友記小食店 黃大仙

友記小食店 評價 相片

喺鳳凰新邨嘅街坊都知道呢區有兩間叫友記嘅車仔麵店，睇嚟都係家族生意然後分家出嚟啦！無論如何，兩間我都試過哂，但本人對呢間情有獨鍾。

因為佢D食材比較精緻，用料靚D，唔似大鑊飯般製作，例如: 魚滑、韮菜餃係即叫即煮，魚滑好有魚味，即魚肉的成份多；韮菜餃菜多過肉，食時不會太膩，很有咬口。

牛姜也切得细薄，不會黏牙。

豬腸洗得乾淨，煮得入味，又不失咬口。

四餸麵加支大可樂，只是四十多元，物超所值，一碗菜也只是十二大元。

温馨提示: 揀酸齋用碗仔另上，唔會影響本身湯同餸嘅原味。

價錢很大眾化，唔怪得咁多街坊幫襯，經常座無虛席，值得一試！

以前大磡村未拆果時成日去友記車仔麵食野，條村拆左之後，佢地就分家，響鳳鳳新村開左兩間友記，分別響兩條街。

我就鐘意食姑姐呢間多啲，星期六朝早十點都開始多人，要食最好最啲去，五點幾收感架喇，今次我叫左四個淨餸。

魚肉 好煙韌，唔係粉團，好大條，好好咬口，一啲都唔腥，十級推介，隨時好食過街邊啲賣生菜魚肉舖豬紅 唔腥，成粒都熱既，唔會話煮得好老豬腸 冇豬屎味，幾林，幾入味，但間唔中啲腸會有肥膏芥蘭 冇煮到好老過林，幾甜四餸三十幾蚊，都平。

黃大仙鳳凰村一帶不知何時開始成為了車仔麵重鎮，有多家經營方法相似的店，但又各具特色。

今次寫的是雙胞胎之一，有另一同名店在鄰街，下次會再評。

至於哪一家才是正宗，沒有考究，反正我只在乎食物質素。

先到麵檔前揀麵揀餸付款坐低，有辦你睇，方便快捷。

今次我揀了素鵝，柚皮，豬腸，加上少許辣汁。

先講辣汁，香得來唔太辣，有少少咖哩味，啱我；素鵝，柚皮較少見作車仔麵餸，故特意試下：素鵝香脆，柚皮炆得透，一咬爆汁，正豬腸是新鮮貨，爽口沒羶味。

總括而言是一碗高質車仔麵，而且還有很多其他餸選擇，三十幾蚊連飲品，抵食！

我同爸都好鐘意食麵麵麵麵麵麵，可能因為佢細個個陣有擺攤賣麵，佢對麵既要求都幾高．今次就係因為出左少少糧，就做孝順女請下爸食麵啦．其實呢間友記車仔麵，我自己就成日食架啦，慣曬門口會有條短短地既人龍，一開始就同近門口個阿姐講要咩麵，要咩菜而家都要講埋架啦，跟住就睇下個日有咩餸就指住佢叫就得，最後講埋野飲就比錢，自己再落辣個d啦．成個過程都唔洗五分鐘（選擇困難症另計啦）．叫完就搵個靚位啦，我就叫左牛肚、生菜、柚皮同豬耳米線，爸就要鳳爪、雞翼、生菜 油麵，通常佢都會問你要唔要腩汁，我就次次都要既。

其實我覺得最正係柚皮，以前嫲嫲在生會不時整，而家就要係呢度先食到，d柚皮好冧好吸汁，次次食都好有回憶，豬耳細細條幾易入口，生菜同牛肚就無咩特別啦。

爸就最欣賞鳳爪，d皮唔會痴住骨，同埋好入味，岩晒佢吮骨。

其實街坊老店就唔會話好乾淨，最鐘意都係個份人情味，而家仲有幾多車仔麵會咁花心機整柚皮？仲要咁多餸樣樣都咁新鮮咁好食，keep住好既水準咁多年真係好難得，有時小店真係好難生存，街坊價27文三餸送野飲，每碗可以賺到幾多？平時行多步支持有心既小店其實唔難，真係唔好到小店頂唔順要執個陣先蜂擁去影相懷念啊。

今日又去食啦,一個字,正,又飽我今次食米線,水餃,牛腩,雞翼尖,柚皮,同雞翼水餃唔係用九菜包, 就問下老闆姑姐用咩包,一問之下,原來係椰菜包,好味,唔鍾意食九菜既人又多一個選擇柚皮好厚身,仲好多汁tim雞翼,魯水既,魯得好入味,好有屋企媽媽feel,甜甜地,所以佢係我每次必食,可惜有陣時去到會賣晒

友記小食店餐單提供港式, 車仔麵等推介美食位於黃大仙區，餐廳座位數未知人均消費約$50以下，結賬可以用現金，Booking訂位可以電話致電 23216529 查詢。

您對於黃大仙餐廳「友記小食店」有何 comment？

友記小食店餐廳詳細資料：

• 友記小食店地址:
  黃大仙鳳凰新邨環鳳街13-1號A
  友記小食店,  
• 友記小食店電話: 23216529
• 友記小食店價錢: $50以下
• 分類: 港式, 車仔麵
• 座位: 未知
• 付款: 現金
• FB專頁: 友記小食店 Facebook

更多友記小食店相關資料:

• 友記小食店分店
• Youtube
• Facebook
• Twitter
• Google