亞萊泰 黃大仙

亞萊泰 評價 相片

見到亞萊泰門口大大個65折外賣自取優惠好吸引, 停低睇睇見到佢有個二人餐好抵食, 又有齊我想食既野, 就一於入去食個飯。

入去之前職員會幫客人量體溫先, 入到去職員放低餐具, 摸落去點解隻碟咁熱既? 望下先發現原來職員係餐廳中間用滾水再消毒一次清潔好左既餐具先至比客用, 係疫情下做足衛生, 食得安心D, 感覺勁加分!二人餐$318+$50菠蘿炒飯/PADTHAI由於我地見到個餐本身已經好多野食, 再加多個飯OR粉真係驚食唔哂, 所以都冇加到, 但大食D既朋友唔洗諗, 50蚊一定係抵加~!泰式小食拼盤小食拼盤有素春卷, 炸魚餅, 雞肉丸同炸蝦餅,香口得泥有口感, 唔會撈左好多粉咁, 蘸埋泰式辣醬就更好味。

泰式大頭蝦冬陰湯飲冬陰功最緊要夠刺激! 依個酸辣度比外面飲既強烈, 怕辣O既我都鐘意生菜包肉係半肥瘦, 所以咬落夠JUICY同肉香, 正~馬拉盞鹹魚炒通菜必叫!! 勁惹味又咸香!! 甜品拼盤4款唔用既糕點, 我最鍾意班蘭糕同椰汁糕，前者煙韌清甜, 後者椰香濃郁。

依間餐廳D優惠多到呢... 飲品買一送一, 點可以唔叫!! 泰式奶茶一冷一熱THANKS!椰汁雪燕 $38依間餐廳D優惠多到呢...真係比佢引到我叫多個椰汁雪燕, 原價 $68, 好多燕碎, 椰汁味香又唔會死甜, PERFECT既晚餐結尾!!最後就係依度既SERVICE都抵讚, 由門口接待至賣單走人D STAFF都好禮貌又有笑容, 抵上加抵!

亞萊泰係一間連鎖街坊泰菜店，全部分店都開喺住宅區，價錢亦係街坊價，但意外地店內裝修同食物賣相一啲都唔街坊，同其他靚裝泰菜店差唔多，但價錢就平好多，人頭二百蚊已經飽到反艇，性價比非常高。

亞萊泰有得散叫亦有套餐，除左不設加一，仲有三款超特價菜式，好似$78泰式明爐蒸魚、$40四串泰式串燒同$58肉碎生菜包，兩至四位可點一款，非常抵食。

不過見二人餐幾多野食，$318包小食、湯、主菜、蔬菜同甜品，所以最後我地都揀左後者。

另外，野飲亦有買一送一。

椰汁冰(半價後$15)椰汁味幾重，半價勁抵飲。

芒果乳酸特飲(半價後$15)乳酸特飲飲之前記住先攪勻，乳酸味幾重，裡面有幾舊芒果，都幾好飲。

泰式小食拼盤小食拼盤包由左至右包括素春卷、炸魚餅、雞肉丸同炸蝦餅，全部炸得香脆唔會成口粉，蘸埋泰式酸甜醬食幾好食。

雖然每樣一口一件，但食晒都有啲飽肚。

泰式大頭蝦冬陰湯冬陰湯可以分倒四碗，酸辣度啱啱好，幾開胃惹味，裡面除左大頭蝦，仲有秀珍菇同好多香料。

泰式海南雞海南雞足有半件，份量好多，雞肉幾滑，碎骨唔多，我最鍾意蘸中間嘅辣醬食。

馬拉盞鹹魚炒通菜通菜都係比較嫩，唔會太老太大條，用馬拉盞炒鹹鹹辣辣好惹味。

泰式菠蘿海鮮炒飯(跟餐加$50)菠蘿炒飯雖然睇落唔係好大個，但其實個菠蘿殼幾深，所以都分倒三碗，炒飯上面有好多肉鬆、蝦仁、腰果同提子乾，唔會太油，甜甜地幾好食。

甜品甜品有椰汁糕、班蘭糕同奇亞籽大菜糕，我最鍾意班蘭糕，煙煙韌韌幾好食。

總結，二人餐雖然本身冇飯麵，但野食都大份，兩個人食都好夠，加埋個炒飯其實夠三個人食。

野食唔錯，環境乾淨企理，價錢仲好抵，下次有機會都想試下佢個$78明爐烏頭。

在黃大仙吃泰菜，進去便看到侍應把食具放在邊爐煲中滾燙，然後端上枱，讓我用得放心，侍應工作確勤快。

食店頗大間，我們坐在卡位，自成一角，點了二人餐，還加了$50 點了❮泰式炒金邊粉🍜❯，帶甜味的金邊粉，彈牙蝦肉可再加多點鹹味，粉中還有芽菜，韭菜與切條豆腐乾，最突出還含有少甜少鹹蘿蔔乾粒，提升了味道。

