半島冰廳 黃大仙

半島冰廳 評價 相片

竹園街市裝修以來都大係獲好評，而街市內有這一家茶餐廳 半島冰廳。

呢期大部份新開的茶餐廳都係以懷舊為主題，呢間半島冰廳也不例外。

之前到過半島食過早餐同晚餐，今次過黎試午餐。

我地揀左（C）紅咖哩薯仔牛腩飯，同（G）蒜蓉豬扒煎蛋意粉，最特別係可以配支裝凍維他奶同凍麥精，係無熱的。

先黎（G）蒜蓉豬扒煎蛋意粉配支裝可樂，蒜蓉豬扒好薄好柴皮，只係一個普通的豬扒都整成咁😨，意粉就冧嘅，係個汁同雞蛋比較正常，成碟野都好求期。

再黎（C）紅咖哩薯仔牛腩飯配熱檸檬茶，呢個餐比個豬扒好，紅咖哩有d新意，牛腩正常。

整體而言，比起早餐同晚餐，午餐真係好差好失望👎，同樣差的出面個間茶餐廳，半島可以儲街市分，係一個優勢。

作為街坊，新開張一定去捧場，食過早餐5.6次都ok,價錢接受，昨晚去食晚餐，冇乜野啱食，所有焗飯都冇，叫左個咖喱朱扒飯58蚊，價钱略貴，得一塊朱扒，重要唔係大件，意粉重濕嘅，咖喱汁太甜，唔香，唔掂，薯仔配菜全部冇，剩汁，呢碟野只能收38到，點收58，我老婆點了菜心炒猪下青肉，猪青肉啲雪味大到差啲食唔到，差到極，重收68蚊，呢間野只可食早餐，食其他唔掂，厨房唔掂，炒粉面都唔識炒，極差，菜碼極少，份量不夠，價又唔平，唔抵食，我食完一個鈡後就肚疴，啲野唔乾淨，大忌，做食物館要用心去做，不能馬虎，係好大件事，唔怪到晚飯時間真係冇乜人去食，試過就知原因

尋日同左朋友去左新開無耐的半島冰廳，店舖的裝潢都幾好，係有少少懷舊設計，所以裝潢上都叫有心意，而且我地咁啱有卡位坐，都叫坐得幾舒服。

佢的menu有晚餐套餐，又或者可以叫小菜套餐，我就揀左個魚香茄子煲，套餐會跟一杯熱飲/枝裝維他奶等，但可惜維他奶唔係熱(呢家的確少左見到有賣熱枝裝維他奶)，呢家天氣涼涼地，所以都係揀熱飲了。

落單之後，大約510分鐘左右就有嘢食上，例湯就無咩特別，正正常常例湯咁，但個粟米係幾甜的，唔係個種煲到老晒個種，不過例湯就唔算大碗。

個魚香茄子煲就都幾大煲，絕對唔細份，加埋飯絕對飽肚，而且味道方面都幾夠味，有鹹魚的香味，亦都有食到有鹹魚粒，唔會太大舊，令你一食就覺得超鹹，係有少少鹹香慢慢出來，我鍾意食的茄子都好多，不過72蚊嚟講，未算係好超值。

以下評分以5⭐️為滿分推介⭐️⭐️⭐️

食過幾次，裝修懷舊環境不錯，要注意店內收不到電話訊號，跟餐可選汽水或維他奶而無需加錢，幾好。

早餐的沙爹牛肉麵牛肉同沙爹汁都好味，唯獨是麵底煮過火太過淋，星洲炒米比一般的辣，而試過幾次不同豬扒菜式都係比較硬同無味，有待改善。

但炒意粉係好味，正！雖然竹園執了3間茶仔，人流一定不缺乏，但也希望店能做好些，保持競爭力。

新開張見冇乜人就試試首先比佢吸引既係佢既裝修..好地道既香港式懷舊裝修但由於新開開係餐單選擇未係好多蒸選晚餐（包飲品同一碗飯）條魚size 適中..食落魚都新鮮...魚肉都滑..但豉油汁略少... 熱奶茶就比較出式..茶味好濃又夠滑皇牌xo醬叉燒蔥花炒滑蛋飯以為個醬會你炒埋落去..點知原來係就咁放係面..撈埋一齊食之後覺得唔夾...同埋個醬係凍冇煮過..叉燒都偏瘦比較鞋（相信睇相都睇得出）整體一般百搭扒餐（煙肉豬扒雞蛋意粉）意粉白烚再淋汁...意粉太淋..豬扒都比較鞋冇乜味...蒜蓉汁都比較淡...或者可能新開張關係食物方面唔太好食希望之後會有改善

半島冰廳餐單提供港式, 茶餐廳, 冰室等推介美食位於黃大仙區，餐廳座位數未知人均消費約$50以下，結賬可以用現金，Booking訂位可以電話致電 37920111 查詢。

您對於黃大仙餐廳「半島冰廳」有何 comment？

半島冰廳餐廳詳細資料：

• 半島冰廳地址:
  黃大仙竹園道15號竹園廣場地下竹園市場地下W-CY101號舖
  Peninsula Teng, Shop W- C Y101, Food Town, G/ F, Chuk Yuen Plaza,15 Chuk Yuen Road, Wong Tai Sin
• 半島冰廳電話: 37920111
• 半島冰廳價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 半島冰廳 Facebook

更多半島冰廳相關資料:

• 半島冰廳分店
• Youtube
• Facebook
• Twitter
• Google