Got Beef 中環
地址: 中環七號碼頭上層F舖
最後更新:
Got Beef推介
近排天氣涼左，係中環返工嘅你，有冇諗過去碼頭吹着涼風咁食lunch？介紹個好選擇俾你呀，就係位於七號碼頭嘅Got Beef，小店專賣漢堡：有牛有蟹有魚有雞有蝦有素之外，仲有小食：有薯有翼有菇有果有肉有指。留意返小店只有一人打理，落單送餐煮野食全部一腳踢，幫襯時記得要留返多啲時間。📢小店營業最後一星期啦，想幫襯就要快啦！其實兩年前就已經幫襯過，果時仲係$78 一個Burger，而家臨近結業特地過黎支持同路人以及回味一下😢，有緣再聚。🌖Got Beef Combo Set $108漢堡一個$88，+$20轉套餐包一罐汽水同薯條。漢堡包輕輕煎過，加添香脆口感；牛肉漢堡軟綿多汁，配上生菜🥬蕃茄🍅減輕油膩感，再配埋芝士夠曬滿足。薯條係啤酒薯條，真係夠曬誠意，而且份量唔少，食曬之後夠曬飽。🌖Got Crab🦀 $88（兩年前$78😂）呢個係兩年前食嘅（囤相真係無極限😂，兩年前嘅都可以未出post），蟹肉份量多而且結實，外層炸得香脆，配上沙律醬又加返少少濕潤嘅感覺。
中環Got Beef
| 餐廳分店 | Got Beef |
|---|---|
| 地區 | 中環 |
| 電話訂位 | 21913283 |
| 餐單 Menu | 西式, 三文治, 漢堡包, 咖啡店, 小食店 |
| 人氣指數 | 856 |
| 價錢幾錢 | $101-200 |
Got Beef訂位位於中環區，詳細地址是中環七號碼頭上層F舖，餐廳寬敞座位數目共有未知幾多個。Got Beef幾錢？價錢優惠後人均消費大約$101-200埋單，早餐午餐晚餐Got Beef餐單包括有西式, 三文治, 漢堡包, 咖啡店, 小食店等美食，付款方式有AlipayHK,支付寶,現金,八達通付款，Booking網上訂位可以電話致電 21913283 查詢訂座。
Got Beef優惠
Got Beef 評價 相片
近排天氣涼左，係中環返工嘅你，有冇諗過去碼頭吹着涼風咁食lunch？介紹個好選擇俾你呀，就係位於七號碼頭嘅Got Beef，小店專賣漢堡：有牛有蟹有魚有雞有蝦有素之外，仲有小食：有薯有翼有菇有果有肉有指。
留意返小店只有一人打理，落單送餐煮野食全部一腳踢，幫襯時記得要留返多啲時間。
📢小店營業最後一星期啦，想幫襯就要快啦！其實兩年前就已經幫襯過，果時仲係$78 一個Burger，而家臨近結業特地過黎支持同路人以及回味一下😢，有緣再聚。
🌖Got Beef Combo Set $108漢堡一個$88，+$20轉套餐包一罐汽水同薯條。
漢堡包輕輕煎過，加添香脆口感；牛肉漢堡軟綿多汁，配上生菜🥬蕃茄🍅減輕油膩感，再配埋芝士夠曬滿足。
薯條係啤酒薯條，真係夠曬誠意，而且份量唔少，食曬之後夠曬飽。
🌖Got Crab🦀 $88（兩年前$78😂）呢個係兩年前食嘅（囤相真係無極限😂，兩年前嘅都可以未出post），蟹肉份量多而且結實，外層炸得香脆，配上沙律醬又加返少少濕潤嘅感覺。
又一間要拿拿聲寫既小店比上次更急因為佢得番8日(10月30)就結業好開心有朋友帶我黎食呢間小店我真心覺得從未試過既話，真係好可惜雖然佢未必係全香港最好食既漢堡但真係好值得係佢結業前黎試一下小店係由中環去尖沙咀既碼頭上層可以望住個海食飯再加上最近天氣涼涼地都幾爽YY！Burger $78 $88Burger + Fries + Soft Drink $108其實跟餐會抵好多因為得2個女仔，驚食唔晒所以要左2個包，只係跟左一個餐因為即叫即製，所以等左十至十五分鐘Got Crab Burger9分個包微微煎香左，外面微脆，入面好鬆軟但略嫌薄左少少包入面個炸蟹餅係全蟹肉唔係薯餅/魚蛋餅入面加少少蟹肉扮蟹餅！好濃好濃蟹味，好正！Got Beef Burger 8分明明小店名係Got Beef但反而呢個冇蟹堡咁出色佢個漢堡扒係好鬆軟，好濃牛味但略嫌乾左少少但都好味既！Fries9分佢係用真薯仔，仲有啲薯皮係上面既真薯條！每條都好粗身！炸到外脆內軟咁，好好味！真薯條特別重薯味，係唔同啲既！問心，佢價錢係唔平但值囉麥記餐係平一大截，但用料根本唔同反正你儲多個四五十蚊都買唔到樓不如對你身體好啲食啲新鮮啲，真材實料啲既野落肚啦