有些飲品買一送一，我又怎會放過，唔該兩杯❮椰汁紅豆冰❯🤭椰汁香濃，紅豆夠腍。

醒神惹味❮泰人大頭蝦冬陰湯~細❯。

香料充足還有隻開邊大頭蝦🦐，極多的秀珍菇代替了草菇，有咬口，酸辣味道開胃，好味。

❮蒜粒鹹魚炒通菜❯ 因為未食過鹹魚炒所以今次試試，雖然用馬拉盞炒會惹味一點，但應是各有特色，況且他的碟頭大，通菜又嫩，二人很夠吃。

❮迷你泰式小食併盤❯ 四款是春卷，外皮微脆，餡料夠味。

泰式魚餅一向是比較腍身，少油一點更好。

雞肉丸，香及有咬口。

蝦餅，最美味的，Q彈，有蝦味。

❮18吋長咖哩海中寶法包❯ 法包，初吃微脆，如加強脆度更好，因放久了麵包會變為煙韌；海鮮包括魚塊🐟，蝦肉🍤，墨魚仔🦑，配上好多好多咖喱汁。

咖哩汁夠濃稠舖滿整個麵包，三四個人也夠食。

甜品有四件不同口味的糕點，都是少甜糸列❮糯米千層糕❯ 好煙韌。

❮椰汁凍件❯ 椰汁香，下層芒果味果凍略為硬。

❮奇亞籽凍件❯ 用了有益的奇亞籽加在大菜糕中，不錯。

❮椰汁西米糕❯ 加了粟米與芋頭粒，增加咬口，好味。

吃泰國菜不一定在九龍城，這次於黃大仙吃了二人餐，比散點平宜又吃得飽飽，眼闊肚窄下，還要打包呢！😌

是日心血來潮，突然好想食泰國菜，餐廳入面都好多人，見到有個二人套餐（$318)，都有幾多道餸，所以就入去試試！上菜算快，節奏剛剛好，每道菜大概食到一半時就剛好上另一道菜我地揀左泰人大頭蝦冬蔭湯，個湯好夠味，夠辣，內有起碼兩隻大蝦，又有好多蘑菇😍我地得兩個人,都分到好多碗湯，飲完好醒神好滿足第二道菜，有得揀半隻海南雞或者鐵板泰式滷水無骨豬手，未聽過泰式豬手所以就揀黎試試，點知上菜時份量真的很多，有好多片肉，這個味道幾特別，像是中式憫煮，有d淡淡地味既醬汁包住，基本上我地食到呢part 已經好飽😆第三道係馬拉盞炒通菜，好香，這碟真的很惹味👍🏻👍🏻亦係今餐最滿意既一碟，蒜味加上鍋氣十足，辣辣地，用黎伴飯真的一流第四道係加左（$50)既泰式菠蘿海鮮炒飯，頂頭鋪左好多腰果和肉鬆，飯身沒有太腍，飯既調味溫和，加埋提子乾，吃起上來偏甜的下一道是迷你泰式小食拼盤，總共有4款，每款兩件，反之這道菜就比較失望，有些口感沒有想像中彈牙，太腍，但蝦件那款咬起上來又太費勁，不過整體味道嘗算ok,有香葉既味道最後上埋甜品4件，是已set 好款的，椰汁西米榚好好食，底部有好多粟米亦有芋頭，另一件頂部是椰汁而底部則像是芒果汁，較甜，另外兩件就像是淡淡既香葉榚另外飲品做緊買一送一（$30),所以都叫左青檸梳打同椰汁珍多冰，一路食一路飲著帶著濃濃青檸漿的梳打，真的很清爽是日份量覺得對於兩人來說真係算好多，下次真係可以考慮三個人來食二人餐，又或者可以選擇唔加炒飯，不過始終都係有飯/麵會滿足

作為一間連鎖店，阿萊泰的CP值真的意外地高，食物質素也是不錯適逢農曆新年前夕，店內的裝潢很有新年fu，到處都是揮春。

侍應們也滿友善，星期一也是非常爆場食物：二人餐是必選的，$318+$50炒飯的份量，多得要三個人才吃得完！前菜：小食拼盤這是非常普通的拼盤，但有撻至起膠的蝦餅，爽脆彈牙，也有魚蛋，配上無人能抵擋的香甜泰式辣醬，怎麼戒口都難抵其誘惑椰汁雞湯非常大的份量！雞湯香味濃郁，但椰汁味比較淡。

湯底帶點提胃的酸，而香茅和秀珍菇跟雞肉超級多！半隻海南雞之前吃過每間都偷工減料，半隻切完好像只剩例牌一樣。

今次的卻非常大隻，雞翼雞腿完好無缺，而且還早已去骨，雞胸也是嫩滑海南雞醬的酸辣汁，薑蓉，黑醬油齊備，即使是連鎖店用料也很認真，吃得高，讚啦馬拉盞通菜份量大，口感爽脆，微辣開胃～加錢（＄５０）點的菠蘿海鮮炒飯絲毫馬虎也沒有，飯粒分明乾爽，菠蘿汁香而清爽，解了些膩感，腰果爽脆，肉鬆香酥，不俗甜品是椰汁糕 西米糕 等各一客，算是不過不失360元左右夠三人吃，無加一，明碼實價，讚！

亞萊泰餐單提供泰國菜等推介美食位於黃大仙區，餐廳座位數未知人均消費約$101-200，結賬可以用AlipayHK,支付寶,現金，Booking訂位可以電話致電 35848001 查詢。

您對於黃大仙餐廳「亞萊泰」有何 comment？

亞萊泰餐廳詳細資料：

• 亞萊泰地址:
  黃大仙龍翔道136號黃大仙中心北館1樓N141號舖
  Aroi Thai, Shop N141,1/ F, Temple Mall North,136 Lung Cheung Road, Wong Tai Sin
• 亞萊泰電話: 35848001
• 亞萊泰價錢: $101-200
• 分類: 泰國菜
• 座位: 未知
• 付款: AlipayHK,支付寶,現金
• FB專頁: 亞萊泰 Facebook

更多亞萊泰相關資料:

• 亞萊泰分店
• Youtube
• Facebook
• Twitter
• Google