糖川甜品 黃大仙

糖川甜品 評價 相片

上星期同阿妹去探親戚，探完後去黃大仙附近食甜品～未試過依間糖川甜品，於是入去試下望下餐牌，d甜品都幾有創意，但我都係鍾情芒果千層蛋糕蛋糕賣相ok,配合價錢唔算貴，可以一試

“糖川”乃本人三年多前曾讚許並予以笑臉之甜品店，前日光顧竟要給一個喊面，讓食客有如此落差，怎可再去？週六晚上九時半，雖然當時掛著三號風球，但區內附近食肆皆門庭若市，加上踏入晚上十時該是吃甜品的黃金時段，糖川店內只得六位客人，本人入店即聞到一陣潮濕不乾淨的氣味，加上寥寥無幾食客人數，與以往同樣時段人流相差甚遠……每隔一段時間才來“糖川”，所以更感每次加價明顯，我與友人看著黏黏笠笠的餐牌數分鐘仍想不到吃什麼，身穿黑色便服的高大男店員已站在旁等著下單，令我們有點壓力，友人點了熱食椰汁黑糯米(HKD 21)，我則點了“芒果黑糖天使面” (HKD 35)。

友人選擇穩打穩陣，我則中了伏。

“黑糖天使面” 該是糖川自家研製，以黑糖整成條狀啫喱，口感像紅薯粉般彈牙。

令我有感中伏的是芒果分量，店員端上來我未進食前，芒果分量少得似被人偷吃了一樣，一碗椰汁滿滿的黑糖天使面，僅得六粒體積不大於2 cm x 1 . 5 cm x 1 cm的芒果粒浮面，賣相不討好之餘，芒果分量少得可憐。

***附件圖片則吃至一半才拍照，然而本人所講當時的芒果粒分量絕對如實，並無誹謗。

看到餐牌當時一碗 “淨黑糖天使面” 售價HKD 20(如資料錯誤請指教)，如今這碗“芒果黑糖天使面” 有六小粒芒果，售價則是HKD 35，取價合理公道與否，各位自評。

環境、食物、價錢與服務皆是大退步，本人不會再給自己喊面機會！

食完晚飯緊唔少得既甜品，呢間新派甜品，但裡面既糖水款式好似曾相識咁，可能因為去幾間類似既甜品店，都係食緊呢d配搭既糖水，呢間只係榴槤夠出色，價錢一般唔叫實惠，份量都可以係正常份量，但唔算驚喜...今次一行五人，其中二個係榴槤友食左2款都唔錯，呢碗榴槤撈河，河粉好滑，3舊榴槤蓉好正榴槤至尊味道非常正，份量勁量，當然就會貴少少啦香蕉船兒時回憶，當然都係無未特別芒之戀一般普通啦，只係穩陣之選羅椰皇湯圓燉蛋白，蛋白夠滑，湯圓交黎既貨色總括黎講價錢少少貴，榴槤出色，其他就一般啦

糖川隔離風信子冇位 唯有試下第間 一入到去即刻有位咁都好既 環境都唔錯 一開個餐牌就心諗 唔對路 咁貴既喂 呢個細細間唔算出名 細細碟都咁貴💩 唔怪得一入去冇咩客見佢唔太抵咁就是但叫碗綠豆沙朋友就叫左杯雜果唔知咩 同埋糖不甩 我就坐正係bar枱 睇住佢係冰格拎d綠豆漿出黎溝水 大佬你賣咁貴認認真真新鮮煲碗都唔過分呀上黎真係仲稀過粥水 風信子都冇咁過分 同埋硬係形住佢有陣味朋友個杯野就冇特別既 唔算好飲但就成29蚊杯個糖不甩勁耐都冇黎 所以吹一吹單個staff勁冇禮貌！！ 落單個時已經係咁做waitress好心你笑下啦 黑口黑面咁「得啦！咪焗緊！」 「多單嘛 等等啦」哇我比錢黎受氣？佢上左冇耐唔知係咪有人等 佢就叫我地走但隔離個d唔知係咪熟客坐勁耐都未走😅有客等 我明白 但我地都未食完！鬼叫你上得慢咩 佢成程係隔離等我地食完食甜品都係想傾下計都唔得 真係激死我！ 一定冇下次野又難食態度又差又趕人

黃大仙區可以話係甜品荒漠，糖水店來來去去只有三數間。

今日同朋友食完飯後就到了鳳凰村吃糖水。

糖川係一家咩都有得食既街坊糖水店，中式、西式、綿綿冰、千層蛋糕真係你唸到既都有。

腐竹薏米銀杏雪耳雞蛋糖水 $28我叫既腐竹薏米糖水好足料，一眼就見到有滿滿既腐竹，底下仲有薏米、雪耳碎同銀杏。

不過唔知係咩原因，食某些材料時隱約食到一陣榴連味。

可能儲存在雪櫃時的密封工作做得不夠好。

糖水奶白色，一邊飲一邊食到滑溜既腐竹。

我自己好少食糖水加蛋，總覺得格格不入，但呢到既糖水組合就係包埋隻蛋係入面，果然蛋還蛋，糖水還糖水，兩者還是分開食好。

糖川甜品餐單提供港式, 甜品, 糖水, 雪糕, 乳酪, 小食店等推介美食位於黃大仙區，餐廳座位數30人均消費約$50以下，結賬可以用現金。

您對於黃大仙餐廳「糖川甜品」有何 comment？

糖川甜品餐廳詳細資料：

• 糖川甜品地址:
  黃大仙鳳凰新邨銀鳳街16號地下
  糖川甜品, G/ F.,16 Ngan Fung Street, Fung Wong San Tsuen, Wong Tai Sin
• 糖川甜品電話:  
• 糖川甜品價錢: $50以下
• 分類: 港式, 甜品, 糖水, 雪糕, 乳酪, 小食店
• 座位: 30
• 付款: 現金
• FB專頁: 糖川甜品 Facebook

更多糖川甜品相關資料:

• 糖川甜品分店
• Youtube
• Facebook
• Twitter
• Google