Grove Café 黃大仙

Grove Café 評價 相片

日日食同一間，真係會悶㗎😂😂諗住轉下新意思，試下呢間，佢半自助式，水要自己黎，嘢食佢就送餐，真心無乜服務可言，只係你隔離食嘢嘅人會high class啲，其實大xx個啲都要自己黎，我又覺得無乜所謂，價格都係同普通快餐店甘樣，差唔多，不過佢啲嘢食就出哂事，個多士係幾脆，不過好鹹，佢應該唔旦止渣咗好多牛油，仲落咗幾粒鹽，你用無鹽牛油梗係可以落鹽，至斃你唔係呢😂😂真係鹹到嘔啊，個塊雞扒同火腿好似用油浸甘，多油多到再炒碟生菜出黎都絕對no problem，火腿本先係工場已經整好咗，除非係用得好平，唔係都無乜問題，但係塊雞扒，我估佢為咗快直接放落油到炸，然後炸埋炸埋一大堆，所以拎到上黎係凍嘅，仲要撐握唔好個時間，炸得太奈，所以成塊皮好硬，無皮包住嘅肉就好柴，好硬同好油，仲有好鹹，至於碗螺絲粉，啲粉係無問題，但係就就好酸，酸到寡啊，我明呢啲都係中央工房整好再送黎，但係都試下味啊大佬，真係好難食啊，總括黎講鹹、酸、油，無下次

熱烘芝士火腿三文治🥪配熱檸茶無糖熱檸茶 茶底苦澀 ，可能是沒有落糖的緣故，完全覆蓋了檸檬的味道😢 唔會n call三文治的表皮烘得比較脆，但是我覺得芝士份量不夠多 火腿也是沒有烘過直接放落去😑內涵不夠juice 😑唔會 N call

難得撞正一日假期，想食個西式嘅tea。

但又唔想去得太遠，好彩附近都有間Grove可以食下～又可以食西式野同埋有杯咖啡飲而且，黃大仙呢間Grove Cafe環境幾舒服享受下個tea set飲下咖啡咁，原來都可以咁寫意！因為呢道又唔會太吵，想要個坐埋小小既位都有。

重點係又唔會太多人等位，令你想坐耐啲都唔會好尷尬～除左個環境之外，佢地整嘅野食都唔錯今次我就叫左個焗肉醬長通粉加杯咖啡坦白講，咖啡就好一般唔好抱有什麼太大期望就可以了但當店員放埋個長通粉黎，真係有驚喜呀！首先，個外貌就好吸引。

外表唔會焗到全部黑之餘，仲會有小小焗焦左嘅顏色然黎，係嗅到好香嘅芝士味之後撈起個長通粉時，啲芝士會起司外，入面仲有小小汁。

等你唔好食到個口感會好乾證明佢火喉控制得好好呀唔會流失左個肉汁，雖然叫左先發現係牛肉嘅肉醬。

食嘅時候要好小心整走啲肉碎，但真係超好食，忍唔住推介俾大家。

整體黎講，呢個價錢有呢個食物質素真係好值得食呀。

下次諗唔到下午茶食咩，同埋又想坐得耐啲既。

都可以試下Grove Cafe

上星期日光顧過這店的下午茶，眼見很多人客，但無論食物飲品都差到令人吃一驚，相都冇心情影！與朋友各點了一客咖哩牛腩飯與牛柳伴薯菜，首先是等候的時間奇長，牛腩飯等了20分鐘，牛柳更等了接近30分鐘。

再說食物，眼見朋友的牛腩飯牛腩只有兩細件，連薯仔等配菜都少得可憐，只有大量汁，應叫咖哩汁飯吧。

我的牛柳餐，牛柳如紙咁薄身，知道下午茶一定是薄身的，但真係冇諗到薄到咁，食落似用大量梳打粉令佢軟身，令肉質差加上如此薄身，好腐肉的感覺，薯菜是波浪形薯條，量少，同樣未見過條條都好短的薯條，最長都係尾指咁長，而且炸得太過火，好乾身，可能佢見啲薯片overcook , 所以我個餐同樣落左大量汁，其實如果我配飯意粉多汁都可以接受，但係配薯條，啲汁又浸到淋晒，想點呢？一杯凍奶茶同凍檸茶，冇茶味好淡，只有糖水味，連檸檬都冇味，成餐唔知食左啲咩，其實一個餐都四十幾蚊，真係好多其他選擇，環境又異常嘈吵，去茶餐廳好過喇。

唔會再食。

難得平日不用上班,就休閒地食番一個靚早餐,一直以來都想試這間,難得來到這裡,都多款早餐選擇,今次食這個黑松露蛋磨菇飛碟.即叫即整,都等了10分鐘左右,開初還以為白麵包,誰知用麥包,感覺更為健康,食下去帶著暖暖口感,面上還撒了一些櫻花蝦,烘得不會太乾,內裡的餡料都豐富,也不會太多醬,食下去都幾香脆可口.而且還散發淡淡的黑松露香,都幾好食,配上櫻花蝦,覺得賣相加分不少,唯一是細份左少少.食完都唔算太飽.早餐配上基本餐飲,如果特別的餐飲就另外加錢,不過勝在坐得舒服,服務方面,都不過不失.有機會的話,可以再光顧

Grove Café餐單提供西式, 三文治, 無肉餐單, 咖啡店, 少鹽少糖食店等推介美食位於黃大仙區，餐廳座位數100人均消費約$101-200，結賬可以用現金,八達通，Booking訂位可以電話致電 21554843 查詢。

您對於黃大仙餐廳「Grove Café」有何 comment？

Grove Café餐廳詳細資料：

• Grove Café地址:
  黃大仙正德街103號黃大仙中心南館UG樓33-36號舖
  Grove Café, Shop33-36, U G/ F, Temple Mall South,103 Ching Tak Street, Wong Tai Sin
• Grove Café電話: 21554843
• Grove Café價錢: $101-200
• 分類: 西式, 三文治, 無肉餐單, 咖啡店, 少鹽少糖食店
• 座位: 100
• 付款: 現金,八達通
• FB專頁: Grove Café Facebook

更多Grove Café相關資料:

• Grove Café分店
• Youtube
• Facebook
• Twitter
• Google