓉無落多餘鹽調味，能夠食到原始薯香，又唔會太重味或過膩。

RISOTTO不過不失，米粒可能為咗就返港人口味，個人認為煮得太稔，無咩咬口。

墨汁味道唔算突出，海鮮份量正常，有squid/mussel/scallop。

可能新店開張，店員非常熱情，完餐後仲送咗Ｍadeleine俾我地。

岩岩烘熱過，上枱已經聞到蛋香及牛油香，食落外脆內鬆軟，略甜，但可口。

難得用打工仔午餐價可以食到法國料理，良心小店值得支持。

下雨天收工來到蘭桂坊諗住睇下有咩好食, 行到和安里見到一間未裝招牌ge 新開西餐鋪頭, 員工禮貌接待我們進內一試lunch, 就膽粗粗試下新野!打開睇menu見佢有賣雞胸沙津賣得雞胸做main course 一定有返咁上下水準同自信,我就試一試佢一嚟到見到個雞胸煎得非常靚,大大份食落又唔韌,嫩滑中一點juicy,果然係有質素加埋沙津真係健康之選!另外個餐前蘑菇湯都十分出色,十分足料同惹味下次再嚟要試下佢個香橙油封鴨腿先得!

The Cockloft餐單提供法國菜等推介美食位於中環區，餐廳座位數未知人均消費約$201-400，結賬可以用Visa,Master,AlipayHK,支付寶,現金。

您對於中環餐廳「The Cockloft」有何 comment？

The Cockloft餐廳詳細資料：

• The Cockloft地址:
  中環和安里6-7號聯安樓地下及閣樓B號舖
  The Cockloft, Shop B, G/ F& Cockloft, Luen On House,6-7 Wo On Lane, Central
• The Cockloft電話:  
• The Cockloft價錢: $201-400
• 分類: 法國菜
• 座位: 未知
• 付款: Visa,Master,AlipayHK,支付寶,現金
• FB專頁: The Cockloft Facebook

更多The Cockloft相關資料:

• The Cockloft分店
• Youtube
• Facebook
• Twitter
• Google