金煌庭京川滬菜館 鰂魚涌

金煌庭京川滬菜館 評價 相片

建議平時受氣既打工仔去果度發洩下, 絶對搵岩地方, 佢地d侍應直頭博閙, 不過高血壓既人 or EQ未到神父咁高既唔好去, 點解係神父呢, 事關連佛都有火.態度唔好不凸只,連食物的質素都同態度都成正比,嗱,淨講小籠包啦,第一上面的皮超厚,但下面就超薄,薄到餡都跌出來,第二蒸籠的紙冇保持濕潤令超薄的皮痴著左張紙令個皮穿窿食評既喊樣跟本表達唔到我地既心情, 如果有個icon係bomb或者用衣家既icon整爆佢, 咁會接近我嬲既程度羅d衰野已經有好多人寫左唔使我重覆,一句講晒衰到貼地唔止, 學阿蘇話齊, 要响下面再鑽落多幾層, 十八層就差唔多拉價錢貴都唔算得係D咩,但係最緊要係食物的質素,我俾多多錢但相對地佢係冇食物質素囉,我覺得俾得好冇價值囉!!!!!!!

呢間野D服務差到食左曉飛都唔會去第二次呀!嗌野MISS左單追單D STAFF 應完就算~等極都等唔到第二次追先話係MISS 左~足足等左8個字~都算~叫佢搵MANAGER 黎, 佢話未返~返到之後~我地搵MANAGER 投訴~佢用極不禮貌既ATTITUDE 問: 咁到底D 野食到齊未?我地話而家重點係D STAFF 既態度~ 佢話: D 員工留俾我處理, 總之你D 野到齊未?我地話: 到左啦佢就唔耐煩地話: 咁得啦~就走開D STAFF 上菜我地倒緊TEA 佢地完全唔會叫你借借, 夾硬伸埋去而且D STAFF 勁無表情, 面黑黑~價錢講真唔算好平~ 叫正常價錢~但係就算佢再平~ 食到火都黎埋~!建議大家唔好去!!

本來好忙, 唔想晒時間, 但係實在太激氣拉, 唔唱衰佢都唔得, 個個侍應木口木面不特止, 催order又唔理, 又扮睇唔到,原來落留單, 對唔住都無句, 叫沖水, 越叫越走, 望都唔望下, 結果要自己來(我地坐既附近有壼熱水, 可能一早預左要客人自己serve自己拉)你忍唔住投訴, 佢話我唔知喎, 岩岩至坐低咋喎,走去搵高級既人係無用嘅,, 你再話搵經理呢, 佢話未返, 唔知幾時返架成十一點幾個經理至返 (嘩, 乜野工來架, 好HEA者), 佢都未聽完我地投訴就已經一味講 咁d野齊未呀, 重覆左幾次, 我地同佢講係服務既問題, 佢似乎當聽唔到羅, 淨係猛講 咁d野齊未呀 ↑(有咁既上級至有咁既下屬).至衰附近d酒樓爆晒, 如果唔係我死都唔會去. 但係經過今次, 我寧願等下好過受氣拉, 佢價錢又高人地咁多, 同服務質素完全相反唔怪得我地坐咁耐都有好多吉枱, 最衰要等埋其他屋企人, 如果唔係呀, 一早即走夾唔透拉

中國人一向款待朋友及客人都希望能夠做到最好, 故在農曆新年宴客雖然價格高食物俾不到最好給客人時, 都希望能夠去到一間招呼好及意頭好的食店.而此店食物一般, 價格中等, 勝在這區很少這類食店, 故仍可維持到至今.點解這樣講, 正所謂: 上樑不正, 下樑歪. 相信區內有很多寫字樓的打工仔及老闆都曾經幫襯過, 領教過這間食店的招呼手法後, 都一致異口同聲地說: 幫襯一次就夠了, 除非想公司日後冇生意就用此間食店招呼客人啦.食客身處其中就會見到及體會到這間食店的男部長是如何教導, 或推動員工用他的不禮貌手法去接待及招呼客人了. 17/2/2010 (年初四) 這天就已看到有批客人到步預入席而被該名部長隨意刪減留座名單而被拒入座招待的事件, 當然該批客人有同佢理論啦, 最終就是聽到該名不負責任部長的回應: 聽你電話留座的是支客員工, 佢話俾位你, 你問佢啦, 總之我係部長, 我話唔俾就唔俾, 話之你有電話留座.哈! 真好笑, 唔通平時聽客人電話留座會係部長, 這樣不負責任的說話怎可講出口啊敬告該批客人, 附近還有好的食店,例如: good東海, good鴻星, good彩雲軒都好過這間.無謂去這間金煌庭食呀! 一來受氣, 招呼不好, 食物一般, 坐位與其他客人背對背又逼,在節日時價錢又貴.就算安排到你地入坐, 部長親身示範上菜會由客人頭頂遞上抬, 拿起熱水煲沒有通知客人讓開而直接添水的驚險程度就足夠你坐立不安啦!好彩! 這批受氣的客人不再與這無理的部長爭論, 他們離開這間金煌庭, 遠見他們一窩蜂地上了電動樓梯, 改去了'good美國運通會的食店', 真高興他們的明智的選擇.所以, 你地想食得一肚氣就幫襯金煌庭啦!

味道：雖然nei間野響openrice的comment唔係咁好，但我又覺得ok wo，叫左個二人餐如下：鴨胸 整得幾好味，鴨胸分三層，口感幾好，而且幾開胃翅 d的份量雖然幾少下，但都幾好味，個湯唔會太濃或太稀，配料雖然少但咁反而清淡d同香d。

花枝炒西蘭花 花枝同西蘭花都好爽口，花枝味濃而鮮，西蘭花味淡而清，兩者配合得幾好魚小籠包 麻麻地，皮太厚，而且太大個，d湯又會漏出黎。

豆腐花 有d怪味，而且唔夠滑，最差nei個茶 茶味香濃，好過一般酒樓，而且連玫瑰花茶同馬騮搣茶都有 環境：裝備得好靚下 服務：d waiter成日閃備我的舉手，而且服務態度又唔好 衛生：衛生幾好 抵食：ok抵，二人餐多野食又有翅都係二百幾

金煌庭京川滬菜館餐單提供京川滬, 中式包點, 中菜館等推介美食位於鰂魚涌區，餐廳座位數600人均消費約$101-200，結賬可以用Visa,Master,現金,AE。

您對於鰂魚涌餐廳「金煌庭京川滬菜館」有何 comment？

金煌庭京川滬菜館餐廳詳細資料：

• 金煌庭京川滬菜館地址:
  鰂魚涌太古坊康橋大廈1樓
  Shanghai Restaurant, 1/ F, Cambridge House, Taikoo Place, Quarry Bay
• 金煌庭京川滬菜館電話:  
• 金煌庭京川滬菜館價錢: $101-200
• 分類: 京川滬, 中式包點, 中菜館
• 座位: 600
• 付款: Visa,Master,現金,AE
• FB專頁: 金煌庭京川滬菜館 Facebook

更多金煌庭京川滬菜館相關資料:

• 金煌庭京川滬菜館分店
• Youtube
• Facebook
• Twitter
• Google