今日(2232021 Mon)同老公放假,去睇中環嘅花展,咁我哋食個晏先,我哋搵到呢間同CHI Tachinomi(https://www.openrice.com/zh/hongkong/rchitachinomi%E4%B8%AD%E7%92%B0%E6%97%A5%E6%9C%AC%E8%8F%9C%E4%B8%B2%E7%87%92r652195),但因為CHI Tachinomi以串燒為主,所以我哋揀呢間.而我哋要兩個$108.00跟汽水嘅漢堡包餐,一個係魚,一個係素,小食就各加$10.00要果同菇.落完單等,等好耐,原來等咗15分鐘,終於用兩個紙袋載住嘢食俾我哋,兩個漢堡包都用錫紙包住,而果原來都係炸嘅,第一次見.影好相食得,先試炸牛油果,外脆內裡超腍,真有趣.味道: 3分而炸菇呢?一樣外脆而內裡juicy.味道: 4分然後食魚堡喇,魚柳都係炸咗嘅,一樣係外脆,內裡肉滑;不過啲醬又係少咗啲.味道: 4分素漢堡呢?有菇,番茄同生菜,啲菇好juicy好滑,感覺呢個冇魚堡咁乾.味道: 5分而兩個麵包本身都幾好味.抵食係2.5分
前排天氣凍，男人接受唔到去食風，但又唔想買外賣返屋企食，但佢又好掛住，所以上星期一暖尐就話唔好煮去搵 Chef Kobe,唉... 佢已經好耐無話掛住我(可能日日對住都嘔囉XD)但佢話掛住另一個男人... 我好傷心XD佢仲話想要叫3個餐，但我話我真係好想試埋樓下個間，所以佢先叫兩個餐，但Chef Kobe又好好人咁俾左好多薯條我地(其實前一日我whatsapp左Chef Kobe背後既男人，佢都話會留多尐薯條俾我地，因為佢話我地係少有地欣賞佢地清咩薯條既人)，所以我地其實都唔係試到樓下個間好多野XDAnyway, 男人其實好掙扎，成日都唔知叫邊個，反而我又會唔知點解想試哂，所以今次我叫左個齋既菇菇包!超好食!老老實實啦，話哂都係got beef, 都唔知點解蟹堡，蝦堡，魚堡同齋既都咁好食，反而個牛最吸引唔到我，又明明burger係我心目中都係牛架麻，做咩要改變我對burger既認知XD個菇菇包個醬好match好好食! 下次應該到我有選擇困難症....但個熱朱，要少尐水，再多尐朱古力粉啊！(不過呢個可能又係我要求高)
人不可貌相，單憑外貌判斷一個人的好壞高低，可能和人才失之交臂 店不可名稱，單憑食店名稱判斷店鋪是否有素食，也可能和找素機會擦身而過 一聽到 Got Beef HK 🐮 這個店名，素友們應該會諗起Got Beef🐮、Got Fish🐟、Got Chicken🐔這一堆令自己提不起興趣的東西🤐。
不過，細看一下餐牌，咦？一個V字突然出現在眼前，原來這間店是有一款 “ GOT VEGGIE” 的素食漢堡的😍，實在是有點意想不到呢1️⃣ 位置及環境 GOT BEEF 這間小店是在中環碼頭往尖沙咀渡輪⛴上層入口的位置，有少量座位可供堂食。
如果不太凍的時候，坐在離店鋪稍遠的二人座位，看着海景🌊吃東西，也是一個不錯的選擇。
2️⃣ 食材及外觀 Got Veggie 這漢堡🍔的大小也算適中，不會太小而令人失望。
在一眾材料中，有「素食界肉扒」之稱的烤大啡菇🍄絕對是搶去了其他食材的鋒頭，即使底下的西生菜「很努力的伸出手來」👋，但始終還是大啡菇最為搶眼。
把上層的麵包拿開，便看到一堆「黃色的東西」🟨🤔，起初還以為是半溶芝士，原來是「西式蛋餅」（奄列，omelette）。
而在最下層，還有一塊在相片中怎樣看也發現不了的「疑似隱形」蕃茄🍅。
總體來說，材料上也算多樣化。
3️⃣ 味道 在味道方面，由於漢堡是即叫即製的，所以食物到來時，用手拿着漢堡，仍會有微暖♨️的感覺。
一眾食材中，當然以肥厚的烤大啡菇口感最佳😋，而幼滑的奄列和爽口的蕃茄也不錯🤤。
加埋新鮮熱辣的粗薯條🍟，就是一頓滿足的晚餐了。
4️⃣ 廚師篇 除食物外，👨🍳廚師Chef Kobe的招待，也很值得讚賞💯。
因為餐單上的Got Veggie ，寫着“Special off menu,ask Chef Kobe”，所以也問了問Kobe素漢堡的食材是固定的還是視乎當天有甚麼食材，Kobe說材料是固定的。
之後，版主又請Kobe幫忙把食材寫下🖋，他也十分樂意👍。
食完離開時，剛巧已沒有客人，和Kobe說good bye👋，看着他回應的表情時，是可以感受到他的熱情的。
Got Beef餐單提供西式, 三文治, 漢堡包, 咖啡店, 小食店等推介美食位於中環區，餐廳座位數未知人均消費約$101-200，結賬可以用AlipayHK,支付寶,現金,八達通，Booking訂位可以電話致電 21913283 查詢。
您對於中環餐廳「Got Beef」有何 comment？
Got Beef餐廳詳細資料：
- Got Beef地址: 中環七號碼頭上層F舖 Got Beef, Shop F, Central Pier7, Upper Deck, Central
- Got Beef電話: 21913283
- Got Beef價錢: $101-200
- 分類: 西式, 三文治, 漢堡包, 咖啡店, 小食店
- 座位: 未知
- 付款: AlipayHK,支付寶,現金,八達通
- FB專頁: Got Beef Facebook
更多Got Beef相關資料:
香港餐廳2026推介8月