創榮冰室扒房 黃大仙

創榮冰室扒房 評價 相片

未到12點就食飯，見到茶記有午餐而早餐又可以去12點，完全滿足各位親人需要，叫了三份早餐，一份午餐。

食物快送到，份量又多，喜歡他們有烚蛋，又有菠蘿包及厚多士，蕃茄湯中可配牛肉及豬膶，這就是茶記的與時拼進；滿足街坊需要。

至於味道，冇話特別好，欣賞細菠蘿包熱辣辣，菠蘿皮並冇鬆脫，蕃茄湯多茄。

絕對認真！

同D朋友嚟到創榮 今日食下午茶 下午茶時間由兩點半開始 岩岩訓醒 咁就岩晒 叫左個豬扒公仔麵 都ok既 個麵就乾身左d 塊豬扒都大塊既 所以我覺得整體黎講都尚算接受 另外叫左杯lemon tea 夠晒凍

本人於今天到此茶餐廳點了一個下午茶餐，雞髀沙律加凍鴛鴦，$38+2凍飲！ 但不幸地飲咗幾啖發現凍鴛鴦裏面有隻小飛蛾，此時我立刻跟侍應說她叫我轉飲其他飲其他東西，我說不要了，然後我埋單的時候要求收銀減返嘢飲錢，他說可以幫我減$2，我認為不合理應該要減番個凍飲錢＄18，但他說因為下午茶嘢飲是送的所以只可以減我$2，要收我＄38！之後其他侍應阿姐走晒過嚟話我，話因為散叫係＄38嘢飲已經冇收我錢要我比＄38，此時有一個阿姐說你坐咗咁耐,有機會係隻飛蛾飛落去，我真係忍無可忍，我問左一句咁而家係咪唔會退番杯嘢飲錢俾我？佢話唔可以，咁我話算啦我唔難為你地，我call食環署，我call完食環署佢哋先至同我講話減返杯嘢飲錢俾我啦，我真係想講句多謝囉！我話已經太遲啦我頭先已經問咗你哋好多次都唔肯減返錢比我，一定要收我＄38，咁我唯有攞返杯凍鴛鴦，等食環署上嚟影相同埋攞證據！其實本人明白茶餐廳有昆蟲係常見，但呢個情況發生左其實理應唔收客人錢直接了事！但既然佢哋堅持要我俾錢，仲要老屈我話可能係啱啱飛落去，容忍有個限度！我真係冇辦法唔call食環署解決這件事！其實不是＄18的問題是你地嘅飲品唔乾淨仲要屈我，所以我奉勸各位不要幫襯這間茶餐廳，做事手法實在太過分！

今日早起身，落樓下食個午餐先，呢間榮創開業以黎，我只係食過幾次，首先呢間茶記應該係竹園裡最細既一間，座位唔多，好多時甚至要同其他食客搭枱，今日得我自己去食，當然又係要同人搭枱啦！不過我就無乜所謂既，都係求其食餐晏jar！今日點左碗豬軟骨拉麵，湯底轉左【地獄湯底】，同時又同服務員講左我要大辣⋯⋯嗯！賣相都OK既，但味道就真係⋯⋯一丁點都唔辣，而且都幾咸！平時我叫杯凍檸茶都會飲唔晒，今日竟然飲晒！識我既朋友都知道我嗜辣，食辣野我反而唔使飲野解辣，但過咸都唔得喇！註：【地獄】比人感覺應該要係極致或終極，所以希望老闆可以同廚房傾吓將個辣度再調較吓😊至於服務就幾極端！有時好好、有時又好西😅今日都合格既！查詢：題外話！請問當食評登出後，是否不可以再修改內容？如審批者看到此食評可聯絡本人嗎？

今日喺呢間「創榮」叫咗個三絲炒意粉外賣，諗住$44蚊一碟散叫炒粉麵，衰極都有個譜！點知返到屋企打開個外賣盒，個所謂三絲炒意連半盒都唔滿！你話呢個價錢喺中環區啲懶high嘅食肆或者係下午茶我都算數...喂！我俾足正價嗌碟炒粉麵，偷工減料到咁！以後都唔使旨意會再幫趁！結果食完嗰半盒炒意粉，啲味精就攪到個人渴到係咁飲水...價錢已經唔合理！服務又差，啲侍應又當啲食客透明，入面得果兩台客，我就企喺度嗌幾廿聲先有人走過嚟落張外賣單！啲嘢食又重味精！完全不知所謂！差！差！差！

創榮冰室扒房餐單提供港式, 茶餐廳, 冰室等推介美食位於黃大仙區，餐廳座位數未知人均消費約$51-100，結賬可以用現金。

您對於黃大仙餐廳「創榮冰室扒房」有何 comment？

創榮冰室扒房餐廳詳細資料：

• 創榮冰室扒房地址:
  黃大仙竹園路15號竹園南邨商場1樓S113號舖
  Chong Wing Restaurant, Shop S113,1/ F, Chuk Yuen South Plaza,15 Chuk Yuen Road, Wong Tai Sin
• 創榮冰室扒房電話:  
• 創榮冰室扒房價錢: $51-100
• 分類: 港式, 茶餐廳, 冰室
• 座位: 未知
• 付款: 現金
• FB專頁: 創榮冰室扒房 Facebook

更多創榮冰室扒房相關資料:

• 創榮冰室扒房分店
• Youtube
• Facebook
• Twitter
• Google