DoReMi Kitchen 中環

DoReMi Kitchen 評價 相片

第2次黎堂食，1次過打哂平民西餐🤤🤤😋和牛（m4/m5）（佢有熟成牛扒但我仲未試）：內裡剛好冇哂血水，而外面亦冇乾到，好juicy，處理火侯非常用心，其實好多餐廳都做唔到卡邦尼pasta：係正宗做法，非白汁，開頭推介我地食，我都唔太想，因為通常都好膩，但即管試下，上枱時見到佢唔係白色，就知佢唔係果回事，入口味道好濃郁，完全唔係常見果種，令到我對卡邦尼改觀黑松露pasta：我係超鍾意食黑松露，坊間好多時係放到面前先聞到，氣味唔濃但味道好濃，好似再加工過咁，而依度，佢未埋到黎我已經聞到佢陣臭gas味，食落口係淡淡既松露香心太軟：以前20歲前果時都ok既，唔會抗拒心太軟，但20后就唔鍾意，如果menu得心太軟，我會直接放棄唔食，因為好很甜，而且得好少流心，今次食，係因為餐廳知我慶祝紀念日，專登整個甜品，我見到都愕左然，話唔鍾意食，佢都叫我試左先，食落唔太甜又超多流心，原來係70%，同埋廚師試左好多次先推出，我食完覺得好可惜得咁細舊，真係好食，下次黎食我會好welcome見到佢煙三文魚無花果沙律：對草食類黎講係好正常既事，唔多講燒雞肉串配華多夫沙律：我好怕見到餐廳啲白色1pat既沙律，因為全部都係沙律醬，但佢既華多夫係非常正，好重口感，真係有野咬，同埋完全食唔到沙律醬味cheese cake：係我另1樣幾驚伏既甜品，唔係芝士控，好怕漏，但都改觀，佢好綿，有啲莎利蛋糕feel，感覺好輕唔heavy總結：長食長有，高汁

e間野真係大得了開頭呃個無花果煙三文魚沙律👈晤記得影相好可惜😫Dry aged牛板腱加阿爾卑斯山岩鹽真係一流🤤另外個豬手都正👍👍e兩個真係要必食3個人食都飽住走

喺中環區行行哋食個lunch都要成百蚊落樓，今天經過九如坊見到一間叫doremi kitchen, 由於繁忙時間關係好多人排隊 等咗大約 30分鐘終於輪到我哋啦😃 今日我呢點樣呢幾樣 焗豬扒意粉， 煙肉蘑菇意粉 午餐有湯有麭，主菜又大碟意粉炒出嚟軟硬度適中不會太淋不會太硬 真心好味， 甜品正正常常， 埋單兩個人 二百幾蚊 抵食真心抵食 服務方面 店員誠懇有禮 下次有機會都試下佢哋牛扒set都係百五六蚊度 整體上 都有90分以上 係中環區好少搵到咁抵食又好食嘅餐廳

有時間出去食晏，原本想試蓉玥，結果太多人同事就決定試吓呢間新開冇耐嘅餐廳。

望望價錢牌，以中上環計算係平價西餐價錢，六十蚊左右都有交易，貴少少嘅都有，豐儉由人。

首先，依家食呢類西餐廳送包送湯嘅地方都已經唔多，呢間餐廳兩樣有齊。

唔係就咁一舊麵包，係蒜蓉包嚟㗎，烘到少少脆，啱啱好！白湯加左幾新鮮嘅蘑菇同埋煎香咗嘅煙肉，令本身已經Creamy嘅忌廉湯昇華，加分！😛到主菜啦，一嚟到，大家嘅反應都係咁大碟頭嘅，餓鬼真係啱曬！叫左櫻花蝦炒飯，面頭鋪左一份鋪滿嘅炒蛋，非常滑，配埋炒飯食就十分夾啦！至於炒飯都加左好多櫻花蝦，連埋估你唔到嘅冬菇一齊炒，令到成口都係香味。

炒飯粒粒分明，食落少少咬口唔會太稔或太硬，值得一試！😆😆😆

打電話嚟book 星期日午餐， 嚟到先知原來佢休星期日，老闆娘係專登為我哋開門。

當我哋話唔好意思時， 老闆娘竟然話要多謝我哋，因為咁佢先知呢度星期日都有客源，所以佢哋決定開埋星期日😊嚟食嘢，服務好都要食物質素好先得， 因為食先係主菜。

我哋4個人點咗6個食物，我個人最鍾意#脆皮香草水牛奶芝士條，同Friend 玩吓拉芝士比賽，睇下邊個拉得長D, 食得又玩得！ #脆米流心芝士球，外脆內軟，芝士加奶好香滑，重點唔甜！#金沙薯條和 #蜜糖芥末汁炸雞翼 本身鍾意食香口嘢，加上佢新鮮熱辣辣，所以清晒😂

DoReMi Kitchen餐單提供西式, 廚師發辦, 扒房等推介美食位於中環區，餐廳座位數未知人均消費約$201-400，結賬可以用Visa,Master,AlipayHK,支付寶,現金,銀聯，Booking訂位可以電話致電 64103337 查詢。

您對於中環餐廳「DoReMi Kitchen」有何 comment？

DoReMi Kitchen餐廳詳細資料：

• DoReMi Kitchen地址:
  中環九如坊12號地舖
  DoReMi Kitchen, G/ F,12 Kau U Fong, Central
• DoReMi Kitchen電話: 64103337
• DoReMi Kitchen價錢: $201-400
• 分類: 西式, 廚師發辦, 扒房
• 座位: 未知
• 付款: Visa,Master,AlipayHK,支付寶,現金,銀聯
• FB專頁: DoReMi Kitchen Facebook

更多DoReMi Kitchen相關資料:

• DoReMi Kitchen分店
• Youtube
• Facebook
• Twitter
• Google