樂怡小廚 鴨脷洲

樂怡小廚 評價 相片

午餐時間去到鴨脷洲海怡商場，肚仔餓當然要去搵野食啦，去到海怡東商場街市裡面，無意中發現一間食日本野叫「樂怡小厨」的小店，附近食呢食去都係美心大家樂，今次就試吓呢間啦。

呢間小店外牆主要用玻璃圍主，雖然旁邊是豬肉檔，入到裡面沒有異味，雖然人多但唔洗等就有位，冷氣充足，食物都有很多選擇，有飯丼有烏冬有拉麵，我就當然點我最喜觀的豬扒味噌拉麵，另外凍飲加三蚊。

坐咗一陣有電視睇，拉麵有得食啦，拉麵和豬扒是分開上的，豬扒炸得很香還保持很多肉汁，厚切彈牙有咬好，拉麵超有質量彈牙有咬口，比得上高檔的間日本拉麵店，湯底都是足料的，認真抵食。

原本打算試下食位於街市內的樂怡餐廳，點知等左一個鐘都未有得食，大家排排坐等野食，仲要無論咩飯都硬到無煮過咁，黑椒汁好難食，牛扒又好多筋，總之世界級難食，曬我時間！

今日又嚟食，由廚房到樓面，都比人感覺，斯斯文文。

重點係……價錢合理，食物質素好，除咗……一定要穿過街市，至可以到達之外，要講都只係款式唔多，或者佢哋就係想做到……貴精不貴多吧！食咗幾次，試唔同款式，都ok,今日食咗個日式叉燒鹽湯泡飯，竟然好好味！性價比……高！

放假去接肥髀，佢補完習都接近中午，之前已想試呢間但搵唔到，今日事先打電話問路，原來餐廳在地庫街市內，西餐廳門面，店內桌椅較迫！食物選擇多！蟹籽沙律（$28）細細碗，蟹籽卜卜脆，生菜爽脆，沙律醬酸酸的！好味越式生牛肉河粉（$52）肥髀食，好大碗，𢳂咗一碗，河粉略厚唔夠滑，牛肉湯幾濃，比好多新鮮九層塔，湯底濃但唔夠熱，浸唔熟牛肉片（雖然牛肉片唔係厚）牛肉片都比得多的，爭了點熱度！星馬喇沙魚蛋湯米線（$52）呢個唔可以話係正宗馬拉喇沙，不過又好吃，好像魚蛋米線轉喇沙湯底！首先湯夠熱，味道香濃，微辣，魚蛋魚角魚片都好彈牙，又唔會腥（連唔食辣嘅肥髀試咗都話好食）配菜有爽脆芽菜，新鮮九層塔，香甜粟米粒，米線又彈牙有咬口，好味！即磨咖啡（跟餐）呢個夠熱，咖啡味甘，不過又唔算濃！ok凍柚子蜜（跟餐加$8）肥髀飲！喇沙係驚喜嘅，因為係唔係正宗我不太在意，最重要好味！店員好人，教路時有禮又易明白，我哋食緊期間已有人等位，我同肥髀坐一張四人桌，佢哋都無趕無催促，當然我哋食完就走唔阻人做生意！而上菜收碟時都有笑容！街市中的餐廳

有一次經過街巿，發現入面有間餐廳，今日就決定落嚟試下，去到門口已經有人等緊位，好彩我地2個人好快就有得入座。

精選套餐選擇都幾多，我地選擇左滑蛋鰻魚飯同焗咖哩雞飯。

每個餐可以配熱飲一杯，凍飲當然另加錢。

滑蛋鰻魚飯：鰻魚嘅份量一點都唔孤寒，相當大塊，滑蛋部分無過熟，仲有好多蛋汁，米飯用嘅係珍珠米，味道不錯。

咖哩焗雞飯: 賣相唔錯，用珍珠米炒飯底，而咖哩汁唔太辣，有點似日式咖哩，少辣得嚟又帶點惹味，雞扒份量唔算好多，幾嫩滑，而上面嘅芝士做到拉絲嘅效果，加左分，整體不錯。

將來應該會再嚟幫襯呀！

樂怡小廚餐單提供港式, 茶餐廳, 冰室等推介美食位於鴨脷洲區，餐廳座位數未知人均消費約$51-100，結賬可以用現金，Booking訂位可以電話致電 28843383 查詢。

您對於鴨脷洲餐廳「樂怡小廚」有何 comment？

樂怡小廚餐廳詳細資料：

• 樂怡小廚地址:
  鴨脷洲海怡路13號海怡半島海怡東商場地下2A-4號舖
  Main Kitchen, Shop2 A-4, G/ F, Marina Square East Centre,13 South Horizon Drive, Ap Lei Chau
• 樂怡小廚電話: 28843383
• 樂怡小廚價錢: $51-100
• 分類: 港式, 茶餐廳, 冰室
• 座位: 未知
• 付款: 現金
• FB專頁: 樂怡小廚 Facebook

更多樂怡小廚相關資料:

• 樂怡小廚分店
• Youtube
• Facebook
• Twitter
• Google